-
نزلت وقولت لا
السلام عليكم
نزلت صوت على التعديلات بلا
قولت انزل بدرى خصوصا انى بقوم بدرى دايما قبل الدنيا ماتزحم
500 واحد ماتوا و5000 اتصابوا والبلد ادمر فيها حاجات كتير واقتصاد خرب كل ده ماتعاملشى علشان تعديل كام ماده والله اعلم حتغير فعلا زى ما بيقولوا ولا لا
قولت لا لان ال50 % عمال وفلاحين واللى حاجزين اماكنهم باستمرار فى مجلس الشعب بسسب نزاعات عائليه وتعصب فى الارياف خصوصا و اللى مابيعرفوش يقروا ولايكتبوا عمرهم ماحيعملوا حاجه صح للبلد ولاحيوافقوا على تعديل دستور يطور البلد
قولت لا لان مجلش الشورى اللى مالوش لازمه لازم يتلغى ويخفوا الحمل على ميزانية البلد او يدولوا اختصاصات محترمه تليق باسمه
قولت لا علشان الماده 141 اللى بتدى رئيس يعين ويشيل زى ماهو عايز فى النائب ورئيس الوزراء والوزراء على حسب مزاج البيه وماما سوزان وجمال بيه واصحابه (ماهو برده ممكن ييجى نسخه تانيه منهم )
قولت لا علشان الماده 162 والمجلس المحليه اللى مالهاش اى لازمه غير الفساد والسرقه
اخيرا قولت لا علشان رئيس الجمهوريه لازم يبقى صوره ورمز فقط وكفايه علينا اللى شوفناه
عمرى 32 سنه من اول ماوعيت على الدنيا مشوفتش البلد فى يوم ماشيه صح
الواحد منهم يينام ويحلم بحلم يقوم ينفذه على مزاجه ماهى اصلها عزبة ابوه
والتانى لو مراته معكننه عليه يقوم يعكننها على الشعب ماهو برده شعب ابوه
عموما ده رائى وبرده بحترم راىء كل القالوا نعم
-
اخبار اللجنة اية و الاقبال شكلة اية و هل فى اى تامين للجنة
قولنا تجربتك فى اللجنة كانت عاملة ازى ...
-
انا نزلت برضه متهيألى رحت اول واحد فى اللجنه ههههههههههه..قولت لا ..
ان شاء الله خير
-
وانا هنزل دلوقتى :-) وطبعا هقول لأ
-
-
اللجنه انا شايف ان عليها اقبال كويس خصوصا ان احنا لسه بدرى اوى
والتامين كله جيش ماشفتش عسكرى شرطه واحد
وعلى فكره دية اول مره اصوت فى استفتاء او انتخابات
-
أهم حاجة انك رحت
قلت لأ أو قلت نعم ده حقك و اختيارك
المهم انك رحت
أنا هنزل كمان شوية أقول نعم و هبلغكم أخبار المنيا ايه في اللجنة
-
أنا نازل دلوقتي برضو
وان شاء الله هقول لا.
-
فريق لا انشط لكن العبرة في الخواتيم أنا طبعا مع لا لا لا
-
دا النظام لكل لجنه :
لكل مجموعة من المجمعات الانتخابية ضابط جيش ( شرطة عسكرية )واثنان من أمناء الشرطة وبكل مجمع انتخابي قاضي واثنان من جنود الجيش وفردين من الداخلية
Content Relevant URLs by
vBSEO 3.6.0 PL2