غير موافق
لا
غير موافق
لا
نعم
الحمد لله صوت الساعه 10 صباحا قبل الزحام
واخترت نعم
عملت استخارة باليل و كنت مستقر على لا و بمجرد ما مسكت القلم كتبت نعم ليه مش عارف =)
مع احترامى للجميع بس انا قولت لا لعده اسباب خلاص وقتها خلص ولكن انا نفسى الكل يدعى و يقول : ربنا ولى من يصلح
البلد فى ايد ربنا دلوقت
انا صوت بلا مع صديق صوت بلا و قابلت اختى وصديقه لها فى اللجنه صدفه و صوتت نعم هى وصديقتها روحتها وبعدين كلمت الحج والحاجه بابا تعبان ومشاكل فى القلب و يتحرك بالعافيه
وديتهم والناس كلهم زوق دخل على طول وقالوا الاتنين نعم روحتهم و رحت جبت مراتى و صوتت بلا
بابا كلمنى من شويه وقالى خلى بالك لازم تستتاب عشان اللى قال لا يتبع الكافر البرادعى و تقريبا كده انت كفرت ومش عايز دوله اسلاميه(بيتريق عليا)
بابا مش بيطيق الاخوان والسلفيين (كان ظابط بالجيش)
وبالمره هو مش عايز لا برادعى ولا عمرو موسى ولا اى حد سياسه هو عايز اللى يمسك يكون اقتصادى
بعد مصوت انا الساعه 10.30 صباحا أخدت زوجتى ونزلنا الساعه 2.15 ومعانا الأولاد
كان الطابورين واحد سيدات والثانى رجال فى نظام وبدون أى صوت والانجاز عظيم طابور لاينتهى
وهيا على فكره قالت لآ
لكن الواحد مبسوط بالمنظر الحضارى والنظام
وعموما نعم او لا فأنا مع رأى الأغلبيه
و الله يا بشمهندس طارق ما رويته حضرتك قمة الديمقراطية
و هذه هي الحياة التي نبغيها و هذا الذي نريده لمصرنا الحبيية
و بالنسبة للوالد اولا الف سلامة عليه و ربنا يتم شفاه علي خير
و يكتبه في ميزان حسناته
اما رأيه في الكفر و خلافه فطبعا هذه اراء شخصية لبعض الافراد الذين ذكرو ذلك و طبعا هي لا تمثل رأي العلماء و الا الاغلبية الساحقة من اهل الدعوة و دليل كلامي هو ما اعلنه صراحة الشيخ محمد حسان و هو من انصار السنة المحمدية و الجمعية الشرعية و ما يعرفه الناس بأسم السلفيين و المرشد العام للاخوان العالم الشيخ مهدي عاكف كل تصريحاتهم اعلنت صراحة رأي جماعتهم في ان الذهاب للاستفتاء واجب شرعي علي كل مسلم و من يتخلف عن الذهاب فهو اثم
و لم يجرم احد منهم من قال لا و لكنهم دعو للتصويت لنعم
و هذا حقهم مثل انه حق لغيرهم ممن اعلنو ايضا علانا انهم مع لا
عموما كلنا مجتمعين سواء نعم ام لا
المهم غدا كلنا واحد بأذن الله و لا نريد ابدا ان اي اعمال فردية هنا او هناك انها تطعن في النتائج و ترجع تفرقنا من جديد و تدخل العصبيات و هكذا و لا اجد ان هذا الا نوع من انواع التدمير الذاتي للشعب المصري
ربنا يكرمنا يا رب و تعدي البلد من هذه المرحلة
و تقبل تحياتي
م.حاتم السباعي
صوتت بنعم بس اللي شدني جدا الجموع اللي راحت تنتخب
انا فضلت ساعتين لحد مقدرت انتخب بس الناس كانت تحفة وكانت لوحة جميلة تستحق التسجيل
جميع الفئات والاعمار والعائلات مع بعض ذوي الاحتياجات الخاصة مع وجود بعض البدو (شرم الشيخ هو مكان التصويت)
المدام ادلت بصوتها في القاهرة بنعم برضه
انا وزوجتي و8 من إخوتي وزوجاتهم قلنا نعم ونحترم رأي من قال لا ونحترم النتيجه ايا كانت ومع رأي الأغلبيه....... والسلام ...... الله المستعان