موضوع مخصص لأى شهادات بخصوص تجاوزات فى استفتاء 19 مارس

**chato_eg** · 19-03-2011 10:10 AM

أنا لسه راجع من شوية من اللجنة....
و عندى شكاوى من خلال تجربتى الشخصية

1- فى عدم التزام بتوجيه الناس للساتر أثناء الإدلاء...

2- يتم توجيه المواطن لصندوق بعينه دون الآخر
و دى النقطة الخطيرة...
أنا شاهدت إحدى السيدات بعد إدلائها بصوتها بيتم توجيهها لصندوق دون الآخر على يد أحد المعاونين و عندما استفسر أمين اللجنة كان الرد كالتالى " دى نعم يا باشا "..و دى شهادة أتحاسب عليها أمام الله يوم القيامة....

أنا بقى لما دخلت....و أدليت بصوتى وجهونى لوضع الاستمارة فى صندوق آخر..غير الصندوق بتاع نعم...

3- الحبر السرى ده أكذوبة....أختى عرفت تشيله بالماء و الصابون تماما و يمكنها التحايل و الإدلاء بصوتها مرة أخرى بكل أمان....

أنا عملت شكوى و بعثتها ل
eohr@eohr.org , eohr@link.com.eg

الجوانب المضيئة هى إن فعلا الإقبال كبير جدا و فى حالة تفاؤل بين الناس...و الكلام ده الساعة 8:30 صباحا و الطوابير طوييلة ما شاء الله....و الإقبال يكا يكون متساو من الرجال و السيدات بعكس ما توقعت

أدعو الله أن يوفقنا للخير جميعا

**medo_2060** · 19-03-2011 10:42 AM

جمعية المصرية للنهوض بالمشاركة المجتمعية
0128290250 - 0127534817 - 0102226341 /0105702704 /0166625649

0177361972 حركة شايفينكم - بثينة كامل

المنظمة المصرية تراقب الاستفتاء بانشاءغرفة عمليات ويمكن الاتصال في حالة شكوى علي ارقام
23636811 -23635354- 08004440800َ- 0102226341

**Sharky** · 19-03-2011 12:32 PM

يا جماعة خدوا بالكم فيه اوراق غير مختومة و اوراق مختومة !!!

**W77** · 19-03-2011 12:50 PM

نعم yes sì ja да

**chato_eg** · 19-03-2011 12:57 PM

المشاركة الأصلية كتبت بواسطة sharky

يا جماعة خدوا بالكم فيه اوراق غير مختومة و اوراق مختومة !!!

الاستمارات بتاعتنا كانت مختومة

**magid1010** · 19-03-2011 01:14 PM

يا اخوان مش حنبطل نظريه المؤامره دى طيب و بعدين كل ده علشان نتيجه الاستفتاء اللى ما تعجبوش يقول ده تزوير و هوب على ميدان التحرير على طول كفايه الواحد يعمل اللى عليه و سواء نعم او لا احنا المستفدين فى الحالتين

**shaddadfalcon1** · 19-03-2011 01:18 PM

المشكله الكبري هنا في الفلاحين الناس مش بتعرف تقري ولا تكتب وبالتالي مش عارفين الاختيارت ومفيش حد بيفهمهم حاجه

انا عمي مش بيعرف يقرا ويكتب وراح ادلي بصوته ولما سالته اخترت ايه قالي علمت علي الاتنين وقلتله ليه كده انت كده صوتك باطل قالي منا معرفش هو كان في واحده خضرا وواحده حمرا فعلمت علي الأتنين والمشكله انه حتي مسالش

طيب علي الأقل يقولو للناس البسيطه ايه تعم وايه لا او حتي يقولوهم علمو علي واحده بس

**dr_magdi2009** · 19-03-2011 01:21 PM

وصلنا الان خبر من باب الخلق عن مظاهرات لمنع المواطنين من الاستفتاء المظاهرات قامت بها شباب من 6 ابريل و الوطنية للتغير و الناس مش عارفين يدخلوا يدلوا بأصوتهم و عمالين يهتفوا و يقولوا عايزين بدلة جديدة اللجنة فى باب الخلق مدرسة محمود سامى البارودى كل اللى يعرف ارقام الشكاوى يتصل و يبلغ يا جماعة

**alaa_dash** · 19-03-2011 01:22 PM

للأسف ...فعلا كلامك صحيح ..
1-لا يتم الاليتزام مطلقا بالدخول وراء الساتر .. و المناقشات مفتوحة امام الصناديق !!!!!! و هناك من يوجه لرأي معين - بعصبية-
2-الحبر لا يتم التعرف عليه اولا قبل النصويت ...و من الممكن ان تصوت مرتين او ثلاثة بكل اريحية ....و يمكن ازالة معظمه ..
3-في حالة اعلان النتيجة النهائية بتقارب الاصوات ...فهي مشكوك فيها تماما ..

**shaddadfalcon1** · 19-03-2011 01:49 PM

موضوع انك تصوت مرتين ده كده كده هيتعرف بعدين واللي صوت هيتعاقب بغرامه 5الاف وسجن سنتين يعني مش موضوع حبر بس
اكيد الحبر اي حاجه تطلعه

الموضوع: موضوع مخصص لأى شهادات بخصوص تجاوزات فى استفتاء 19 مارس

LinkBack

أدوات الموضوع

عرض

موضوع مخصص لأى شهادات بخصوص تجاوزات فى استفتاء 19 مارس - انشر الموضوع فى :

-

-

-

-

المواضيع المتشابهه

موضوع مخصص لمشاكل الكمبيوتر

استفتاء 19 مارس

استفتاء على مكان المقابلة الثالثة - الجمعة 6 مارس

استفتاء على مكان المقابلة الثالثة - الجمعة 6 مارس

موضوع مخصص للهجوم على الميجان

الكلمات الدلالية لهذا الموضوع

المفضلات

المفضلات

ضوابط المشاركة