الموضوع: الاخوان يؤثرون على المواطنين في الاسكندرية

المشاركة الأصلية كتبت بواسطة hobiko

أنا مش قصدي كدة ...... يا د.محمد
حاقولك رايي و أرجو اننا منرجعش نتخانق تان
أنا مش ضد الإسلام ...... أنا مسلم والله و بأدي فروض الله (مكنتش متخيل إن ممكن يجي اليوم إلي اضطر أقول فيه كدة)
ولا أنا ضد أي فصيل سياسي ......... تاني أقول سياسي

فعلا دي مشكلة لكن للاسف في ظل حالة الفوضي والاضطراب التي نمر بها يكون علينا ان نقسم على امور لسنا مجبرين علي قولها او حتي ان نعلنها ولك في عبرة حين اقسمت اكثر من مرة في فترة ماضية اني مع الثورة ولست ضدها من كثرة الاتهامات التي وجهت من البعض لمجرد انه كان لي راي مختلف عنهم في كيفية استمرار الثورة كل منا يري ان فيه الخير وصدقني لم احزن لان كنت على خطا في بعض الامور ولم افرح لاني كنت على صواب في امور اخري فمعظمنا والحمد لله يقول ما يري انه في صالح مصر فقط بغض النظر عن اي انتماءات

لكن أنا ضد الدولة الدينية .......... طب إيه تعريف الدولة الدينية (أنا عارف إن حضرتك عارف)
دولة دينية تعنى:–دولة لها دين واحد فقط تسمح به و تمارس شعائره و لا يوجد دين آخر فى هذه الدولة مسموح له بممارسة
الشعائر….مثال لدولة دينية دولة الفاتيكان فهى كلها للمسيحيين فقط و غير مسموح ببناء المساجد فيها
طب بقيت أنواع الدول
دولة مدنية فقط:- تسمح للجميع بممارسة الشعائر و بالحياة مع بعضهم البعض و يحكمهم قانون الدولة ( الوضعى ) الغير مستمد من أى ديانة و من أهم مساوئها أنها تسمح بكل شىء و ليس هناك شىء محظور فكما تسمح لليهود و المسلمين و المسيحيين بشعائرهم فإنها أيضا تسمح لعباد البقر و الشجر و الذين لا يؤمنون بأى معتقد سماوى بممارسة شعائرهم و أيضا تعطى حرية للشواذ و غيرها و من أمثلة هذه الدول ..أمريكا
طبعاً أنا ضد الدولة دي مهما حصل
دولة مدنية ذات مرجعية إسلامية :– يعنى نفس نظام الذى انتهجه رسول الله صلى الله عليه و سلم فى المدينة المنورة…فهى دولة مدنية تمارس فيها كل الحريات ويتم اتخاذ القرارت بناءا على رأى الاغلبيه .. ولكن تشريعها إسلامى يكفل العدل للمسلم و غير المسلم على حد سواء……………………. يعيش فيها المسلمين مع المسيحيين و اليهود و مسموح لكل من المسيحيين واليهود بممارسة عباداتهم و الذهاب لمعابدهم و كنائسهم و لهم حرية اختيار الدين
دولة تقوم على العدل المطلق بين كل مواطنيها مهما كانت ديانتهم
هي دي الدولة إلي أنا اتمناها لوطني ..... ولا أعتقد انك حتخالفني في الرأي
بس إلي أنا بسمعه من السلفيين و الجماعة الإسلامية حاجة تانية .......
أخطر ما أسمعه من السلفيين و الجماعة الإسلامية (و بعض الاخوان) ........ أنها تجعل الحاكم يتكلم باسم اللّه ومن ثم لا تجوز مراجعته ولا مساءلته
دة بيفتح الباب لأسوأ أنواع الإستبداد و هو الإستبداد بإسم الدين
احتكيت كتير ببعض أفراد السلفيين و الجماعة الإسلامية ...... كان دايماً في مشكلة
بيفرق مابين الناس على أساس مين معهم في الجماعة و مين لأ حتى لو مسلم زيه زيهم
شفت كتير ازاي لما المدير يبقى سلفي و يرقي سلفي زيه و ميرقيش واحد تاني مسلم برضه أكفأ من السلفي بكتير
لو السلفيين و الاخوان أو أي حد تاني حيقيم الدولة المدنية ذات المرجعية الإسلامية ...... أنا معهم قلباً و قالباً
بشرط انهم ميفرقوش بين مسلم و مسلم على أساس مين بدقن و مين لأ
ولا بين مسلم و مسلم على أساس مين سلفي و مين اخوان و مين لبرالي و مين حتى علماني
ولايفرق بين مصري و مصري على أساس مين مسلم و مين مسيحي

ومن يجرؤ على ان يختلف معك فيما قلته في هذه المشاركة ؟؟؟؟؟؟

يا سيدي الفاضل راجع مسلك الخلفاء الراشدين ستجد حكمهم قام على ما قلته انت ولم يدعي احدعم انه يتلقي وحي او انه يحكم باسم الله او رفع راية التكفير لمخالفيه في الراي وحتي سيدنا محمد صلي الله عليه وسلم في الامور الدنيوية كثيرا ما كان يأخذ رأي الصحابة
اقامة دولة دينية يتحدث فيها الحاكم باسم الله هو ما عليه نهج بعض الفرق الشيعية في القول بولاية الفقيه اما عندنا كسنة لا توجد ولاية لاحد ولا عصمة لاحد والحاكم مسئول امام الله وامام الشعب عن كل ما يفعله
ومن قال اني ارضي ان يعامل النصراني المصري معاملة اقل من المسلم المصري في اي شئ ؟؟؟؟؟ كلنا مصريين متساوين في الحقوق والواجبات ولابد ان نعي جميعا ذلك لانه فقط ما سيبعدنا عما يخطط له اعدائنا من خطط الله اعلم بخطورتها وما ستنتهي بنا اليه

ولا اظن ان الاخوان المسلمين او السلفيين ادعوا ان لهم عصمة او ان كلامهم فقط هو كلام الله او ما يتفق مع الشرع وغيرهم من الكفار وحين اسمع ذلك بنفسي او اراه من احدهم سأكون اول واحد يخالفه ويعترض عليه

المشاركة الأصلية كتبت بواسطة human12

مش قادر افهم ليه مش واضحه المشكله؟؟
المشكله ليست فى الديموقراطيه المشكله فى تطبيقها كيفيه ممارستها
خد مثلا اى مشكله هتقابل الشعب ونزل فيها استفتاء
الناس المفروض على درجات متفاوته من الوعى
المفروض معظم الناس عندهم الوعى الكافى انهم يسمعوا ويفكروا
بس اللى هيحصل ان التيار الاسلامى هياخد رأى ويقول ان ده الراى من الاسلام (ممكن يكون كوبرى مشاه حتى) يمر من هنا ولا هناك
اصبح الامر هكذا الدين يريد ذلك
معظم الناس الدين هو المسيطر و بالذات فى الامور الغير مفهومه يعنى ممكن يكون بيسب للناس ميت مله بس يقولك لا كله الا الدين لا لازم ندافع عنه ولازم نقول كذا(راى الدين)
اللى ممكن يبقى من شيخ جامع او اجتماع او فى صوان وما شابه خصوصا بعيدا عن القاهره
كويس؟؟
دلوقتى الناس ديه هما الاكتريه و فوق دماغى من فوق وصوتهم يحترم
بس الاصل فى التصويت انه صوت حر قادر انه يقرر
يعنى الراجل هيسمع الدين هيقولك نمشى وراهم عشان ربنا يكرمنا - وهو مغمض
فى تلك اللحظه صوته لم يعد صوت حر وظلم الجميع
واللى بيمليه ظلمه لانه افهمه ان الطريق الى الله عن طريق ما يقول
عشان مافيش هنا طريق لربنا وطريق للشيطان اصلا
مثل الفيديو بتاع السلفيين - لما يقول ان تامر حسنى والنصارى اختاروا لا يبقى اكيد اللى بيقول لا اما ماجن واما كافر
وبكده يكون صحيح الدين هو نعم
السؤال هل تعتقد ان هذه ديموقراطيه؟؟

عزيزي طارق المشكلة اني احيانا اتفق معاك واحيانا اختلف معاك وترجع تقول ان ارائي مستفزة وصادمة وبتخاف تتناقش معايا حرصا علي ما بيننا
انا متفق معاك ولا اكدب عليك انى من قبل الثورة وانا متخوف من الاخوان وتري ذلك في مشاركاتي القديمة لكن ما بعث الطمأنينة في قلبي بعض الشئ هو مسلكهم من بداية مشاركتهم في الثورة وحتي الان ولا يمكن لاي منا ان يعلن رايه النهائي الان
لابد ان نمر بالتجربة وهي وحدها الفيصل اي نري برنامج الاخوان والسلفيين وغيرهم من المرشحين في مجلس الشعب ولنا عقول نختار بها ما يتفق مع صالح المجتمع هو ما سأختاره اما ان يقول لي احدهم شعارات دينية فقط دون خطة عمل للنهوض بالدولة فشكرا لن انتخبه وسأنتخب من يقدم لي في المقابل برنامج افضل ايا كان من هو
ونحكم عليهم في الانتخابات القادمة فمن نفذ ما قاله سأعطيه صوتي مرة اخري ومن خان الامانة لن يري صوتي وصوت اخرين سأدعوهم لعدم انتخابه

لكني في نفس الوقت ضد تصيد الاخطاء وضد الهجوم المبرر وغير المبرر على الاخوان او السلفيين واحيانا ضد كل ما هو اسلامي

واعتقد انك تتفق معي ايضا في هذه المشاركة