عن المرور - الفحص والموتور

**keko** · 19-03-2011 03:35 PM

السلام عليكم
كنت عايز اعرف حاجة بالنسبة للمرور هل فحص الموتور بيكون فقط عند التجديد يعنى ممكن مثلا اركب موتور من ماركة مختلفة بنفس القواعد وامشى بيه عادى وكل 3 سنين وقن الفحص اركب القديم وافحص بيه ولا فيها مشكلة انا معرفش ممكن مثلا اقابل لجنة على الطريق بتطابق بصمة الموتور ونوعه ولا حاجة زى كده ؟

**abdalah_hashem** · 19-03-2011 04:36 PM

لاة مفيش لجنة هتوقفك فى الشارع تطابق بصمة الموتور
بس هتبقى غلط ومخالف للقوانين وهتدخل نفسك فى سين وجيم وتكلفة اضافية على الفاضى ركب الموتور اللى انت عاوزة قانوتنى وامشى بية على طول
انا شايف كدة واستنى باقى الردود

**sharpvision** · 19-03-2011 09:35 PM

عادى جداااا ركب الموتور اللى انت عاوزه وقبل ما تيجى تفحص فكه وركب الموتور الاصلى - بس الاحسن فعلا انك تشوف طريقه تثبت بيها الموتور اللى عاوز تسقطه فى الرخصه وتريح دماغك من الفك والتركيب كل شويه

**eldell** · 19-03-2011 11:53 PM

فعلا يستحسن انك تثبته على الرخصه بدل ما كل شويه تفك وتركب

**keko** · 20-03-2011 03:18 AM

اصل انا بفكر اسقط موتور شاهين فى لادا ودا مش محتاج تعديل فى الحوض بس فيه اختلاف فى الماركة وبالتالى صعوبة فى الترخيص وموضوع تكلفة التبديل عند الفحص لن تتعدى 200 جنيه كل 3 سنين يعنى ما تكملش 10 جنيه فى الشهر بس المشكلة الفعلية انى عمرى ما بحب احرج نفسى وواحد مالهوش لازمة يتنطط عليا او يطلب رشوة علشان يعدينى وبالتالى الموضوع لو فيه اى شبهة ان الموتور يتكشف عليه فى لجنة يبقى مش هاعملها انما لو امان والوحيد اللى بيدور على موضوع الموتور هو مهندس الفحص يبقى سهلة

**modo88** · 20-03-2011 03:56 AM

بص ياباشا هوا عادي طبعا ومحدش هيسالك ولا هايوقفك ويطابق رقم الموتور باللي في الرخصه
بس لا قدر الله وانا مش اصدي حاجه طبعا بس للتوضيح
لو عملت حادثه فعلا هاتروح في سين وجيم لانهم ساعتها هايطابقو وبيتعمل معاينه للحادث فا ريح دماغك وامشي سليم
والمثل بيقول امشي عدل يحتار عدوك فيك

**keko** · 20-03-2011 05:53 AM

طالما هيبقى فيها قلق يبقى بلاش
طيب لو كده ممكن اجيب بولونيز او 124 واسقط موتور الشاهين ؟
طيب حاجة تانية بالنسبة للتعديل اللى بيتعمل للبولونيز بشكل الربع الامامى بتاع موديلات 97 وطالع فيه مشكلة مع الموتور ولا عادى
وحاجة تانية بالنسبة لتغيير الكروسليه كامل ايه اجرائاته مع المرور
وسؤال تانى بالمرة بقى لو جبت لادا 1200 مثلا (2101) وعايز اغير الكروسليه والموتور بشكل احدث 2107 عادى كونها نفس السيارة ولا فيها مشكلة مع العلم انى حاسب تكاليفها كويس يعنى الموضوع ده هايوفرلى حوالى 10 الاف لو اشتريت لادا

**midoabokhadra** · 01-04-2011 08:57 PM

روح المرور بالموتور الجديد وهو متركب في العربية وخد موافقة من الضابط على تغيير الموتور وافحص وكدة تبقى انت ثبت الموتور ومحدش يقدر يقولك حاجة
انما هتمشي بموتور تاني ومش مثبوت ف الرخصة سعات في لجان متبلغة بسرقة عربيات فمن الاحسن تثبته وتريح دماغك