اول اختبار للشعب المصري في عهد الثورة ... هل ستقبل برأي الاغلبية ؟؟

**aif** · 19-03-2011 03:50 PM

لو قلت نعم وطلعت النتيجة لا
لو قلت لا وطلعت النتيجة نعم
..
..
لو طلعت النتيجة عكس رأيك
هل ستقبل بها ؟؟؟؟
هل ستقول ان ده رأي الاغلبية وسأحترم اختيار الاعلبية
ام ستشكك في الانتخابات كلها وتدعو الى اسقاطها وتخون الرأي الآخر
..
..
للعلم النتيجة لم تعلن بعد
نحن مازلنا في يوم الاستفتاء والنتيجة مجهولة
علشان محدش يقول ان الموضوع معمول بعد ما عرفنا النتيجة

**aif** · 19-03-2011 03:54 PM

انا اول واحد
انا قلت نعم
واقسم بالله العظيم ان لو النتيجة طلعت لأ اني سأحترم رأي الاغلبية ولان اتهم من قالوا لا بانهم مزورون او خونة او ما شابه ذلك

**aif** · 19-03-2011 04:12 PM

المشاركة الأصلية كتبت بواسطة زينة الله

عمرك أطول من عمرى يا حج أحمد كنت لسة داخلة أقول نفس الكلام

أنا الحمد لله صوت بلا لكن لو طلعت الأغلبية مع نعم سأحترمها

و لنبدأ فى بناء الوطن معا بعدها

صافى يا لبن و لا لسة زعلان ههههه

انا عمري ما ازعل من اخواتي الصغننين
هههههههههههههههه
والله يا زينة انا شايف ان الطريقين سيؤديان الى نفس النتيجة ان شاء الله ( دستور جديد ومناخ ديموقراطي حقيقي ) الاختلاف في الاسلوب فقط ..... لكن الهدف واحد
لكن انا استشعرت بعض امور جعلتني اقلق من طول فترة الوجود العسكري في الحكم .... وبصراحة انا مش في حل اني اتكلم عنها لحساسية الموضوعات المتعلقة بالاوضاع داخل الجيش وتركت الزملاء يقرأونها بين السطور احيانا ...
وده اللي خلاني انبري للدفاع عن التصويت بنعم
ومتفائل خير لمستقبل بلدنا
أينعم فيه منغصات بتطلع على السطح .... زي كلام يحي الجمل اللي خلاه يسقط من نظري تماما بعد ما كنت باحترمه
لكن في الاجمال ... ان شاء الله المستقبل مشرق وربنا يقدر لنا الخير حيث كان

**malibu** · 19-03-2011 04:22 PM

اتا فلت لأ و لازم احترم رأى الاغلبيه ... علشان هى ديه حريه التعبير عن الرأى
لو النتيجه نعم او لأ فهى اراده شعب

ايا كان رأيك لازم تحترم الرأى الاخر
علشان لو رأيه خير للبلد هيعم على الكل.... و لو رأى شر للبلد يبقى عليه قبل منى

**زينة الله** · 19-03-2011 04:33 PM

المشاركة الأصلية كتبت بواسطة aif

انا عمري ما ازعل من اخواتي الصغننين
هههههههههههههههه

شكرا يا أبيه أحمد دا العشم برضو ههههههههههه

والله يا زينة انا شايف ان الطريقين سيؤديان الى نفس النتيجة ان شاء الله ( دستور جديد ومناخ ديموقراطي حقيقي ) الاختلاف في الاسلوب فقط ..... لكن الهدف واحد

أتفق معاك تماما .. إن شاء الله خير

لكن انا استشعرت بعض امور جعلتني اقلق من طول فترة الوجود العسكري في الحكم ....

الجيش من بعد التنحى حتى الآن حكم فى أكثر من 5000 قضية فى المحاكم العسكرية و أغلبها بلطجة وسرقة و اعتداء على المواطنين وترويعهم
و الله دى لوحدها تخلينى أتمنى إنه يستنى شوية و يكمل تنضيف للبلد من العصابة الخفية المتغلغلة فيها .. خليها تنضف و كله خير لينا إن شاء الله

وبصراحة انا مش في حل اني اتكلم عنها لحساسية الموضوعات المتعلقة بالاوضاع داخل الجيش وتركت الزملاء يقرأونها بين السطور احيانا ...

معاك برضو فى قلقك و شعورك لكن اللى بيحصل من الجيش حتى الآن فى صالح الناس و ربنا يجملها بالستر

وده اللي خلاني انبري للدفاع عن التصويت بنعم

أنا عارفة إن الناس اللى قالت نعم متخوفة من كدا لكن أنا أتعودت من صغرى أرفض الغلط حتى لو كان الصح فيه مخاطرة
( الغلط من وجهة نظرى باعتبار إن التعديل لم يصحح باقى مواد الدستور السيئة )

ومتفائل خير لمستقبل بلدنا و أنا كمان

أينعم فيه منغصات بتطلع على السطح .... زي كلام يحي الجمل اللي خلاه يسقط من نظري تماما بعد ما كنت باحترمه
لكن في الاجمال ... ان شاء الله المستقبل مشرق وربنا يقدر لنا الخير حيث كان

آميين يا رب