عندى فكرة عشان غسيل الماتور والمحافظة على الوصلات الكهربية والحساسات بدون تلف

السلام عليكم ورحمة الله وبركاته

يا رجاله المنتدى قريت كتير هنا عن الناس اللى الحساسات عندها بتبوظ بسبب غسيل الموتور باى حاجة فوم او مية او جاز او او الخ........
ممكن نفصل البطارية واحنا بنغسل الموتور لسبب
ان المياة او الحاجات التانية دية بتعمل short circiut للتوصيلات الكهربية فتعمل قفلة فيها فتبوظ
طب احنا كدة خلينا التوصيلات دية كلها مفيهاش كهربا نقوم مغطيين الموبينة و علبة الفيوزات بكيس
ونغسل الموتور عادى جدا وبعد كدة نقوم منشفينة بالهوا جامد ونركز شوية بالهوا عن اماكن الحساسات
اللى بتبقى قريبة من خارج الموتور وبعد مننشفها ونتاكد انها نشفت تماما نقوم مسميين الله وموصلين البطارية تانى
وكدة نبقى تلاشينا بنسبة كبيرة جدا حوار تلف الحساسات والوصلات الكهربية نتيجة المياة .........
:bye::bye:

جزاك الله خيرا

مشكور طبعا ياباشا وفكره حلوه ,بس انا لو عملت كده عندي هاضطر اعمل ايديال ليرن لحساس الايدل كونترول وابرمج مكن رفع الزجاج واضبط الوقت والتاريخ في شاشه البيانات.

ولو المياة متخزنة فى اى حساس
اول ما هتوصل برده هتلاقى نفس الاثر كانك مفصلتش البطارية

اقتباس:

---

ولو المياة متخزنة فى اى حساس
اول ما هتوصل برده هتلاقى نفس الاثر كانك مفصلتش البطارية

---

مانا بقول نركز الهواء على الحساسات فترة كبيرة عشان ننضفة من الميا بقدر الامكان

مشكور جدا على الموضوع الرائع ده

بردو مش مستاهله مخاطره
شوية فوم علي الماتور وعليهم هواء حيظبطوها

الالتزام بما ورد فى كتالوج السيارة بشأن تعليمات غسيل الموتور أفضل

انا بضطر الف كل حاجه باكياس بلاستيك علشان ما تطولهاش ميه وبتعدى الحمد لله

شكرا على المعلومه بس فعلا لو واحد معاه عربيه حديثه الافضل ميغامرش لان لاقدر الله لو حساس باظ تبقى مشكله كبيره نظرا للتكلفه

هو الناس اللى فى بلاد الفرنجة بيعسلوا المواتير ازاى؟؟؟؟؟؟؟؟

اقتباس:

---

المشاركة الأصلية كتبت بواسطة dr_radioooooo

هو الناس اللى فى بلاد الفرنجة بيعسلوا المواتير ازاى؟؟؟؟؟؟؟؟

---

الناس اللى فى بلاد الفرنجة ماعندهمش القرف اللى عندنا
انا كنت بالبس الحتة النيكى البيضا فى رجلى و الف بيها من 10 الصبح لغاية 10 باليل و ممكن تانى يوم اروح ارجعها و اخد فلوسها لانها ببساطة نضيفة زى الجديدة زى الفل