يا جماعه الي ينتقد ينتقد براحته في العربيه بس مش من حق اي حد التعدي علي شخص
عرض للطباعة
يا جماعه الي ينتقد ينتقد براحته في العربيه بس مش من حق اي حد التعدي علي شخص
رفع سعر الشاهين لسبابين محتملين
1: رفع الايرادات المتوقعه لان الشركه ستعرض لمستثمر رئيس في الشهر القادم وبالتالي رقع قيمه المبيعات المتوقعه يرفع قيمه الشركه
2: كلام الوزير رشيد عن تعويص اصحاب السيارات موديلات 25 سنه قبل وده راح يكون بالتعاون مع شركات السيارات تقسيط بدون فوائد وبالتالي لازم يرفع السعر اولا نصاحه مصريه ..........
يا جماعة بالراحة ...
اللي مش عاجبه السيارة وشايف انها غالية ... بلاش يشتريها .. وكل واحد له رأيه ... وجميع الآراء يجب ان تحترم
وبرغم ان الاغلبية ضدها لكن الكلمة العليا للسوق ... ح تتباع والا لأ
اعتقد انهم لو فتحو ترخيص التاكسي في القاهرة الاقبال ح يزيد جدا علي الشاهين
وبعدين كل حاجة غليت في مصر حتي المياه ... اشمعني الشاهين
يا استاذ احمد في كلام بيكون منطقي و يوجب على الجميع احترامه و مناقشته حتى لو كنت مختلف معاه و في كلام بيكون غير ذلك لكن طبعا دة لا يعني عدم احترام احد
ثانيا موضوع لو اتفتح تراخيص التاكسي فطبعا الشاهين هتكسب لأسباب تخليها تكسب في المنطقه دي مش لجودتها كسيارة ادفع فيها فلوس و استمتع بقيادتها
احد الاسباب التمن
الانتشار
سعر قطع الغيار
سهوله التصليح عند اي صنايعي و انهم حافظينها لكثرة اعطال التاكسي
الصاج الجامد لكثرة التعرض لخبطات لأنه 24 ساعه في الشارع
الانتشار الفظيع لقطع الغيار اللى تخليه ميوقفش العربيه ساعه واحدة في انتظار اي قطعه غيار او انه بيدور عليها
لكن احنا مش بنتكلم عن ملائمتها لظروف معينه زي التاكسي احنا بنتكلم عن وضعها كسيارة ملاكي بتنافس مع سيارات تانيه سواء لعائله او لشاب
اللى اقصه يا استاذ احمد اننا بنتكلم عن استخدامها لينا احنا كمستهلكين يعني انا لو هجيب تاكسي هجيب شاهين لكن لو هركب العربيه ليا انا مظنش اني ممكن افكر فيها
اعتقد ان اللى هيجيب تاكسى هيجيب لادا روسى
وان الشاهين سعرها زاد عشان وقف الانتاج مش اكتر
هى عربيه حلوه جدا لكن غاليه جدا
حلوه لأنها
معمره
قويه
حماله أسيه
قطع غيار ببلاش
لكن يعيبها أنها
ضيقه جدا
مفتقده للراحه والكماليات
شكل قديم
غاليه لأنها
تقفيل مصرى
أصل تركى منخفض التكاليف
مفيش أى كماليات
كاوتش 13 مصرى
مساعدين عايزين يترموا
يعنى لو جبتها وغيرتلها الكاوتش والمساعدين وركبتلها تكييف
حتلاقى سعرها بقى 70 ألف من غير باور ولا قزاز ولا سنتر ولا الهوا
أنا شايف إن سعرها لو كان زى ماهو 55 ألف من أقل من سنه كانت تبقى قيمه حقيقيه موازيه لما دفع فيها
حضرتك بالنسبة لموضوع الأراء الغير موضوعية, و الاستفزاز الى حضرتك بتتهمنى بيه, فأحب أحكيلك بس عن وقت شرائى للشاهين, عشان أكيد أنا مش هاخد قرار شراء سيارة و أدفع 68 ألف جنيه عشان أستفز الناس!!
وقت شراء السيارة كان الموقف كالأتى (أسعار سنة 2006):
شاهين 1600 : 68 ألف جنيه.
هيونداى فيرنا 1500: 62 ألف.
هيونداى فيرنا 1600 : ما بين 64 الى 65 ألف مش فاكر بالضبط.
لانوس : تقريبا فى حدود ال55 ألف.
هيونداى أكسنت(الشكل القديم) : حوالى 53 ألف.
أغلى واحدة فى دول الشاهين, و أقلهم فى الكماليات ,و لاحظ انو قطع غيار الهيونداى بقت زى الفيات من حيث السعر و الكمية, و مع ذلك كان اختيارى الشاهين 1600, هل تعتقد أن هدفى كان استفزاز الناس؟!!! أدفع 5 أو 6 ألاف زيادة عشان أستفز الناس؟! أم ترانى مقتنعا بأرائى, و طبقتها فعليا لما اشتريت سيارة. أنا مقتنع بكل كلمة اقولها و كل كلمة قولتها مرفقة بدليل و توضيح عشان كده مينفعش تقول انها مش منطقية. المشكلة انو الاعلام عمل نوع من البروباجندا للأسيويين عموما و اليابانيين خصوصا و يصورهم لنا كأنهم نوع تانى من البشر , و مثال على ذلك مقالة فى روزاليوسف النهاردة بعنوان "عبادة العمل فى اليابان", و طبعا المقالة تعدد ميزات اليابانى و كيف يعمل 12 ساعة فى اليوم و يحترم المواعيد الى أخر هذا الهراء و كأنهم شعب من كوكب أخر. ديه البروباجندا المقيتة التى صنعت اسما للمنتج الأسيوى من لا شىء.
لا تعليق لا تعليق
كلام لا يستحق الرد عليه فعلا لا تعليق أكتر من كده
استاذ فادي احب احيييك
اخيرا عرفت تعمل اقتباس
ده انا بيجيلي حوووول وانا بقرا مشاركاتك عشان اعرف الفرق بين كلامك وكلام غيرك
احييك على الاقتباس وطبعا كنت في جرة وطلعت لبرة على راي المثل
ومش هادخل طبعا معاك في تعليقات عن الشاهين التحفة اللي مالهاش زي
والاسيوي الزبالة مجهول المصدر منعدم الامان
يا راجل بلا كلام فاضي
شوفت الماتش امبارح ؟؟؟