الموضوع: البرادعى اطحن يا رجالة :)

عيب اوى اوى


ليه كده الناس اللى عملت كده عاوزه ايه بالظبط

السلام عليكم و رحمة الله و بركاته

أنا من الأول و أنا رايح اللجنة و أنا عارف أنه لازم فى مكان ما فى لجنة ما فى مدرسة ما فى البلد, هيحصل تجاوزات , مابين بسيطة و شديدة و ده طبيعى لأننا كشعب لسه بنتعلم ديمقراطية على أصولها و ماحدش بيتعلم من غير ما يغلط و الموضوع مش صفحة و هنقلبها, لأ, لازم هيكون فيه ناس متعصبين من الأخوان من باقى الأحزاب و لازم يكون هناك برضه بعض المحاولات المستميتة -من حلاوة الروح- من قبل الحزب الوطنى و الكلام ده كله متوقع و عارفينه و مش لازم نقف عنده.

المهم أن فى المستقبل, بيكون الوضع أحسن و منظم أكتر.

لكن اللى أنا شوفته النهاردة و أنا رايح أصوت فى المدرسة اللى فيها اللجنة فى المنصورة, كان الأداء بنسبة 95% مما يجب أن يكون عليه فى الدول المحترمة و ده لما يحصل أول مرة بالشكل ده, يبقى ممتاز جدا و ميه ميه و لا فراخ الجمعية.

اللى أنا خايف منه فعلا , أن الناس اللى هتكون النتيجة مش على مزاجهم, أنهم يحاولوا يعملوا أى حركة نص كم و لا كده و لا كده و ساعتها هتبقى فعلاااااااااااااااا حاجة تزعل.

ربنا يستر و الأمور تمشى أحسن مما كنا عايزين.

بس كان فيه كلمة بتزن فى دماغى و عاوز أقولها لحسن يجرالى حاجة, أن اللى باع صوته النهاردة ب 50 جنيه و لا بأى مبلغ -رغم أن ماعرفش حد عمل كده و طبعا المنتدى هنا كله ناس محترمين و مافيهوش حد عمل حده- يبقى زى اللى باع شرفه بالفلوس, دى زى دى بالظبط.

المشاركة الأصلية كتبت بواسطة wael17

youtube - ‫ط¥ظ„ظ‚ط§ط، ط§ظ„ط·ظˆط¨ ظˆط§ظ„ط.ط¬ط§ط±ط© ط¹ظ„ظ‰ ط§ظ„ط¨ط±ط§ط¯ط¹ظٹ (ط¹ظ… ط´ظƒط´ظƒ)‬‎

الفيديو يكدب الغطاس

واضح جدا انهم شوية بلطجية و صيع...ممكن تكون مترتبة و ممكن تكون عفوية من ناس جهلة كل اللي يعرفوه عن البرادعي انه عميل الامريكان و بنته بتلبس مايوه...لكن مش سلفيين ولا اخوان خالص

انا مش شايف ان البرادعي ينفع يكون رئيس لمصر بس في نفس الوقت عيب ننسي ان بقاله أكتر من سنة بيقول لمبارك "ارحل" و بمنتهي الجرأة و العلانية...و كان له دور كبير في الحراك السياسي في الفترة الاخيرة اللي كان أحد اسباب الثورة
هل عمرو موسي مثلا كان يقدر يتكلم زي البرادعي من سنة؟ مع احترامي لعمر موسي برده

مش عارف موضوع مراته بتلبس مايوه ده مزعل الناس ليه

امال ماما سوزان كانت بتنزل البسين بأيه

ومرات جيمى رئيس المستقبل السابق لما بتنزل البسين بتلبس ايه

لا حول ولا قوه الا بالله الناس دى بتفكر ازاى

المشاركة الأصلية كتبت بواسطة misoalex

مش عارف موضوع مراته بتلبس مايوه ده مزعل الناس ليه

امال ماما سوزان كانت بتنزل البسين بأيه

ومرات جيمى رئيس المستقبل السابق لما بتنزل البسين بتلبس ايه

لا حول ولا قوه الا بالله الناس دى بتفكر ازاى

ناس غريبة قووووى الصراحة !!!!!!

wael17..كلامك من الآخر..البرادعي راجل محترم وهو فعلا اول واحد قال لمبارك لأ في وشه وفي عز سلطاته..مش لازم تكون موافق إنه يبقى رئيس جمهورية مصر علشان تحترمه..ملاحظة تانية عاملة زي ملاحظة امين الشرطة الوحيد..انا ملاحظ إن البرادعي لم يهتز ولم يظهر أنه خائف أو مرعوب من الأحداث!!!!! مش عارف انا بس إللي ملاحظ كدا ولا ايه؟