في فيديو واضح تماماً الاعتداء على البرادعي فيه بالفعل و اللفظ, و جابوه في العاشره مساء
رأي ان دي قلة ادب و بلطجه و تجاوز على مواطن مصري زي اي حد
ده غير ان اللي يتفرج على الفيديو هيلاقي كل اللي عملوا كده شوية صيع (اسف في اللفظ)
و ماعندهمش فكره عن اي حاجه, و كل الموضوع انهم موجهين و معمولهم غسيل مخ
زي ما في ناس لحد اللحظه دي بتخون البرادعي و بتقول ان هو السبب ان امريكا
دخلت العراق, و انه مش مصري الجنسيه فقط و معاه الجنسيه الامريكيه, و انه عميل,
و ان مراته مش مصريه... و شويه يقولوا ان مراته ايرانيه, و شويه مراته مش عارف ايه
كلام فاضي, و متخلف, و غير عقلاني, و ان دل على شئ فبيدل على انعدام الوعي
و ان الكلام الفاضي و الشائعات اللي البعض بينشرها مسيطرين على دماغ الناس
اللي في الاساس دماغهم في الطراوه و حاطينها في الثلاجه و ماعندهمش الاستعداد
يفهموا الحقيقه او الصح او يدوروا عن المعلومه السليمه حتى....
انا واحد من الناس اللي غير مقتنعين بالبرادعي كرئيس للجمهوريه, لكن في نفس الوقت
عمر الاعتراض او عدم الاقتناع ما كان سبب للبلطجه او التعدي او التهجم على اي مخلوق
او مواطن مصري بيمارس حقه في المشاركه في الاستفتاء زي اي مواطن آخر بغض النظر
ان ده البرادعي او غيره... ده مواااااااااااطن مصري يا نااااااااااااااس
لا حول و لا قوة إلا بالله
المفضلات