سؤال يا جماعة
دلوقتى حسب معلوماتى ان البرادعى عندة جنسية اجنبية تانية
وطبعا بعد نجاح التصويت ع الدستور بنعم اصبح هو وغيرة لا يصلحوا لذلك ولا تنطبق عليهم الشروط .. هل هذا صحيح ؟؟
عرض للطباعة
سؤال يا جماعة
دلوقتى حسب معلوماتى ان البرادعى عندة جنسية اجنبية تانية
وطبعا بعد نجاح التصويت ع الدستور بنعم اصبح هو وغيرة لا يصلحوا لذلك ولا تنطبق عليهم الشروط .. هل هذا صحيح ؟؟
فعلا البرادعى مش معاه غير الجنسية المصرية وعمره ما خد أى جنسية تانية غيرها, رغم انه كان ممكن ياخد جنسيات تانية بسهولة
ثانيا موضوع مراته اللى بتلبس المايوه دة مش معضلة يعنى, أغلب الزعماء العرب و الأوروبيين مراتاتهم بتابس مايوهات, هو سوزان كانت بتزل البسين بالحجاب يعنى؟, و الحزب الوطنى ما صدق لقى كام صورة لمرات البرادعى علشان يسوء صورته, و مش لاقيين أى حاجة تانية تعيب الراجل يا عينى , أخرهم بيتريأوا من نظارته !!
ثالثا فى كل جلسات مجلس الأمن البرادعى كان بيقول قدام العالم كله مافيش أسلحة نووية فى العراق و الفيدوهات مالية النت و يوتيوب, و وقف فى وش أمريكا و لما أمريكا غلبت احتلوا العراق بحجة "أسلحة دمار شامل" علشان دى حجة عامة كدة من غير دليل ,بس الناس فى مصر بتقفل مخها و تصدق الإشاعات من غير ما يتأكدوا بنفسهم
رابعا, البرادعى ثابت على موقفه من أكتر من سنة, و عنده بعد نظر , من 6 شهور كان بيقول هتحصل مظاهرات و نظام مبارك هيرحل, و أنا عندى الجرايد اللى كاتبه الكلام لحد دلوقتى
خامسا البرادعى مش عالم فى النووى بس, دة واخد دكتوراه فى العلوم السياسية و القانون كمان, يعنى فاهم الدنيا ماشية إزاى
و كان عايش فى مصر لحد التمانينات, و عارف ظروف البلد كويس, اللى يعيش شوية برة مصر يعرف يفرق الصح من الغلط و ازاى ينظف البلد
حرام بقى تقولوا اشاعات من غير ما تتأكدوا منها, ربنا هيحاسبكوا
[youtube]http://www.youtube.com/watch?v=GtboLWT38aE[/youtube]
و كنت عايز أرد على اشاعة كمان , بنت البرادعى اتجوزت واحد أجنبى بعد ما أسلم, علشان الحزب الواطى كان شغال على الإشاعة دى برضو
+1111111
الراجل ده رغم انه كان أول واحد يطلب مبارك بالرحيل علانية من ساعة ما رجع مصر بس اتعرض لحملة تشويه بشعة.
النظام أقنع البسطاء أنه عميل الأمريكان... ده غير تشويه عائلته و الادعاء انه لا يعلم شيء عن مصر
و الان يتم تشويه صورته مرة اخري و هو متهم بالعلمانية و الالحاد و معاداة الاسلام
رغم اني غير مقتنع بيه كرئيس لمصر بس أنا شايف انه اتبهدل بزيادة رغم انه راجل محترم
اللى حصل ده سفاله وقله ادب وحاجه قذره جدا .. واللى عمل كده اكيد ناس جاهله بلطجيه .. انا لا ارشح البرادعى لمنصب الرئاسه ولا احبه اصلا .. ولكن يجب احترام منصبه على الاقل وخبرته العلميه
حاجه اخر قذاره فعلا !