الموضوع: البرادعى اطحن يا رجالة :)

المشاركة الأصلية كتبت بواسطة nicegypt

سؤال يا جماعة
دلوقتى حسب معلوماتى ان البرادعى عندة جنسية اجنبية تانية
وطبعا بعد نجاح التصويت ع الدستور بنعم اصبح هو وغيرة لا يصلحوا لذلك ولا تنطبق عليهم الشروط .. هل هذا صحيح ؟؟

معندوش جنسيات تانيه

المشاركة الأصلية كتبت بواسطة cheetos_892005

الراجل ده اتظلم كتير جدا و سكت ......

و شكله مش من النوع اللي مبيصدق و يطلع يتصلبط

عشان كده انا معاه و ربنا هينصره

المشاركة الأصلية كتبت بواسطة ecybrarian

لا حول ولا قوة إلا بالله..انتم بجد مقتنعين بما تقولون!!!!
البرادعي وقف في وش امريكا واعلن في مجلس الأمن أنه لا يوجد في العراق اسلحة دمار شامل ولا يستطيع أن يصنعها..التقرير موجود على النت (موقع المنظمة) وعلشان كدا امريكا ضربت العراق بدون غطاء قانوني من مجلس الأمن...احنا نسينا ولا ايه!!!
البردعي لم يقعد اليوم كله في جمعة الغضب ومشي اول ما ابتدا الضرب..ملحوظة البرادعي راجل كبير في السن (تقريبا في السبعين زي عمرو موسى) وفي ناس مرشحة نفسها للرئاسة اصلا ما نزلتش غير بعد الدنيا هديت
البرادعي لم يفتش على مفاعلات اسرائيل النووية لأن اسرائيل ليست عضوا في المعاهدة الدولية النووية ولا في معاهدة منع انتشار اسلحة الدمار الشامل..تلك المعاهدات التي مضت عليها كل الدول العربية مجمعة وايران.. تلك المعاهدات التي تلزم الدول بقبول التفتيش من قبل المنظمة..كيف السبيل للبرادعي او غيره لفرض التفتيش على المفاعلات النووية الاسرائيلية إذا؟..ولقد قالها البرادعي ان الدول العربية اخطأت حينما تسارعوا للدخول في الاتفاقية وعدم ربط انضمامهم بانضمام اسرائيل!!!

ليس دفاعا عن البرادعي..لكن مش ممكن يكون في حد في مصر لسه ما يعرفش المعلومات دي

انتقادات البرادعي المنطقية هي إن تصور البرادعي للتنمية تصور لا يصلح في التطبيق في مصر
البرادعي لم يقدم رؤية للقضاء على الأمية في مصر
البرادعي لا يعرف كيف يخاطب البسطاء من الناس..هل معقول ان يقول ان الديمقراطية هي الحل للعشوائيات!!
البرادعي لم يعرف بعد أن الشعب المصري ينتخب من يقدم خدمات لا افكار ورؤى

المشاركة الأصلية كتبت بواسطة hobiko

هو بصراحة البرادعي غلطان في موضوع العراق و أمريكا و موضوع إسرائيل


كان المفروض يلبس بدلة ironman و يطير يحارب كل الجيش الأمريكي و ينقذ العراق و بعد كدة و هو راجع على البيت يميل على إسرائيل يدمر مفاعل ديمونة

فعلا البرادعى مش معاه غير الجنسية المصرية وعمره ما خد أى جنسية تانية غيرها, رغم انه كان ممكن ياخد جنسيات تانية بسهولة
ثانيا موضوع مراته اللى بتلبس المايوه دة مش معضلة يعنى, أغلب الزعماء العرب و الأوروبيين مراتاتهم بتابس مايوهات, هو سوزان كانت بتزل البسين بالحجاب يعنى؟, و الحزب الوطنى ما صدق لقى كام صورة لمرات البرادعى علشان يسوء صورته, و مش لاقيين أى حاجة تانية تعيب الراجل يا عينى , أخرهم بيتريأوا من نظارته !!
ثالثا فى كل جلسات مجلس الأمن البرادعى كان بيقول قدام العالم كله مافيش أسلحة نووية فى العراق و الفيدوهات مالية النت و يوتيوب, و وقف فى وش أمريكا و لما أمريكا غلبت احتلوا العراق بحجة "أسلحة دمار شامل" علشان دى حجة عامة كدة من غير دليل ,بس الناس فى مصر بتقفل مخها و تصدق الإشاعات من غير ما يتأكدوا بنفسهم
رابعا, البرادعى ثابت على موقفه من أكتر من سنة, و عنده بعد نظر , من 6 شهور كان بيقول هتحصل مظاهرات و نظام مبارك هيرحل, و أنا عندى الجرايد اللى كاتبه الكلام لحد دلوقتى
خامسا البرادعى مش عالم فى النووى بس, دة واخد دكتوراه فى العلوم السياسية و القانون كمان, يعنى فاهم الدنيا ماشية إزاى
و كان عايش فى مصر لحد التمانينات, و عارف ظروف البلد كويس, اللى يعيش شوية برة مصر يعرف يفرق الصح من الغلط و ازاى ينظف البلد


حرام بقى تقولوا اشاعات من غير ما تتأكدوا منها, ربنا هيحاسبكوا

[youtube]http://www.youtube.com/watch?v=GtboLWT38aE[/youtube]
و كنت عايز أرد على اشاعة كمان , بنت البرادعى اتجوزت واحد أجنبى بعد ما أسلم, علشان الحزب الواطى كان شغال على الإشاعة دى برضو

المشاركة الأصلية كتبت بواسطة moe86

فعلا البرادعى مش معاه غير الجنسية المصرية وعمره ما خد أى جنسية تانية غيرها, رغم انه كان ممكن ياخد جنسيات تانية بسهولة
ثانيا موضوع مراته(بنته مش مراته) اللى بتلبس المايوه دة مش معضلة يعنى, أغلب الزعماء العرب و الأوروبيين مراتاتهم بتابس مايوهات, هو سوزان كانت بتزل البسين بالحجاب يعنى؟(طبعا بالمايوه...بس الشطارة انها ما تتصورش), و الحزب الوطنى ما صدق لقى كام صورة لمرات البرادعى علشان يسوء صورته, و مش لاقيين أى حاجة تانية تعيب الراجل يا عينى , أخرهم بيتريأوا من نظارته !!
ثالثا فى كل جلسات مجلس الأمن البرادعى كان بيقول قدام العالم كله مافيش أسلحة نووية فى العراق و الفيدوهات مالية النت و يوتيوب, و وقف فى وش أمريكا و لما أمريكا غلبت احتلوا العراق بحجة "أسلحة دمار شامل" علشان دى حجة عامة كدة من غير دليل ,بس الناس فى مصر بتقفل مخها و تصدق الإشاعات من غير ما يتأكدوا بنفسهم
رابعا, البرادعى ثابت على موقفه من أكتر من سنة, و عنده بعد نظر , من 6 شهور كان بيقول هتحصل مظاهرات و نظام مبارك هيرحل, و أنا عندى الجرايد اللى كاتبه الكلام لحد دلوقتى
خامسا البرادعى مش عالم فى النووى بس, دة واخد دكتوراه فى العلوم السياسية و القانون كمان, يعنى فاهم الدنيا ماشية إزاى
و كان عايش فى مصر لحد التمانينات, و عارف ظروف البلد كويس, اللى يعيش شوية برة مصر يعرف يفرق الصح من الغلط و ازاى ينظف البلد


حرام بقى تقولوا اشاعات من غير ما تتأكدوا منها, ربنا هيحاسبكوا

+1111111
الراجل ده رغم انه كان أول واحد يطلب مبارك بالرحيل علانية من ساعة ما رجع مصر بس اتعرض لحملة تشويه بشعة.
النظام أقنع البسطاء أنه عميل الأمريكان... ده غير تشويه عائلته و الادعاء انه لا يعلم شيء عن مصر

و الان يتم تشويه صورته مرة اخري و هو متهم بالعلمانية و الالحاد و معاداة الاسلام

رغم اني غير مقتنع بيه كرئيس لمصر بس أنا شايف انه اتبهدل بزيادة رغم انه راجل محترم