إيه فايدة غسيل العربية من تحت ؟؟ وغسيل الموتور ؟؟

**Omar_H** · 19-03-2011 06:13 PM

أنا كنت عايز أسأل يا رجالة هو غسيل العربية من تحت ده مفيد في حاجة ولا هو نضافة بس أصل تقريبا العربية عمرها ماغسلناها من تحت ؟؟؟ و نفس الحكاية بنسبة للموتور
و هل لهم اضرار ؟؟

**emadcoo** · 19-03-2011 06:20 PM

ده بيفوق العربيه و ليس كل السيارات لابد من غسيلها و تشحمها من تحت و لكن ذلك يحافظ على اى كاوتش يحمى الكبالنج مثلا اما تشحيم الموتور و غسيله فهو مفيد من تراكم الاتربه مع الزيت

**elpasha1a** · 19-03-2011 06:59 PM

بس خلى اللى يغسل الموتور ميكانيكى لانة عارف بيغسله ازاى وربنا يكفيك شر مسدس المية

**alzelafy** · 19-03-2011 07:57 PM

بلاش مسدس الميه فى الموتور خلى المبكانبكى بغسله و لو ب 50 جنيه بس هيبقى غسيل ممتاز و ممنوش مشاكل انا غسلت عربيتى فى مغسله بالمسدس دة و مجبتوش على الموتور و العربيه مدارتش الا تانى بوم

**hugan** · 19-03-2011 08:54 PM

حسب فهمي
ان غسيل العربيه والرفارف الداخليه كل فتره بالمياه
لانزال الطين والاتربه بصفه مستمره لان وجودهم والمشي في الشوارع اكيد بيقابلك مياه تيجي علي الطينه الناشفه في الرفارف وتحت العربيه بعد الامطار تتحول الي طينه روبه يعني
تساعد علي انتشار البارومه في العربيه
فمن هنا كان لازم الغسيل لانزال الطين والاتربه
لكن غسيل العربيه من تحت اللي هو اسمه غسيل شاسيه انا باعمله مرتين في السنه قبل الشتاء وبعد انتهاء موسم الشتاء
الموتور من الداخل او الحوض بمعني اصح ممكن مره واحده في السنه
لاني لي تجربه في الشاهين وهو انني كنت باغسل الحوض كل شهر تقريبا وكان بلي الدينامو يتلف بسرعه من المياه

**A.Saad** · 19-03-2011 09:15 PM

الطين بيكون فيه نسبة مياة
لو مفيهوش مياة هيبقى تراب وبس
تراكم الطين على الاجزاء المعدن يعنى تراكم الرطوبة عليها
يعنى بيخلليها عرضة اكتر للصدا
علشان كدة بنغسل الشاسيه
الشاسيه غسلته ب :
مياة بس
فوم ومياة
جاز ومعرفش معاه ايه
الاخير مش مفضل للعربيات الحديثة علشان بيكون فيها مادة اسمها انتركوت دى زى بلك للحماية من الصدا والجاز مذيب ليها

غسل الموتور
الجاز بيشقق الخراطيم ويقلب ريحة الصالون
الفوم وبعده هوا او مياة حسب نوع الفوم ودرجة الاتساخ
لازم اللى بيعمله يكون فاهم علشان ميجبش مياة على الحساسات او الموبينة او الدينامو

**rasim** · 20-03-2011 11:07 AM

السلام عليكم
طب مينفعش الواحد يغسلها هو

**aymangalal510** · 20-03-2011 02:35 PM

انا كنت بغسل الحوض فى اى محطة غسيل عادية بس بخلى العامل يحط جاز فى العلبة اللى فى المسدس اللى عاملة زى رشاش الدوكو واخلية يرش على خفيف كده عشان يدوب الزيت المتراكم اللى بيلم تراب وبعدين بخه خفيفية برضة بالمية عشن يزيل اثر الجاز وريحتة وكله على يدى
اما الشاسية اتغسل فى بنزينة بالماء من تحت العربية
الكارتيرات بقى بغسلهم بالخرطوم قدام البيت
عامل توصيلة بمحبس فى بوز الخرطوم اللى برش منه
منه اتحكم فى درجة اندفاع الميه من عندى ومنه فيه (الوصله فىها حاجه كده زى منظم انبوبة البوتاجاز) بتتطلع مياه شديدة بتحكم فيها من المحبس اللى ايدى وبيدينى نتيجة ممتازة