الموضوع: سلبيات الاستفتاء انهارده

المشاركة الأصلية كتبت بواسطة misoalex

ممكن يكون مش عارف هو حينتخب ازاى لانه عمره مراح انتخب

بس العيب انه يبقى مش عارف ليه يقول نعم وليه يقول لا

ووسائل الاعلام بقت مضلله اشد تضليل اغلبهم بيلعب على مصلحته

ربنا يستر

لان اصوات الناس اللى حافظه ومش فاهمه دى كتيييييييييييير جدا واغلبها نعم يبقى كده عليه العوض فى دستور جدديد يحمى الشعب

لو خرجنا من هذه التجربه بميزة خروج ملايين حقيقية وليست مزوره فهى ميزة كبيرة وستكون بادرة خير ان شاء الله.

ايا كانت الأغلبيه لـ ( لا ) أو لـ ( نعم ) فانه من المؤكد ان هذه الملايين ما خرجت الا وهى تريد الخير لأنفسها و للبلاد .

لن يستطيع احد ان يلتف او يغفل الرغبة الأكيده لهذه الملايين فى التغيير الى الأفضل .

احترم كل من قال ( نعم ) بقدر احترامى لمن قال ( لا ) المهم انهم خرجو ا وهم واثقون ان لصوتهم قيمة .

المشاركة الأصلية كتبت بواسطة ziours

هو ده الشعب المصري يحب الزحمة والزفة الكدابة
وهو كله في البتنجاااااااان

حتى هذا قد يكون خيرا .

( اللهم اقدر لنا الخير حيث كان ، ثم ارضنا به ).

المشاركة الأصلية كتبت بواسطة tlrsiap

ده احد عيوب الديمقراطية يا باشا , ان اللي معاه دكتوراه زيه زي اللي مش بيفك الخط
كل واحد منهم له صوت واحد بس

هل يجوز ان الاستفتاء و الانتخاب يقتصر على حاملي المؤهلات العليا فقط مثلا ؟
انا رأيي انه ايوة , بس مش عارف ده صح ولا غلط

المشاركة الأصلية كتبت بواسطة mmolazem

حبذا لو يتم تكوين جهاز متكامل ويخضع للرقابة ، يتولى القيام بكل ما يخص عمليات الاستفتاء والانتخاب يكون من اختصاصاته تقييم المرشحين مع التركيز على برامج توعية الناخبين .

ساعتها حيكون الانتخاب ببطاقه انتخابيه

لكن لما واحد مجنوووون مختل عقليا يروح ينتخب لمجرد انه معاه بطاقه وياريته هو اللى اختار

ده يبقى ظلم مش ديمقراطيه

المشاركة الأصلية كتبت بواسطة tlrsiap

ده احد عيوب الديمقراطية يا باشا , ان اللي معاه دكتوراه زيه زي اللي مش بيفك الخط
كل واحد منهم له صوت واحد بس

عندك حق فى دى

هل يجوز ان الاستفتاء و الانتخاب يقتصر على حاملي المؤهلات العليا فقط مثلا ؟
انا رأيي انه ايوة , بس مش عارف ده صح ولا غلط

انا كان نفسي يبقى فى اليه او ضوابط تلزم الى يدلى بصوته انه يكون درس الموضوع الاول بغض النظر والله عن نعم او لا .. او ترشيح اى شخص فى الرئاسه .. لان الموضوع كدا سلطه خالص ونص الناس مضحوك عليها وناس بتدى صوتها عند فى ناس... والاغلبيه المضلله دى سهل اوى بعددها تأثر ثأتير سلبى..
انا عارف ان موضوع الزام اى شخص انه يعرف ايه الموضوع الاول قبل ما ياخد قرار دى شبه مستحيله...
و شايف ان حل المؤهلات العليا نظريا ممتاز بس لو فكرت تطبقه صعب قوى هتدخل فى موضوع تمييز واتهامات بتهميش اراء البسطاء وفى اصلا نسبه كبيره اوى اميه من الاساس...
بس هل فى حل ممكن فعلا عشان المشكله دى هتقابلنا تانى فى الانتخابات البرلمانيه والرئاسه ؟؟؟