الموضوع: انا كنت باحترم الاخوان جدا

معاك انا فعلا ابتديت اخاف منهم

شوف ياسيدي.....خرج الاعلام من الصوره لان معظم الاعلام متجه للفكر الليبرالي وهما اصلا طول عمرهم دي وجهه نظرهم عن الاخوان...............
نيجي للي حصل اليومين اللي فاتو ...فيه حاجات كتير حصلت من ناس( سلفيين او الجماعه الاسلاميه وفلول للحزب الوطني) واتنسبت للاخوان.......والاخوان كانو بيطلعو يكدبو ده بس محدش كان بيسمع لهم
الفتره اللي جايه حتبين كل حاجه ....بس خلي عقلك واعي واسمع من كذا مصدر....علشان تتاكد من الخبر..
عندك مثال لخبر البرادعي شوف كل مصدر كتب الخبر ازاي....كل واحد شافه بوجهه نظره هو ..(او باللي بيتمناه)...
المفروض ان احنا ناخد بالنا الاعلام عندنا اصلا فاشل وومول وموجهه ..مش محايد......واستني الايام الجايه اتوقع حيبقي سيرك والفرجه للركب
بالذات لما تبتدي انتخابات الرئاسه
حكم عقلك والمنطق

بس عموما هوا بقى واضح انهم هيسيطروا على مجلس الشعب

نفس الكلام و الله
أنا كنت متعاطف معهم بتخوف بسيط , دلوقتى قلقان منهم جداااا , لو شوفتوا العمايل اللى عملوها قبل الاستفتاء هتعرفوا ليه لازم نخاف.

الناس دى ليها "أجندات " (كلمة مناسبة) خاصة بيهم و الموضوع مش سهل

كنت زمان بقول زيك بالظبط كده

انا كمان بقيت اخاف منهم من ساعه مبدأو يعملو اجتماعات فى الشوارع ويوزعو ورق وبيوجههو الناس لوجهه نظرهم هما فقط

عاوزين الناس تمشى وراهم وبس من غير متفهم ايه الصح وايه الغلط او لو فهمت الغلط حيبقى من وجهه نظرهم برضهه

الدين لو اختط بالسياسه ميبقاش دين

اللى بيعملوه الاخوان دلوقتى تستر وراء عبأه الدين

ده اللى انا شايفه من وجهه نظرى والله اعلم

بالظبط كدا للاسف
دول حشدوا الناس علشان مصلحتهم مش مصلحة مصر , عايزين يسيطروا على الانتخابات الجاية و حشدوا الناس و عملوا مؤتمرات جماهيرية و فهموا الناس لو عايزين الدين يبقى نعم , الاستقرار يبقى نعم!!!! مش بيحاولوا يفهموهم ليه نعم , لا كلام الحقوا قولوا اه لحسن هيحصل بلاوى!!
مصيبة يعنى , ربنا يستر !

المشاركة الأصلية كتبت بواسطة dr-mohamed

بص يا سيدي
راجع مشاركاتي القديمة وفيها رايي القديم في الاخوان
اما الان فأنا احترم مشاركة كوادرهم في الثورة من اول يوم رغم ان الجماعة اعلنت عدم مشاركتها
واحترمت تواجدهم بشدة بدء من يوم 28 وعدم اعلانهم عن انفسهم كجماعة الاخوان واندماجهم في كتلة الشعب المصري
واحترمت دفاعهم الفدائي عن الثورة يوم 2 فبراير
واحترمت عدم متاجرتهم بهذا

اما الان فقد دخلنا في الجد
تخلصنا من الطاغية واصبح الكل يسعي وراء اثبات شعبيته والوصول للسلطة التشريعية والتنفيذية وهو حق للجميع
لكن المشكلة ان البعض ينكر على الاخوان ذلك
يسمح لنفسه بالسعي لاكتساب المواطنين الى جانبه ويرفض ان يفعل الاخوان ذلك
يسعي الى تاجيل الدستور والانتخابات وكل شئ حتي يكون شعبية وينكر على الاخوان مطالبتهم بالانتخابات في اي وقت لثقتهم في شعبيتهم
البرادعي حتي القريب كان حليف للاخوان واليوم افترق الخلان كل يسعي لصالحه
لا يهمني من منهما يصل للحكم يهمني مصلحة البلد

اما بدء تغير الراي فيهم فانظر الى الاعلام وكيف يحاول ابراز اي خبر سلبي عن الاخوان وابراز اي خبر ايجابي عن معارضيهم

حقهم طبعا .. بس الاعتراض على الطريقه المستخدمه في كده