الجمل: أتوقع نتيجة الاستفتاء 70% ''نعم''

**Forever.Leo** · 19-03-2011 08:45 PM

قال يحيي الجمل نائب رئيس مجلس الوزراء إنه يتوقع أن تكون نتيجة الاستفتاء على التعديلات الدستورية 70 %'' نعم''، لأن الجمهور المصري لم يكن يصدق النسب الكبيرة للتصويت؛ مؤكداً انه ''سيكون سعيد بهذه النسبة''. قائلا '' أنها في الاول أو الآخر مرحلة انتقالية''، وذلك في حوار مع شبكة النيل للأخبار.
وأضاف الجمل، بان لابد على كل مواطن مصري البحث عن الاستقرار والأمان للبلد بأكملها، مؤكدا أن التصويت يحدد ملامح المرحلة القادمة من تاريخ مصر.
وأشار نائب رئيس الوزراء إلى أن المطالب الفئوية ستكون في ازدياد الفترة القادمة، بالإضافة إلى خوفه الشديد من ازدياد الثورة المضادة التي بدأت مع موقعة الجمل الذي قادها فلول الفاسدين الذين عاني منها الشعب المصري طيلة ثلاثين عاماً.

منقول عن موقع مصراوي

**MASERATI** · 19-03-2011 09:12 PM

السلام عليكم و رحمة الله و بركاته

يعنى اللى قالوا (لأ) كانوا 30% بس؟؟؟!!!

مش عارف ليه , حاسس أن بتوع (لأ) كانوا أكتر من النسبة دى؟؟

أما نشوف النتيجة.

**misoalex** · 19-03-2011 10:48 PM

المشاركة الأصلية كتبت بواسطة maserati

السلام عليكم و رحمة الله و بركاته

يعنى اللى قالوا (لأ) كانوا 30% بس؟؟؟!!!

مش عارف ليه , حاسس أن بتوع (لأ) كانوا أكتر من النسبة دى؟؟

أما نشوف النتيجة.

عشان اللى قالو لا زى وزى حضرتك فاهمين مش حافظين
وبعض اللى قالو نعم فاهمين برضه زى وزيك بس شايفين مصلحتهم مع نعم
لو عملت استفتاء بين النوعين دول لا حتكسب فعلا

لكن الكارثه الكبرى فى اللى حافظين ومش فاهمين واللى الاخوان اثرو عليهم واللى عاوزين سلق بيض عشان البلد يمسكها رئيس وخلاص
واللى فاكرين لو قالو نعم البلد حتستقر والبلطجيه يروحو الشغل يرجع وكل حاجه فل

تعالى احسب كميه الناس البسيطه اللى مش عارفه هى قالت نعم غير عشان الاستقرار او عشان الماده التانيه متتغيرش حتلاقيهم نسبه كبيره جدااااااااااااا
ضيفها بقى للنسبه اللى فوق اللى قولتلك عليها

يبقى كده اللى قالو نعم فعلا اكتر من 70 %

انا لحد انهارده قبل مروح اللجنه كنت متفائل ان الى حيقولو لا هما الى صوتهم حيمشى

لكن بعد اللى شوفته فى الشارع واراء الناس العريبه كلام يحي الجمل صح

والاعلام لعب لعبته برضه والبلطجيه عملو شغل جااااااامد اوى اوى اوى واثرو على الناس

حسبى الله ونعم الوكيل