عيون الناس

**mahmoudoud** · 20-03-2011 12:39 AM

والله يا باشا نفس الكلام ده بيحصلي بس انا لسه مجبتش بايك بس الناس بتقعد تبص علي جسمي اكمني بلعب حديد و ناس تقولي حقن ده ؟؟؟
انا بستغرب و بقولهم اه علشان لو قلتلهم لا هيحسدوني اكتر
فلما حد يقولك صيني قوله صيني و لو حد قالك سوداني قوله بكستاني عادي ريح دماغك و ريحهم

**karembob** · 20-03-2011 12:46 AM

[QUOTE=mahmoudoud;3873363265]والله يا باشا نفس الكلام ده بيحصلي بس انا لسه مجبتش بايك بس الناس بتقعد تبص علي جسمي اكمني بلعب حديد و ناس تقولي حقن ده ؟؟؟
انا بستغرب و بقولهم اه علشان لو قلتلهم لا هيحسدوني اكتر
فلما حد يقولك صيني قوله صيني و لو حد قالك سوداني قوله بكستاني عادي ريح دماغك و ريحهم[/QUOTE
المشكله ان المصريين ميعرفوش ان دي جاجة عادي امل لو شافو الي في الدول الاروبية يحلهم اي

**mtgalx** · 20-03-2011 01:23 AM

يا جماعة محدش بينكر الحسد ,,,, بس مش كل حاجة تحصلنا و احنا سايقين بيكات نقول حسد
ايه يعني انا وقعت كذا مرة و اتكسرت مرة بس باجي احللها الاقي نفسي غلط في حاجة مثلاً اتلبشت من واحد رما عليا مسكت فرامل قدام ( مش محتاج اقول علي ال بيحصل ) زحف اسفلت وقتي
و في حاجات بتبقي قدر زي الي حصلك ده مش شرط انه حسد ,,,,, متشغلش دماغك بالحاجات دي و حاول انك تشوف انتا عملت ايه غلط
الواحد الي طلع قدامك مرة واحدة وسط الشارع كله ماشي ولا من وسط عربيات راكنه
لو راكنه يبقي اكيد كنت مزود السرعة شوية ممكن واحد يطلع مرة واحد قدامك او واحد يفتح باب عربيته
لو وسط الشارع و العربيات بتتحرك يعني بيعدي طريق المفروض تكون عنينا وسط راسنا علشان الحاجات دي
هل و هو معدي من الشارع ده طلعلك من ورا ميكروباص ولا انوبيس ولا عربية نقل ( في حاله انه بيعدي شارع عمومي )
شوف و حاول انك تسستم الحادثة علي انك غلط في حاجة
حتتفادي حاجات كتير قوي و حتعمل حساب لكل حاجة حوليك و انتا سايق

**zoom2zoom** · 20-03-2011 01:33 AM

انا اتنشيت عين في مره بال 900 بعد ثالث يوم ليها معايا بشتري علبه سجاير من الكشك ولاقيت واد بيقولي المكنه دي فاجره اوي ياكابتن روحت مخمس في وشه وكنت مروح البيت ولسه بركن المكنه وهي واقفه وقعت علي جمبها الشمال ودشملت حته من الفيير قولت بركاتك ياسيدنا
بصراحه انا شخصيا لما بشوف حاجه بتعجبي بقول بسم الله ماشاء الله ربنا يبارك لصاحبها فيها وسبحان الله ميعديش شهر ولا اتنين والاقي نفسي معايا زيها

**hassan_gost** · 20-03-2011 01:43 AM

الحمد لله الى انت سليم
مش مشكله حاجه تانيه
اقولك انا طيب وقعت اساسى قبل كده
بس بقى اليومين دول بقالى بتاع شهر كده كل شويه تحصلى حاجه
يعنى انا راكن المكنه فى محل فى رفوف زجاج بفتح المحل عادى كل يووووووم
المهم بفتح راح هوووووووب كبل لف على الباب راح الرفوف ديه وقعت دشششششششش
بعدها بكام يوم كده فى لمبه وقعت جوه الفنوس ديه حصلت مرتين كده وشويه حجات كده وحركات علشان احل واركب واعمل
بعد كده اصلا باب المحل بيفتح ويقفل يالعافيه يعنى سعات بحتاج حد يفتح معايا معرفش السوسته حاصلها ايه
بعد كده المكنه مش عايزه تدور وطلع البوجبهات رطبت
وشغااااااااااااااااااال
بس الحمد لله على كل حال اهم حاجه الواحد سليم
معلش انا طولت عليك بس قولت اشيل عنك شويه يعنى
هو الواحد يركب ويسمى الله ويتكل على الله ويخلى باله على قد ما يقدر

**her210** · 20-03-2011 02:31 AM

انا جبت مكنه شكل 900 صينى حاجه عاديه بس اخترت لونها اصفر عشان يتقال عليها وحشه وده حصل بس بقت بتجزب العين الى يشوفنى بكام ومنين وازاى ممكن اتسال السوال 10 مرات فى ساعه لدرجه انى اتخنقت اطلع بيها وكل يوم عند الكهربائى لدرجه انى صعبت عليه بعد تصليح وتغيير اجزاء مينفعش تتغير وسلك ملمس والمكنه لنج الراجل مخدش منى كذا مه فلوس وواقف عندو وجه واحد بكام قلو الراجل زهقان من السوال ده مكنه صينى ايه عيوب كهرباء والى يغيظك بقا ان الواحد يقولك مكنه بنت وسخه مكنه مش عارف ايه ويشتم مش يقول بسم الله مشاء الله والى يقولك كلمه جامده قله ادب شعب اعوز بالله