حصر للشكاوى و السلبيات التي حدثت اليوم اثناء عملية الاستفتاء... رجاء المشاركه

ده موضوع لحصر الشكاوى و السلبيات اللي حصلت النهارده و اللي اي حد شافها بنفسه
اثناء الاستفتاء على التعديلات الدستوريه, سواء داخل الجنه, او خارجها, او تفاصيل اخرى...

رجاء من الجميع المشاركه, و تحديد السلبيات اللي شافها بنفسه اثناء عملية الاستفتاء...

- لا يوجد حبر
- لا يوجد تأمين
- لا يوجد قضاه
- لا يوجد ورق تصويت
- لا يوجد سـاتـر
- الصناديق غير شفافه
- الاستمارات غير مختومه
- الحبر يزول بسهوله
- دعايه امام اللجان لنعم أو لا
- اعمال شغب أو بلطجه

يا ريت اكون قدرت احصر كل السلبيات اللي ممكن تحصل بالفعل...

منتظر مشاركتكم و ابداء رأيكم...

فله شمعه منوره
لجنه مدرسه عبد العزيز ال سعود
رحت 3 مرات

بالنسبه ليا... انا كنت في لجنة مدرسة رمسيس, في مشعل, الهرم...

ماكانش في ساتر في اللجنه... و ماكانش في تأمين خالص...

دي السلبيات اللي انا شفتها بنفسي...

طيب حضرتك رحت 3 مرات وادليت بصوتك في ال3 مرات؟؟؟؟؟؟؟؟؟؟؟؟؟

لجنة مدرسة نجيب محفوظ اول شارع المساكن
لا يوجد اي عيب مما ذكر
لكن لكثرة العداد كان القاضي واقف على باب الفصل اللى فيه اللجنة يشوف البطاقة ويوجهك وفيه ستارتين ممكن تكتب وراهم انا كتبت ورا واحدة منهم وناس كانت بتستسهل وتعلم على طول
الامن ممكن يكون قليل على الاعداد الضخمة دي كلها
لكن الاعداد الضخمة نفسها هي اكبر ضمانة لعدم الضغط او التزوير والحمد لله من ارقي ما شاهدت في حياتي رغم الزحام الرهيب

مفيش اي سلبيات خالص شفتها اليوم

اقتباس:

---

المشاركة الأصلية كتبت بواسطة ashraf a.kader

طيب حضرتك رحت 3 مرات وادليت بصوتك في ال3 مرات؟؟؟؟؟؟؟؟؟؟؟؟؟

---

سؤال مهم جدا جدا نرجوا الاجابه

فيه سلبيات طبعا بس مش للدرجة

و العامل الأساسي فيها ،،

الإقبال التاريخي الغير مسبوق علي الإستفتاء ،،

أنا مصوتش وراء ستارة ،، عشان وقفت في الطابور 3 ساعات !!!!

و القاضي طلع بالصناديق في حوش المدرسة عشان ينجز

بس الحمد لله ،،، التنظيم يعتبر أهلي ،، و مع ذلك الموضوع راقي جدا ،،،

عموما بس لازم يناقشوا آليات أحسن

دووول 45 مليون بيصوتوا يا جماعة

نرجو من الاداره يايريت ترفع فى الاستطلاع لا يوجد سلبيات
وجزاكم الله خيرا

اقتباس:

---

المشاركة الأصلية كتبت بواسطة dode2002

مفيش اي سلبيات خالص شفتها اليوم

---

:b4_388::b4_388::b4_388:

لو مافيش سلبيات... حضرتك ممكن تقول رأيك و ماتشاركش في التصويت

الاستفتاء لحصر السلبيات فقط, لو مافيش يبقى شارك برأي حضرتك فقط في الموضع
و لا تشارك في الاستفتاء بكل بساطه يا استاذي...
=====================

شكراا جزيلاً على الايجابيه و مشاركة الجميع :))

منتظرين ردك يا بشمهندس طارق بأهتمام
و انا طبعا متأكد ان حضرتك رحت 3 مرات منهم مرة واحدة مشارك
لانك اكيد ترفض التزوير

م.حاتم السباعي

اقتباس:

---

المشاركة الأصلية كتبت بواسطة hagan

منتظرين ردك يا بشمهندس طارق بأهتمام
و انا طبعا متأكد ان حضرتك رحت 3 مرات منهم مرة واحدة مشارك
لانك اكيد ترفض التزوير

م.حاتم السباعي

---

بعد اذن حضرتك خدنى وراك ( عشان حضرتك اللى سألت قبلى ) .

( فى انتظار الرد ) .

مدرسة الاورمان الابتدائية المشتركة بالدقي

زي الفل, و زحمة تفرح, خدنا فيتماين د بما فيه الكفاية:bonappetit:

مبدئياً دي اول تجربه لي في المشاركه بصوتي في الإنتخابات
وبعض السلبيات اكتشفتها من الموضوع ولم يكن عندي معرفه انها من السلبيات مثل وجوب شفافية الصندوق ووجود ساتر
وارجو عدم السخريه من ذلك

اقتباس:

---

المشاركة الأصلية كتبت بواسطة ghazy12

- لا يوجد تأمين
بخصوص التأمين كان في وجود لرجال من الشرطه وفرد من الجيش على باب المدرسه من الخارج فقط
- لا يوجد قضاه
لا أستطيع الرد على هذا السؤال..... كيف اميز وجود قاضي من عدمه؟

- لا يوجد سـاتـر
بالفعل لا يوجد ساتر ولكن لا احد يتلصص على ما اكتب
- الصناديق غير شفافه
الصناديق غير شفافه ما اهمية ان تكون شفافه؟
- الحبر يزول بسهوله
بيزول بسهوله جدا ودي المفاجأه وممكن تخرج بسرعه من غير ما حد يقولك تستخدمه اصلاً

---

التجربه كانت في مدرسة المنيل التجريبيه ش عبد العزيز آل سعود
الدنيا زحمه جداً لكن في طوابير منظمه وحضاريه
وبعض الناس وجهتنا للجنه في الدور العلوي عدد السيدات هناك اقل
اللحنه عباره عن فصل به 6 مكاتب لإستقبال الناخبين كل مكتبين عليهم عدد 3 موظفين
توجهت للمكتب المواجه للمدخل بالرقم القومي
وكطبيعة الموظفين في الحكومه وجهوني للمكتب اللي جنبهم نوع من انواع فوت علينا بكره
ودي كانت بداية السلبيه اللي عكرت صفو التجربه الجميله
الموظف في المكتب التاني سألني قالو لك ايه علشان تيجي هنا؟
قلت له قالوا اني تابعه لمصر القديمه وده المكتب المطلوب
وده طبعاً تهريج لأني كنت في منطقة سكني وكلها تابعه لمنطقة مصر القديمه
وبدأت الخناقه الكبرى بين الموظفين
سيادتهم بيعدوا على بعض كل واحد سجل في الدفتر عدد كام ناخب ومش عايزين يشتغلوا
لغاية ما المسئوله عن اللجنه تدخلت والأمر عدي
وبعد كده كتبت صوتي على صندوق الإنتخابات
لعدم وجود مكان آخر أسجل عليه
وفي النهايه كنت سعيده جداً بالتجربه وان الناس كانت ايجابيه بهذا القدر

مفيش اي سلبيات خالص شفتها اليوم, بالعكس ده أنا كنت مبسوط قوي من النظام.

اقتباس:

---

المشاركة الأصلية كتبت بواسطة ashraf a.kader

طيب حضرتك رحت 3 مرات وادليت بصوتك في ال3 مرات؟؟؟؟؟؟؟؟؟؟؟؟؟

---

لا طبعا!!! :)
بس ملحوظه فى مصر الجديده الناس الدنيا هاديه يعنى لو دخلت اصوت 10 مرات ماحدش هيسأل انت مين
و الناس كانت تسعى للحبر مش هما اللى بيقولوهم اعملوه

مره انا دخلت مع صديقى و صوت
مره كنا مع الحج و الحاجه - والدى دخلت معاه لداخل اللجنه من غير ما يقف عشان مايقدرش يقف و ماما قولتلها تقف فى الطابور(كانت متضايقه ووقفت كتير بس تقدر تستحمل) روحت بابا و رجعت روحت ماما
بعد كده وصلت زوجتى تدلى بصوتها