الموضوع: رأيي الخاص : الصح صح و الغلط غلط ايا كان اللي عمله

أنا مع حضرتك فى كل كلامك الا الحشد مش عيب ..المفروض انا أشرح ايه اللى هيترتب فى الحالتين ..واسيب الشخص اللى بقوله هو اللى يقرر مش أسوقه

كلام متزن جدا

الله يفتح عليك
وما احلى قول الحق
ولكن هناك نقطة عاوز اوضحها
مسألة اني بحشد على اساس اني هحارب الكفرة
فممكن تكون حضرتك شايفها كده وممكن يكون اللي بيحشد ده له هدف واضح امامه وخايف منه لعلمه او برؤيته لما سيحدث في المقابل لرايه
فلازم نحترم ده ومنقعدشي نحط لسته تهم له ويبقى احنا اول ناس بنطالب الديمقراطية واول ناس نحكر رايننا على الغير على اسا انه حمار مبيفهمشي

للاسف الفترة الجاية هاتسمع وتشوف بعينك توجهات بترمي الناس انها تتخانق معا بعضها وتفتت الشعب لاجزاء صغيرة

وانا مش بتهم حد بعمالة ولا تخوين

بس للاسف اليومين دول بس افتكرت كوندليزا رايس وتعبيرين صغيرين

الفوضي الخلاقة - الشرق اوسط الجديد او الكبير


ربنا يستر و متبقاش دماغي راحت لبعيد

في فرق كبير ما بين توجيه الرأي العام

الاخوان و الأحزاب الاخرى من حقهم يطلعوا و يتكلموا و يعلنوا و جهة نظرهم

توزيع أوراق أو ندوات مش فارقة

أنما الأعلام حاجة تانية خاالص

مش من حقه تبني وجهة نظر مضادة و الترويج لها

هذا رأيي

المشاركة الأصلية كتبت بواسطة tlrsiap

هل الجزئية دي بتقول نفس المعنى ولا تقصد حاجة تانية ؟



جزاك الله كل خير
:)



جميل جدا و معاك , بس الفكرة برده انه لا يجوز ان الواحد يقول تعالوا ضد الضلال و ما يوضحش ده ضلال ازاي , انت عارف ؟ فيه في الاتجاهين ناس تعمدت تضلل , لكن للأسف برده الديمقراطية عايزة يقظة , هانعمل ايه ؟ لكن ارجع و اقول , انت ما ينفعش تقول (بتوع لأ دول كفار و بيكرهوا شرع ربنا , يروح الطرف التاني , بتوع نعم دول متطرفين و بيتاجروا بالدين ) , سوري ده اسمه شرشحة متبادلة , لكن الواجب انك تقول مثلا (يا جماعة عايزين نحافظ على الدستور الحالي لأن فيه المادة التانية و شيلها خطر علينا) , ييجي الطرف التاني يقول (شيلها مش خطر و كده كده وجود دكتاتور في الحكم اخطر على الاسلام بكتير زي ما عمل مبارك) , و هو ما يسمى بالحوار الوطني و المناظرة المحترمة




في رأيي ان المشكلة دي واجهت اي شعب جديدة عليه الديمقراطية بس ان شاء الله هانتعود عليها واحدة واحدة

على فكره ده حصل بس في الأول قبل الأستفتاء بحوالي اسبوع واكتر
ولكن الناس مشفتشي الا اليومين الاخرنيين فقط
واللي حصل ده اجتهادات فردية صدقني
يعني انت متخيل في شيخ هيقول للناس اطبعوا ورقة بتقول فلان ده عاوز لأ وده بيقول نعم
صدقني دي ثقافة شعبنا وده بنعاني منه في كل اطياف المجتمع مش في الأسلاميين فقط
احنا واحنا في دروس العلم بتاعت المشايخ المشايخ نفسهم بيقعدوا يهاتو في الملتزمين في أخطاء بيعملوها ولكن الطباع غلابه في كثير من الأحيان
يعني مثلا زي التزاحم بين الناس وحاجات من هذا القبيل
اعذرني العيب مش فيهم اد ما هو عيب في المجتمع كله وسببه التعليم اكيد والثقافة
يارب تكون فهمتني

بارك الله فيك على قولك الحق
ولي أيضاً تحفظ على مسألة الإحتشاد ولكن أخي الكريم أبو عبدالله قال ما أردت قوله

المشاركة الأصلية كتبت بواسطة أبو عبدالله

على فكره ده حصل بس في الأول قبل الأستفتاء بحوالي اسبوع واكتر
ولكن الناس مشفتشي الا اليومين الاخرنيين فقط
واللي حصل ده اجتهادات فردية صدقني
يعني انت متخيل في شيخ هيقول للناس اطبعوا ورقة بتقول فلان ده عاوز لأ وده بيقول نعم
صدقني دي ثقافة شعبنا وده بنعاني منه في كل اطياف المجتمع مش في الأسلاميين فقط
احنا واحنا في دروس العلم بتاعت المشايخ المشايخ نفسهم بيقعدوا يهاتو في الملتزمين في أخطاء بيعملوها ولكن الطباع غلابه في كثير من الأحيان
يعني مثلا زي التزاحم بين الناس وحاجات من هذا القبيل
اعذرني العيب مش فيهم اد ما هو عيب في المجتمع كله وسببه التعليم اكيد والثقافة
يارب تكون فهمتني

وللأسف الإجتهادات الفردية أو الأخطاء الفردية بيأخدها البعض ممن يكنون لهم كل الحب والتقدير وينسبُها لعامة السلف والإخوان