اخوكم شكله حيتنصب عليه اغيثونى ..عاجل

**roaahim** · 20-03-2011 03:30 AM

[FONT="Arial Black"][/Fالسلام عليكم اولا مبروك لمصر تانيا اخوكم كان معاه عربية نصر 127 موديل 83 المهم دخلت النهاردة فعربية ماروتى 97 ودفعت الفرق 2000 جنية وباقى عليا 2000 تانيا المهم انا اشترتها من معرض عربيات من اسكندريةوبعد ام كتابنا العقود الابتدائية لقيت رخصتها كالاتى تصريح مؤقت ملاكى وينتهى فى 16 اكتوبر 2008 وطبعا العربية مش مركبة ارقام جديدة ONT المهم تاريخ الفحص مكتوب 2010 دلوقتى الراجل صاحب المعرض عطانى التصريح دة وورنى اقرارمن صاحب العربية بتجديد ورقها لغاية 2012 المهم قالى ان اللى بينا ورق وحيخلص خلال اسبوع من النهاردة وحاقابله فالمرور على تركيب النمر الجديدة وانى مااعملش لهم اى ورق خاص بالعربية 127 غير لما تركب الماروتى النمر الجديدة قدام عينى فالمرور خلال اسبوع المهم انا اللى محيرانى هو صاحبها قعد لية كل المدة دى من غير مايجددها وانا المطلوب منى اية تانيا ودة الاهم انه ورانى محضر فالقسم بفقد شهادات البيانات بتاريخ 23 اكتوبر 2010 فانا خايف الا يكونوا بيعنها لحد قبل كدة بس ازى والعربية ومفاتيحها معايا وصاحب المعرض بيقولى انه حيخلص ورقها خلال اسبوع وبعدين هو ممكن يكون كسل من صاحبها على اساس ان الفحص 2010 محتار دلونى ولكم الثواب

**magyver** · 20-03-2011 04:09 AM

متعملش اي ورقة لل27
واستني لما يخلصلك العربية المااروتي ويجدد الرخصة

**mhmdalsaadany** · 20-03-2011 04:51 AM

فعلا حضرتك متعملش ي ورق خالص لل127 عشان هو ممكن يوقلك اعمل التوكيل وخليه معاك وبعدين هو اول ما يشوفه يروح يطلع نسخه تانيه لان التوكيل عشان يتلغي لازم يكون البايع والمشتري موجودين يعني حضرتك بعد ما تعمله مينفعش تلغيه لوحدك لازم يكون المشتري معاك حتى لو العربيه لسه باسمك وكان في ناس كتير بتعمل الحركه دي ويعمل محضر بسرقه العربيه باسمك لانك المالك السابق ومعاك نسخه والرخصه مانت جواها ودا يبرر ان العربيه والرخصه لسه معاك والتوكيل كمان معاك خلى بالك ومتعملش حاجه غير لما تخلص الورق الاول وبعدين اعتقد ان سعر العربيه الماروتي قليل لوجود فرق 4000 فقط بينها وبين الماروتي والله اعلم في ان في الموضوع خلي بالك

**roaahim** · 20-03-2011 11:31 AM

شكرا يا شباب ب هل هو ممكن فعلا جدد ورق العربية الماروتى بهولة والا هو مادفعش الضرايب بتاعتها السنين اللى فاتت فعشان كدة ما جددش الترخيص لغاية ميعاد الفحص اهمل يعنى

**roaahim** · 31-03-2011 01:14 AM

السلام عليكم صاحب المعرض قعد يلف ويدور عليا اسبوعين وف الاخر خالص قالى انه حيروح يعمللى توكيل عام بالعربية فانا سالت فالموضوع دة عرفت انه التوكيل العام مالهوش علاقة بالمرور بمعنى انه بيطلع عادى زى اى توكيل بالبطاقة يعنى لاشهادة بيانات ولاحاجة فطبعا ماوافقتش وفالاخر طلعلى توكيل عام صاحب العربية كان عامله لواحد من 2007 بيبع العربيه لنفسه والغير وليس توكيل للعربية المهم وورانى انها مدفوع لها ضرايب لشهر 6 2010 المهم اتفق معايا بكرة ان صاحب العربية يقابلنى فالمرور وانا ادفع ضرايب السنة ومش عارف اذاكنت لازم اذفع تامين كمان عشان تطلع شهادة البيانات وانا خايف الايكون اللى كان معاه التوكيل العام الاول بعها لنفسة قبل كدة والله واعلم نصيحة محدش يتعامل بحسن نية مع اى تجار عربيات

**FunnyMickey** · 31-03-2011 01:35 AM

متفكك من العربيه دي خالص وتريح نفسك
خد فلوسك وريح دماغك
لما يبقوا يخلصوا ورقها ابقي خدها
ولو اني اشك زي ما العضو محمد قال
ازاي فرق 4000 بس بين 27 وماروتي

**l0new0lf** · 31-03-2011 04:19 PM

انا مش فاهم حاجه
و بعدين مش شهادة البيانات مدة صلاحيتها شهر واحد بس؟ ايه موضوع محضر فى القسم لفقد شهادة بيانات من السنه الى فاتت؟
و مفيش مشكله ان الى معاه توكيل بالعربيه يطلع شهادة بيانات تانيه بس يكون مكتوب فيه التعامل مع ادارة المرور و النيابه
خليك فى التوكيل بتاع المرور و ابعد عن التوكيل العام علشان لو العربيه متباعه لحد تانى
هم بيكتبوا ايه على الرخصه لو لسه العربيه عليها اقساط؟