تحياتي لك :x1[1]:
ولمشاركتك :x1[1]:
ولتوقيعك:x1[1]:
بتجيب م الاخر دايما
عرض للطباعة
عمر ماكانت الهمجيه في الرد هي السبيل للحوار بين الاطراف للوصول الي نقطة تلاقي
او حتي عند عدم الوصول الي نقطة تلاقي فان اختلاف الرأي لايفسد للود قضيه
لكن المصريين قلبوها اختلاف الرأي لابد ان يفسد للود 100 قضيه
ولا حول ولا قوة الا بالله
يا جماعه
ما تخسروش بعض
مش عيب أن واحد شايف البرادعى كويس والتانى شايفه وحش
ولا أن البرادعى كويس لأنه قال لأ فى جبروت النظام
بالمناسبه دى مش شجاعه , دى سياسه
محدش يقدر يلمس البرادعى علشان جايزة نوبل اللى معاه وهو شخصيه دوليه
واللى مش مصدق يشوف الدكتوره المعارضه الأيرانيه اللى واخده نوبل وبتشتم فى السياسه الأيرانيه وعايشه فى أيران ومحدش قادر يكلمها
أيران اللى مبارك جنبها ملاك
علشان كده بلاش الحكم بالعاطفه على الأشخاص
ممكن يكون البرادعى شخصيه كويسه بس المهم هيعمل أيه
لما يعمل برنامج واضح مكتوب نبقى نشوفه
برامج المرشح الأمريكى بتوصل لحد حقوق نقابة السباكين ويا سلام لو طلع شرب ماريجوانا وهو صغير يبقى ليله أمه سوده
واضح أن مفيش غير البرادعى وموسى على الساحه
بكره هما الأتنين يشتغلوا بنظام الأمريكان وكل واحد ينشر غسيل التانى
وأحنا نتفرج ونحكم
أنا لا مع البرادعى ولا غيره ولا يفرق معايا الأسماء
المهم هيعمل أيه فعليا
يا جماعه انا مقلتش حاجه عالموضوع .....
انا كل اللي استفزني ان فيه ناس فاهمه الديمقرطيه اني اروح اضرب شخص بالجزمه على وشه و ابقى انا كده حر و بعبر عن رايي فيه ......
ولسه في ناس بتخوض في شرف ناس من غير دلائل
و اعزروني للانفعال
طبعا شيء مؤسف و محزن جدا ...
سواء كنت مع الراجل .. ضده ... مش فارق معاك ...
عمالين نقول الثورة قامت و حضارية و بتدرس في كل انحاء العالم و مش عارف ايه ..
وييجوا شوية " همج " يعملوا كدا !
عيب والله ...
مش عاجيبك البرادعي و كارهه حتى حقك .. و كان ممكن تعبر عن رايك " بالكلام " او حتى الهتاف ضده انت حر ...
بس توصل للي حصل ده عيب .
ربنا يشفي الناس و يهديها ...
الله ينور عليك
بس مفيش عرش لمصر خلاص
اللى هايمسك منصب رسمي من يوم ما المجلس العسكري عين احمد شفيق يتحمل اللي هايجري له
خلاص لا مسئول فوق لانقد او الهجوم او المطالبة بالاستقالة والاسقاط
ما قلنا لو سياسي يتحمل وشفت السياسيين في العالم كله بيتعمل فيهم ايه
لو مش سياسي عادي اي حد معرض للموقف ده امال الناس اللى اتقتلوا من البلطجية يبقوا ايه
وفي كلتا الحالتين محدش قال انها فضيحة عالمية لمصر
الي الاخوة الاعزاء
احنا لسه بنقول اننا في سنة اولي ديمقراطية ولابد من اثراء هذه التجربة وتنميتها
افترض ان اعضاء هذا المنتدي الجميل هم من مثقفي هذه البلد واعرف الكثير منهم واعرف كم يحبون هذه البلد ويريدوا لها الخير وكيف يحلمون ببلد جديدة اكثر حرية وديمقراطية
لكن ما اراه الان هو حالة من عدم التوافق والتراشق من كل جهة
نسينا ما نحن فيه
نسينا ما نصبو اليه
وتفرغنا ليس للحوار البناء الذي يبني هذه البلد بل للاختلاف فيما بيننا فقط لمجرد الاختلاف
لست مع البردعي ولكن مع ان نحترم بعضنا وبالتالي ان نحترم اراء الاخر طالما انها لم تتعدي حدود الاحترام
يللا يا جماعة بينا بلدنا محتاجة الاتفاق اكثر من الاختلاف
عارفين يا رجالة المنتدي المختلفين في الاراء لو استطعتم ان تجتمعوا مرة واحدة معظم هذه الاختلافات ان لم يكن كلها سوف يزول
تعالوا نفكر صح لان هذا هو ما سيفيد هذه البلد