تحـذير من الدائري .. خلي بالك

السلام عليكم ورحمة الله
بعد مطلع السلام للدائري .. فى اتجاة الجيزة .. بعد المطلع بـ 500 متر فية اصلاحات ف الطريق
حافرين الطريق كأنهم هيعملو اسفلت جديد .. الحفر مخلي الارض نازلة لتحت لمسافة رهيبة 5 سم تقريبا
عربية طايرة وللاسف اتفاجأ بالارض ضرب فرامل وحصل حادث رهيب ضاعت فية السيارة
العربية عامت ودخلت بوشها فى الطوب الخرسانى اللى قاسم بين الاتجاهين
الوقت كان الساعة 4 ونص الفجر وقت الحظر .. مكنش فية حد فى البداية يساعد .. شوية وعربية وقفت بعدها للمساعدة
والراجل والله اعلم ربنا يسترها وميكونش اتوفي .. خلي بالكم يا جماعة وبلاش الجري
انا بعدها مشيت 60 تقريبا زى الناس المحترمة وقبلها وانا رايح صارووخ .
العربية مأخدش بالى من نوعها لان الحادث حصل امامى قمة الرعب .. لونها اسود موديل حديث
اسألكم الدعاء لة بالشفاء والستر .. ان كان حياَ .. والفاتحة فى حالة وفاتة . اللهم استر طريقنا جميعاَ .

شكرا يا باشا على التنبيه

وربنا يرحمنا جميعاً

لا حول ولا قوة الا بالله

حسبي الله ونعم الوكيل في عمال الرصف المستهترين لو حد يعرف حد من العمال دول يوبخه جامد ويقلله اللي مات ده في رقبتهم يوم القيامة مفيش ولا يافطة تحذرية ولا اقماع يقفللوا بيها الحارة اللي فيها اصلاحات؟؟؟؟!!!!!!!

اقتباس:

---

المشاركة الأصلية كتبت بواسطة windsofchange

حسبي الله ونعم الوكيل في عمال الرصف المستهترين لو حد يعرف حد من العمال دول يوبخه جامد ويقلله اللي مات ده في رقبتهم يوم القيامة مفيش ولا يافطة تحذرية ولا اقماع يقفللوا بيها الحارة اللي فيها اصلاحات؟؟؟؟!!!!!!!

---

للاسف مفيش اقماع ولا اي حاجة تحذيرية ولا ورقة من الارض حتى
بس مستغرب .. مين اللى شغال ف الطريق ؟؟ المفروض ان البلد قطاعات منها عطلانة .. فهل دة حصل قبل الثورة ؟
اخر مرة عديت من هناك من حوالي شهر ومكنش فية تكسير .

النقطة التانية .. لية الحفر بالشكل البشع دة ؟؟ .. حصل كتير موضوع " تـمهيد الطريق " بمعنى ادق لعمل اسفلت جديد
وكنا بنجري علية عادى هو بس بيعمل دوشة وانت ماشى علية والعربية بتترجرج بسبب التـعريجات اللى ف الارض
بس عادى لو نزلنا عليها على 60 ولا 80 بنقى انضف حتى ونمشى فيها .. لكن دى متمهدة او محفورة بطريقة غبية قوي
واكلين كتير من الاسفلت

جزاك الله خير