يا طارق والله معاك
ولكن قولي شيخ واحد قال اللي انت قولته ده
عرض للطباعة
كلامك في الموضوع متضارب مع بعضه لا أصدقه اطلاقا
يا ابو عبدالله زى ما الاخوة هنا اوضحوا ان فيه ناس قالت اللى ضد التعديلات يحشر مع الكافرين امثال البرادعى و ده كلام من ناس ثقه فى المنتدى
و ديه مش وجهه نظر تحترم يا ابو عبد الله عشان اللى بيقول لا مش بيقول لا عشان النصارى و لما تقولى تحشر مع النصارى يبقى انا كده فين يعنى؟ هبقى فى الجنه مثلا؟؟
الكلام باين يا عزيزى وواضح
انا ضد الاسلام ام مع الاسلام؟
لو معاه وجب التصويت بنعم
احنا المشكلة عندنا ان احنا بنصدق اللى بيتقال فى الاعلان عنهم وبنصدق مسلسل الجماعة اللى كان معمول باوامر من امن الدولة
بس بجد ان شايف ان الناس دى تستطيع ان تساعد فى النهوض بالبلد لانهم منظمين جدا ومؤهلاتهم العلمية و العملية من افضل المؤهلات فى مصر
وهما مش متعصبين ابدا
يعنى بمهنى اصح فى شبه كبير بينهم وبين حزب العدالة و التنمية فى تركيا بقيادة الرجل العظيم رجب طيب اردوغان
ماهو من مباديء الاسلام حاجة اسمها اعمال العقل يعني الواحد مياخدشي كلام و يمشي حاله و خلاص
ماهو النظام القديم كان بيفهم عساكر الامن المركزي ان الناس بتوع المظاهرات دول ناس ملحدين ميعرفوش ربنا شيوعيين علشان ينزلوا يضربوا بغشامه يعني كان بيستغل ستار الدين برضة
استغلال الدين شيء شائع في كل الدول حتي المتقدمه المفروض بقي يبقي في توعيه للناس البسيطة اللي مش عايزة تتعب دماغها و تفكر و بتستني حد يفكر ليها
يعني حتي الشيخ اللي بيعدوا الناس انها تقول نعم علشان الاسلام هو برضة ممكن يكون مريح دماغه و ساب واحد فكر ليه و دة مش هيكون اسلوب الاخوان و بس و لا السلفيين و بس هيبقي اسلوب كل واحد عايز ينجح و يبقي ليه دور في البلد سواء بالايجاب او بالسلب و لان الموضوع لسة جديد علي الشعب المصري فكل واحد عايز يخش الانتخابات و ينجح هيلعب علي كل الحبال لان نسبة كبيرة مننا عايزة تريح دماغها و حد يقولها تعمل ايه
بس بالفعل تصوير كل شيء سلبي بيحصل في الاستفتاء و تلبيسه للاخوان و السلفيين شيء مش ظريف خالص و حتي اللي بيعمل كدة خوفا منهم هيكون تاثيرة عكسي لان شعبيتهم هتزيد و تزيد
اي حزب و اي شخص عايز ينجح و يطلع و يخدم البلد دي يحاول ينظم نفسة داخليا زي الاخوان مش يحاول يهدم فيهم
بعيدا عن مدى ديمقراطية الاخوان من عدمها هل من الممكن ان نعرف مصدر تمويلاتهم المهولة دى منين