قلت (لا) او قلت (نعم ) نحط ادينا في ادين بعض عشان مصر

**human** · 20-03-2011 10:32 AM

yaserbasha2000

مافيش اى تيار يقدر يحد من تأثير التيار الدينى حاليا

لازم تفهم قوة اللى قدامك

الناس كانت بتخاف تروح للصندوق و تعمل اللى بيقول عليه شيخ الجامع
دلوقتى شيخ الجامع اقوى من اى وسيله ضغط فى مصر عشان اللى بيقول عليه الناس بتعمله مغمضه دون وعى

انت بتتكلم فى انك تأثر فى اقل من نص الشعب - النص التانى كده كده مش معاك

مافيش اى معركه انتخابيه تقدر تأثر فيها مهما حاولت

لازم نشوف الصوره صح

**alaa_dash** · 20-03-2011 10:41 AM

المشاركة الأصلية كتبت بواسطة human12

تقدر تقنع ناس مش بتفكر و ماشيه بمدأ السمع و الطاعه؟؟
75% قالوا نعم اتوقع اللى قايل نعم اقتناعا زى اللى قالوا لا اقتناعا (وده مبالغ فيه) عندك 50% باريموت و ماتقدرش تتدخل

وجهه نظر عمر سليمان صحيحه بس ال counter measures اللى هو عاملها انا مش عايزها

و مافيش حل غير انك ترضخ و تتفرج زى مانا هعمل لان اللعبه الان محسومه

الرئيس القادم سيحدد من شيوخ الجوامع و الازقه و مهما فعلت لن تغير شيئا
الا لو هنشتغل dirty يبقى ممكن نعمل الفتنه اللى بيقولوا عليها

عندك طرف بيعمل فتنه و الطرف التانى مش بيعمل - ده الوضع الحالى
و المطالب عشان الدنيا ماتخربش انك ما تردش بذات العدوان

مش بقولك كل ثورة وانت طيب

فكرتي ..ان ال 50% دول مش بالريموت عشان منتمين لجماعة معينة ..لا ....(طبعا ده بفرض النسبة صحيحية)
هما انقادوا لان فهموا ان لا هتشيل المادة 2 ....
بالتالي بالنسبة للرئاسة ...واحد زي عمرو موسى ال50 % دول شايفين فيه بطل و هيصوتوله ...
و مالوش مدخل ديني للانتقاد ...زي البرادعي مثلا ...
و اظن حضرتك متفق معايا ان هوه المرشح الاوفر حظا ...
في اسوأ الظروف يبقى احنا كده اجلنا الصورة السودة المفترضة 4 سنين ...
هيقدر فيهم القوى السياسية الاخرى بما فيهم الاسلام المعتدل انهم يرجحوا كفتهم ....
و ما تقلقش من ناحية الاخوان ...هيكونوا تحت ضغط رهيب من النخبة و الاقباط ...

**medo_2060** · 20-03-2011 10:48 AM

يا جماعه ماهو الناس البسيطه ولا الاميه دى منقدرش نلومهم لوم كامل على الى هما فيه ... وهم عدد كبير هيأثر على اى حاجه بعد كدا ..يبقى ايه الصح انه يتعمل ؟
يتم تضليلهم باسم الدين وكذب تانى عشان مصالح الى بيضحك عليهم؟
ولا نعمل حملات توعيه من دلوقتى للناس دى وتبدأ من القرى والنجوع بالذات ..نوعى الناس دى يفكروا وياخدوا قرار بدون توجيه من اى طرف

**yaserbasha2000** · 20-03-2011 10:50 AM

المشاركة الأصلية كتبت بواسطة yaserbasha2000

لازم دلوقتي القوي السياسيه غير المحروقه تخرج بره الغرف المغلقه علشان تعمل في الشارع اربع خمس سنين علشان يبان ليها تأثير

المشاركة الأصلية كتبت بواسطة human12

yaserbasha2000

مافيش اى تيار يقدر يحد من تأثير التيار الدينى حاليا

لازم تفهم قوة اللى قدامك

الناس كانت بتخاف تروح للصندوق و تعمل اللى بيقول عليه شيخ الجامع
دلوقتى شيخ الجامع اقوى من اى وسيله ضغط فى مصر عشان اللى بيقول عليه الناس بتعمله مغمضه دون وعى

انت بتتكلم فى انك تأثر فى اقل من نص الشعب - النص التانى كده كده مش معاك

مافيش اى معركه انتخابيه تقدر تأثر فيها مهما حاولت

لازم نشوف الصوره صح

طبعا انا مش باتكلم عن دلوقتي زي ما قولت فوق انا باتكلم عن شغل 5 سنين توعيه وتنوير وزياده وعي وثقافه للناس و العوام باختلاف درجاتهم و جذبهم في اتجاهات اخري غير الكره و الافلام و فتاوي شاذه وغريبه و قضايا فرعيه زي اسلام واحده او تنصير واحده برضه

وكمان لازم نكون كلنا متفقين علي قبولنا بنتائج الديمقراطيه يعني متكونش ديمقراطيه انتقائيه علشان متتحولش لديكتاتوريه

**viper911s** · 20-03-2011 11:07 AM

المشاركة الأصلية كتبت بواسطة alaa_dash

فكرتي ..ان ال 50% دول مش بالريموت عشان منتمين لجماعة معينة ..لا ....(طبعا ده بفرض النسبة صحيحية)
هما انقادوا لان فهموا ان لا هتشيل المادة 2 ....
بالتالي بالنسبة للرئاسة ...واحد زي عمرو موسى ال50 % دول شايفين فيه بطل و هيصوتوله ...
و مالوش مدخل ديني للانتقاد ...زي البرادعي مثلا ...
و اظن حضرتك متفق معايا ان هوه المرشح الاوفر حظا ...
في اسوأ الظروف يبقى احنا كده اجلنا الصورة السودة المفترضة 4 سنين ...
هيقدر فيهم القوى السياسية الاخرى بما فيهم الاسلام المعتدل انهم يرجحوا كفتهم ....
و ما تقلقش من ناحية الاخوان ...هيكونوا تحت ضغط رهيب من النخبة و الاقباط ...

انا رئى من رئى حضرتك يا استاذ علاء
الناس خايفة من الاخوان وكأنهم مسكو رئاسة صعب جدا انهم يوصلو لكدة بس سبب انهم قدرو يأثرو انهم كانو فى الشارع
سيبك من الجوامع الناس مش مغيبة بس فى نسبة كبيرة مهمشة مش فاهمين دى غلطة الاتجاة الاخر انو اختار الفيس بوك وروادة فقط فى النقاش
ونسى الشارع
والاخوان عموما هيكون عليهم ضغط كبييييييير مش هيكون بسهولة انهم يوصلوا يعنى

**arakysolom** · 21-03-2011 08:16 AM

المشاركة الأصلية كتبت بواسطة human12

مافيش قتنه و مافيش حاجه هتتعمل
النتيجه 80%
احب اوضح ان فيه كتير قال نعم اقتناعا و كمان عشان الموضوع يمشى و نخلص

بس التيار اللى قال نعم المؤثر فى الصندوق استخدم جميع الوسائل المتاحه و الخارجه عن النهج الديموقراطى ?? كيف تم ذلك ؟؟؟
هل بتلمح ان الانتخابات كان فيها تزوير !!!

و ببساطه شيخ الجامع هو اللى وجه الناس
حضرتك متعرفش ان ساويرس بقنواته و فلوسه و صحيفته كان بيوجه الناس تقول لا مستخدم الاعلان الذي يحتوي علي اكتر من 20 شخصيه منهم عمرو خالد الداعيه الاسلامي الذي له محبيه الكثير من الشباب و المجتمع
وكذلك الكنيسة التي كانت تنقل الناس باحافلات و تحضهم علي قول لا كواجب ديني !!!

هيه خلصت و اللى هيحدد رئيس مصر القادم هو التيار الاسلامى
نبرة التقليل من شأن الشعب اللي اختار بحريته ان يقول نعم للأستقرار و لوجود طريق واضح لعجلة التنمية
الشعب هو اللي اختار مش التيار الاسلامي
انتخابات نزيهة = ارادة شعب = ممثلين عن الشعب سواء كانوا تيار اسلامي او تيار ليبرالي او تيار مسيحي صندوق الانتخابات هو اللي حيحدد

و مافيش داعى لادينا فى ايد بعض و فتنه ولا مش فتنه
انت كده بتحاول انك تثير الفتنه بين طوائف الشعب ، يعني عشان الاغلبية قالت نعم يبقي انت ضد الوحده الوطنية وضد التعاون في بناء الوطن !!!

لانى مش هحط ايدى فى ايد ناس مش عايزه تفكر و الاسم اخوانى فى الوطن
بتحاول تثبت ان اللي قال نعم مش بيفهم و مغيب و انت الوحيد اللي فاهم ، مش معني ان لك رأي مخالف يبقي تحقر من شأن الأخرين !!! اتعلموا يعني ايه ديمقراطية و يعني ايه بناء الوطن مهما اختلفت اتجهاتنا
- يتم التحكم بهم عبر منابر الجوامع و الازقه و احنا مضطرين نمشى معاهم

بس كده ببساطه شديده - كل ثورة وانتوا طيبين
مادام في ناس ممن يحرضون علي عدم التعاون مع كل طوائف الشعب و شق الصف و الاستئثار بالرأي يبقي هي دي بداية اتلاف الثورة

العنوان الخاص بالموضوع هو كيف نتحد لبناء الوطن ليس كيف نفتعل الفتنة و نشق وحدة الشعب ، ............................

انذار ووقف لمخالفة القاعدة 13 من قواعد المنتدى
يرجى مراجعة القواعد
3:26pm 21/3/2011
م.ع.6

**human** · 21-03-2011 08:41 AM

المشاركة الأصلية كتبت بواسطة arakysolom

العنوان الخاص بالموضوع هو كيف نتحد لبناء الوطن ليس كيف نفتعل الفتنة و نشق وحدة الشعب ، غيب احقادك و اتجاهاتك تجاه الغير طالما تريد رفعة الوطن !!!

تدين لى باعتذار لاستخدامك لغة غير لائقه و اتهام ان لى احقاد و ايضا تتهمنى باثاره فتنه
ده اسمه شخصنه فى الحوار و ايضا اسلوب غير لائق

فى حاله عدم الاعتذار سأرفع شكوى للاداره

و شكرا

**ams** · 21-03-2011 09:03 AM

القضية اننا هنتعلم بالتجربة و الخطأ فى المرحلة الجاية
يعنى الشعب هيختار و هيستاهل اللى يحكمه
و لو اخطأ لاى سبب سواء جهل او كسل فى التفكير او او
هيتعلم بعد كده
و الاهم اننا لا نكتم علم و لا نجبن عن ابداء رأى
و زى ما بيقول الجيش
و الله الموفق

**ams** · 21-03-2011 09:08 AM

المشاركة الأصلية كتبت بواسطة arakysolom

العنوان الخاص بالموضوع هو كيف نتحد لبناء الوطن ليس كيف نفتعل الفتنة و نشق وحدة الشعب ، غيب احقادك و اتجاهاتك تجاه الغير طالما تريد رفعة الوطن !!!

أستاذ طارق بيقصد اللى بيقوله و بيقول اللى بيقصده
و مش من المنطقى تحميل كلامه معانى تانيه

**wawoo** · 21-03-2011 09:15 AM

المشاركة الأصلية كتبت بواسطة arakysolom

حضرتك متعرفش ان ساويرس بقنواته و فلوسه و صحيفته كان بيوجه الناس تقول لا مستخدم الاعلان الذي يحتوي علي اكتر من 20 شخصيه منهم عمرو خالد الداعيه الاسلامي الذي له محبيه الكثير من الشباب و المجتمع
وكذلك الكنيسة التي كانت تنقل الناس باحافلات و تحضهم علي قول لا كواجب ديني !!!

دعوة الناس براى معين حاجة و الضحك عليهم تضليلهم باسم الدين حاجة تانية خالص

الاعلان اللى فى 20 شخصية مضحكش على الناس و قلوهم صوتو على الاخضر عشان دة لون اهل الجنة مش على الاسود عشان دة لون الشيطان و اعوز بالله من الاسود و الكلام اللى اتقال للناس و اتوزع على البسطاء دة

دعوة الناس بالحجة والاقناع حاجة و دعوتهم بالكذب و التضليل حاجة تانية خالص و لو متعرفش الفرق يبقى انت تؤيد انة يضحك عليك مقابل الحصول على صوتك باى شكل بعد كدة ..

دة فى ناس كانت بتسئل فى الاستفتاء هو مين اللى مرشح نفسة يا جماعة ....طبعا ان اعذر ان دى اول تجربة ديمقراطية حقيقية بدون حزب وطنى و بدون امن دولة و وارد فيها ان دة يحصل فى عدد محدود من الاصوات على سبيل الخطاء .

لكن لا اعذر من استخدم الدين عن تعمد و استخدم السذاجة الفطرية و الايمان الفطرى لدى بعض البسطاء لكسب اصواتهم فى دعم راية وزيادة النسبة المؤيدة لة بالحيلة و بالفهلوة ...

على من فعل هذا ان يراجع نفسة اولا و يستغفر الله على هذا الخداع و التضليل الذي فعلة..

الموضوع: قلت (لا) او قلت (نعم ) نحط ادينا في ادين بعض عشان مصر

LinkBack

أدوات الموضوع

عرض

-

-

-

-

-

-

-

المواضيع المتشابهه

عشان هو دا دينا عشان هي دي بلدنا وعلشان طول عمرنا مع بعض

ايه الحيرة ديه.......ادينا عقلك

مقارنه الاولي من نوعها في نايل موتورز فئات مختلفه4 سيارات كفاءه جامدين ادينا خبرتك

مقارنه شرسه جدا ومحيره كتير جدا خش ادينا خبرتك suzuki sx4 sedan or kia cerato

عشان انت مصري

الكلمات الدلالية لهذا الموضوع

المفضلات

المفضلات

ضوابط المشاركة