حاسس بضعف فى سحب العربية فى الفترة الاخيرة,,,
يا ترى اية ممكن يكون السبب,,,,
هل ممكن يكون علشان مغيرتش فلتر البنزين؟, ولا ممكن يكون حاجة تانية
وعلى فكرة بحس بالضعف اكتر مع التكيف
العربية: لانوس 2005 عاملة 60.000 كيلو
واشكركم جميعا
عرض للطباعة
حاسس بضعف فى سحب العربية فى الفترة الاخيرة,,,
يا ترى اية ممكن يكون السبب,,,,
هل ممكن يكون علشان مغيرتش فلتر البنزين؟, ولا ممكن يكون حاجة تانية
وعلى فكرة بحس بالضعف اكتر مع التكيف
العربية: لانوس 2005 عاملة 60.000 كيلو
واشكركم جميعا
شوف البوجيهات واسلكها غير الفلتر البنزين و نضف فلتر الهوا
فلتر الهواء ممكن يكم الموتور لو مسدود
و ممكن كمان شوف فلر البنزين لو بقالك مدة طويلة ما غيرتهوش او بتسيب التنك لحد ما يفضي
و البوجيهات برضة زي الاخ الفاضل ما قال الحاجات دية مش حتخسرك حاجة كانها صيانة دورية
و ربنا المعين و مش عاوز اقلقك و اقولك رشاشات بس شوف الكام حاجة دول الاول
البوجيهات وفلتر الهوا مغيرهم من حوالى شهرين او تلاتة
راجع عليهم يمكن النوع الي حضرتك حاطة مش تمام او مضروب قبل ما ندخل في العك الجامد الحاجات دية بسيطة و مقدور عليها
و حاجة كمان
حاول تغير محطة البنزين شوف محطة يكون بنزينها نضيف و الناس بتشكر فيها علشان الموضوع دا خلاني كنت حابيع العربية قبل كدا استني لما بنزين التنك يخلص و مول منها
ممكن كمان تستعمل منظف الرشاشات max 44 عشان لو في رشاش عليه واسخة ولا حاجه
وعن تجربه مفيد جدا
ناس كتير او معظمهم بيشكر في ال stp
لتنظيف الرشاشات
يعني يا جماعه دلوقتي هل منظف الرشاشات ده اجراء وقائي ام اجراء علاجي للرشاشات علشان يتم تنظيفها ويبقى سحب العربيه يبقى افضل من الاول ؟,,
وهل يا جماعه لما اجي اغير الفلاتر والبوجيهات وكده اغير معاها سلوك البوجيهات ؟؟؟
وشكــــــــــــــرا ,,,
:)اعتقد انه وقائي
بس ساعات بيكون تخريبي
حضرتك ممكن تراجع موضوع اسمة تاثير منظف الرشاشات فية كلام كتير و مفيد عن الحوار دا
لا طبعا مين قال كدا سلوك البوجيهات ما تتغيرش الا لما تلاقيها مش بتطلع كهرباء للبوجيهات او تنشف او اتعرت تغيرها
شكرا على ردك حضرتك , بس ممكن تقولي الاقي فين موضوع ( منظف الرشاشات وتاثيرها وكده ) في اي قسم بالظبط
ممكن تلاقي المنظفات دي في on the run
طيب دلوقتي الاستاذ " medo 80 " بيقول ما اغيرها الا لما الاقيها مش بتطلع كهرباء للبوجيهات او تنشف ؟!! وحضرتك بتقولي لازم اغيرهم طيب اذا ما غيرتهم عادي يعني هحس بفرق ولا ؟!
افضل يا سيدي
http://nilemotors.net/Nile/showthread.php?t=16113
اما بالنسبة لسلك البوجيهات لو سليم مش حتحس باي فرق لو غيرتة يعني دفعت فلوس و خلاص بس عموما ما اعتقدش انة غالي في حدود يمكن ال 50 او اكترر مش متاكد
شكرا يا استاذ ميدو
انت جبت بوجيهات نوعها ايه؟
ضبط الفتحة بتاعتها ولا لا؟
منظف الرشاشات اجراء وقائى اكتر منه علاجى
MMamdouh
انا الحقيقه بجيب الحاجات حسب بلد التصنيع D: بمعني لما حبيت اشتري بوجيهات الراجل قالي عاوز ( الفرنساوي ولا الياباني ) فقولتله هات الياباني بس فكنت عاوز حضرتك تقولي على انواع حاجات معينه علشان لما اجيبها اكون عارف هشتري اي نوع
في مثلا ( البوجيهات و تيل الفرامل الامامي والخلفي ) باسعار تلك الانواع وبمناسبه البوجيهات حضرتك بتقولي ظبط الفتحه تبعتها يعني ايه ظبط الفتحه ؟!!!! وبعدين فين ناس بتقولي اذا حبيت تخلي سحب وجري العربيه احسن هات بوجيهات Race هتفرق معاك فايه صحه الكلام ده وشكرا يا استاذ م. ممدوح
فى البوجيهات هات الNGK و دول فعلا يابانى و الطقم ب 25 الى 30 جنية للعادى و 55 الى 60 للاتنين شمعة
تيل الفرامل كلة كورى بس احسن نوع هو الجولد و دة ب 50 جنية
ضبط فتحة البوجية هو ضبط المسافة بين الالكترود السالب و الموجب عشان تبقى الفجوة بينهم حسب القيمة اللى مكتوبة فى الكتالوج و هى 0.8 مللى للانوس و 1.1 مللى للنوبيرا و اتلضبط بيتم عن طريق الفلر
http://cache.jalopnik.com/assets/res...08/spks_05.jpg
مفيش حاجة اسمها بوجيهات ريس... لو عايز اداء احسن شوية هات بوجيهات 2 شمعة
MMamdouh
شكرا يا استاذ م. ممدوح
حتلاقى فى الامضاء بتاعى صورة عن منتجات NGK فيها صورة للبوجية 2 شمعة على الجنب اليمين جنب كابلات البوجيهات الزرقاء
البوجية الواحد شمعة زى اى بوجية عادى
MMamdouh
الاتنين شمعة على اليمين:
http://images.highperformancepontiac...plugs+wear.jpg
MMamdouh
بص... فى سايتات كتير لقيت ان الفرق بيبقى فى عمر البوجية مش الاداء و بالتالى البوجية ال2 شمعة بيعيش اكتر
و لما بصيت على بوجيهات split fire لقيت انهم كاتبين ان الميزة فيها ان الطرف السالب مشقوق زى لسان التعبان و دة بيدى موجة الاشعال طريق اسهل للانتشار فى غرفة الاحتراق و تحسين كفائة الموتور
http://www.daten.oliku.de/bilder/splitfire.jpg
لو بصيت على الNGK حتلاقى الالكترودات السالبة جنب الالكترود الموجب و بالتالى برضة مديه ممر مناسب لوجة الاشتعال للانتشار بشكل احسن فى غرفة الحريق و علية يبقى البوجيهات دى بتحسن من اداء الموتور
انت ممكن متحسش بتحسن اداء لو انت رجلك مش تقيلة لكن حتحس بتحسن فى استهلاك البنزين
MMamdouh
سيارتى موديل 2008 و عاملة حوالى 3000 كيلو . منهم حوالى 2000 الأسبوع الماضى فقط و بعدها حسيت بمشاكل السحب و خصوصا مع تشغيل التكيف . و ما زلت مستنى استلام ورقة الضمان من شركة العقاد موتورز عشان اعمل صيانة الألف . يا ترى الأسباب ايه ؟
لو جبت بوجيهات 1 شمعة لازم الفتحة تتظبط على 0.8 مللى
البوجيهات ال2 شمعة ملهاش ضبط
MMamdouh
طيب استخدام البوجيهات الثلاثة شمعة غلط و لا ماشى الموضوع
مش غلط... بس الاتنين شمعة اوفر و حيديك نفس الاداء
MMamdouh
ينفع طبعا تفكهم و تضبطهم
اى ميكانيكى عندة فلر يعرف يضبطهم
MMamdouh
ضعف فى الاداء
MMamdouh
سلك البوجيهات لو متأكل هيخلى العربيه سحبها ضعيف وكمان هيخليها فيها رعشة وانت بتسوق وتحسن انك عايز تدوس بنزين جامد