أنا حبيت أكتب عن الموضوع دا عشان الناس تاخد بالها وربنا يستر على الجميع
كنت راكن عربيتي جنب مطلع كوبري علي الجنب اليمين يعني الباب اليمين ناحية الرصيف في مكان فيه حركة بس في نفس الوقت ممكن حد يستخبي ورا العربية من ناحية الرصيف لو وطي راسه
المهم والكلام دا كان بالنهار ركنت العربية الساعة تقريبا 11 وسبتها ورجعت علي الساعة 7 تقريباً لقيت الأوكرة بتاعة الباب اليمين شبه مخلوعة...واحد ابن حرام ضرب مفك فيها وحاول يخلعها عشان يفتح الباب وغالباً الأنزار ضرب وهو بيحاول أو حد كان معدي فسابها ومشي الحمد لله
الخساير:
الباب مكنش راضي يفتح وفتحت باب السواق بصعوبة عشان السنتر كان قافش
الصاج أتعضعض مكان المفك
الحمد لله رب العالمين أنها جت علي كدا...أنا أستغربت جداً لأني مكنتش سايب أي حاجه في العربية من جوا عشان يحاول يفتحها وكمان مش متخيل أن العربية ممكن تتسرق بالسهولة دي بمجرد ما يفتح الباب بس السمكري قالي هو غالباً كان عايز يفتح الكبوت ويسرق البطارية....مش فاهم هو غبي مخدش باله أنها فيها أنذار ولا قلبه ميت قوي كدا عشان يسرقها بالنهار والناس رايحه جايه؟
المشكلة أن فتحت مقبض باب العربية الفيرنا في الصاج كبيرة فتسمح فعلاً بإن واحد يمد أيده منها ويفتح الباب لو خلع المقبض
خلي بالكم بقا وعلوا الحساس بتاع الإنذار اليومين دوول شوية وربنا يستر علي الجميع