النتائج الأولية للإستفتاء : 79% نعم - 21% لا

**رزق** · 20-03-2011 01:35 PM

آه زعلان إن كفة نعم هي اللي رجحت
بس راضي ومش معترض
إنه حكم الاغلبية

**medo_2060** · 20-03-2011 01:44 PM

شوفوا الفرق الشاسع بين المنصوره والارياف من الدقهليه ..
المنصوره المدينه نتيجه متقاربه مع ان نعم اكتر بس لا اعتراض لان لما تشوف النتيجه زى دى يبقى الطرفين كانوا بيفكروا :

قسم أول :

نعم/ 41023

لا / 35569

قسم ثان:
نعم / 31937

لا / 26911

----------
لكن القرى والعزب واضح انهم شربوا الجرعه كامله .. زى ماتوقعت والله ..
دى بعض القرى والعزب :
اجمالى / نعم / لا / اصوات باطله

ماشاء الله فى قريه كلها قالت نعم ههههههههههههه

**أبو عبدالله** · 20-03-2011 01:53 PM

المشاركة الأصلية كتبت بواسطة cryptonx

ماشي يا جدعان الف شكر :)

تم التبليغ يا ابو عبد الله .. و لو لقيت موبايلك بيشوش او فيه صوت زيادة في الخط .. متخافش ده عادي جدا :)

ماشي يا سيدي
ههههههههههههههههههه

المشاركة الأصلية كتبت بواسطة angeliccore

آه زعلان إن كفة نعم هي اللي رجحت
بس راضي ومش معترض
إنه حكم الاغلبية

أحييك بشده

**نور القمر** · 20-03-2011 02:01 PM

المشاركة الأصلية كتبت بواسطة karim_monir

نسبة متوقعة وبشدة
كفاية قوي العوام واصحاب مبدأ خللي البلد تمشي
يرجحو اي كفة
حاسس انهم لو قالو نعم الشرطة هاتنزل والاقتصاد هايمشي والبورصة هاتنتعش والاراض البور هاترجع وتتهد من وفوقها المباني والبلطجية هايتلمو ووووووووو

يا رب حال البلد ينصلح سواء بايوة او لاء

بالظبط كدة
اختاروا نعم ل 3 اسباب
الاول عشان البلد تمشي والاستقرار
الثاني لمجرد مخالفة رأي الاقباط من غير ما يعرفوا الاقبا عايزين لأ ليه
الثالث خوفا على الغاء المادة الثانية قال يعني احنا كنا ماشيين بالمادة الثانية

**Ahmed Eraqy** · 20-03-2011 02:02 PM

المشاركة الأصلية كتبت بواسطة أحمد كمال

اعترض بشدة على التسفيه من اصحاب الرأي المعارض ....... كده عيب يا كريم

فيه موافقين كتير لا هما عوام و لا هما بتوع خليها تمشي

+1

ياريت نحترم اصحاب الرأي الاخر

**Raul_7** · 20-03-2011 02:06 PM

يا جماعة هو أنا كنت متأكد إن نعم هتكسب بس ايه النسب ديه! 80 و 90% وأرقام غريبة عمال اقراها...كاني لسة في عصر مبارك, ههههههههه.

**أبو عبدالله** · 20-03-2011 02:07 PM

المشاركة الأصلية كتبت بواسطة medo_2060

شوفوا الفرق الشاسع بين المنصوره والارياف من الدقهليه ..
المنصوره المدينه نتيجه متقاربه مع ان نعم اكتر بس لا اعتراض لان لما تشوف النتيجه زى دى يبقى الطرفين كانوا بيفكروا :

قسم أول :

نعم/ 41023

لا / 35569

قسم ثان:
نعم / 31937

لا / 26911

----------
لكن القرى والعزب واضح انهم شربوا الجرعه كامله .. زى ماتوقعت والله ..
دى بعض القرى والعزب :
اجمالى / نعم / لا / اصوات باطله

ماشاء الله فى قريه كلها قالت نعم ههههههههههههه

يا أخي ديمقراطيتك انك تحترم رايهم سواء فاهمين او مش فاهمين
بلاش نبرة ان الناس مش عارفه مصلحتها
فيه ناس والله كتير من العامة بتقول نعم لن رايهها كده وهيا شايفه كده
وده فكرهم كده هنعمل حكر على دماغهم ونقولهم لأ انتم مش بتفهموا صح
هو ده الشعب وهيا دي الأغلبية
عاوزين نتكلم في الحريات يبقى نحترم ده

**W77** · 20-03-2011 02:10 PM

الحمد لله
وربنا يقدم اللى فيه الصالح لبلدنا
ويا ريت الكل يرحب بالنتيجة سواء قال نعم او لا

**أبو عبدالله** · 20-03-2011 02:14 PM

المشاركة الأصلية كتبت بواسطة نور القمر

بالظبط كدة
اختاروا نعم ل 3 اسباب
الاول عشان البلد تمشي والاستقرار
الثاني لمجرد مخالفة رأي الاقباط من غير ما يعرفوا الاقبا عايزين لأ ليه
الثالث خوفا على الغاء المادة الثانية قال يعني احنا كنا ماشيين بالمادة الثانية

طيب خلينا نعرف الأقباط قالو لأ ليه ؟؟؟
بجد علشان نعرف انتي معلوماتك ايه عن الموضوع ده بجد

والثالث خوفا على المادة الثانية فعلا
النظام السابق كان لا يحترم ولا الدستور ولا القوانين ولا كان بيطبقها
طيب لما نيجي نبدأ في عهد هنحترم فيه الدستور وقوانينه اروح اقول اشيل المادة التانيه علشان النظام السابق مكنش مفعلها فعليا
مع ان الكلام ده مش صحيح لأن على الأقل كان ممكن ارفع قضية على اي شئ مخالف للشريعة واي كلام كفري وما شابه وابطله بالقانون مسألة بقه انه كان بيطبق ولا لأ فكفى انه كان بيطبقى بمخالفة للقانون وليس رسميا بقانون
يعني على سبيل المثال هتعملي ايه مع البهائيين والشواذ مثلا لما يطالبو بقوانين رسمية لهم
هيبقى وقتها ايه الحل
بالله عليكم فكروا الأول وأقرأوا الأول يعني ايه المادة التانية من الدستور وعواقب الموضوع قبل ما تهمشوا الرأي ده
متخليش نفسك تتكلم وتهاجم كمان وانت غير ملم بالموضوع ككل
عاوز تتفهم ده شئ آخر اقرأ واسمع وأن شاء الله هتوصل للحقيقة

**medo_2060** · 20-03-2011 02:22 PM

المشاركة الأصلية كتبت بواسطة أبو عبدالله

يا أخي ديمقراطيتك انك تحترم رايهم سواء فاهمين او مش فاهمين
بلاش نبرة ان الناس مش عارفه مصلحتها
فيه ناس والله كتير من العامة بتقول نعم لن رايهها كده وهيا شايفه كده
وده فكرهم كده هنعمل حكر على دماغهم ونقولهم لأ انتم مش بتفهموا صح
هو ده الشعب وهيا دي الأغلبية
عاوزين نتكلم في الحريات يبقى نحترم ده

الموضوع خارج الفهم .. الموضوع ان الناس دى اضللوا بالدين والاستقرار والحكم العسكرى والهجص دا يا استاذى..
وانا كنت والله العظيم فى قريه من الى فى الصوره الى مش عجباك دى وسمعت من الناس اختارت نعم ليه...
كالعاده فى نقاشكم _مع احترامى_ تخرجوا لمواضيع فرعيه زى ما بتقولى كدا ان كتير من العامه بتقول نعم وبتقول اننا هنعمل حكر عليهم وطلعتنى ضد اى حد قال نعم... انا وضحت ان فى المنصوره المدينه نسبه متقاربه واى حد قال نعم بدون توجيه ولا اضحك عليه على دماغى من فوق...لكن الارياف الى قالوا نعم دول اضحك عليهم والعيب على الى ضحك عليهم عشان مصلحته...
ودلوقتى بقى الكلام حريات وديمقراطيات؟؟
كان فين الكلام دا والناس بيضحك عليهم.. كان فين الكلام دا وانتوا بتقولوا للناس انقذ مصر الاسلاميه والماده 2 وقول نعم من اجل الاستقرار وقول نعم عشان البلد تمشى وقول نعم عشان ميجيش حكم عسكرى يطلع عينكم وقول نعم زى الاخون والشيوخ ومتقولش لا زى ساويرس والكنيسه..
ادى شويه مراكز وقرى كمان
لما عزبه 53 بلقاس 1425 منهم واحد بس الى قال لا ....

الموضوع: النتائج الأولية للإستفتاء : 79% نعم - 21% لا

LinkBack

أدوات الموضوع

عرض

-

-

-

-

-

-

المواضيع المتشابهه

النتائج الاولية للاستفتاء

لو حينزل حد معاك للإستفتاء

20 دقيقه في الحرفيين و دي النتائج

اخر النتائج عن الريسورس

الكلمات الدلالية لهذا الموضوع

المفضلات

المفضلات

ضوابط المشاركة