انا الطابور كله كان لا .....يعني عالاقل ال عشر بني ادمين اللي كانوا حواليا
بس سمعت نتايج غريبه طالعه من عندنا .....
بس برده هكيف نفسي على اختيار الاغلبيه
عرض للطباعة
الاستفتاء خلص خلاص
انا كنت مش عاوز اسأل السؤال ده قبل الاستفتاء حتى لا اكون بأؤثر على أحد بطريقة مش مقبولة
اعتقد واضح جدا ان كتير من المسلمين قالوا لا .... ونسبة كبيرة قلوا نعم
لكن السؤال بقى ليه ماشفتش حد من الاخوة المسيحين قال نعم ..... انا فعلا لم اصادف ولا واحد .... لا في النت .... ولا في الواقع
هل معقول انهم كلهم مقتنعين بمبدأ واحد ..... بنسبة 100%
ياريت حد يفهمني علشان انا فهمي بطيء شويتين
محترم لرأي الأغلبية على الرغم من تصويتي بلا
أتمنى يكون الإختيار ده فيه خير لمصر
اسمحلي راد عليك بنفس أسلوبك وهو توجيه الكلام الى الأشخاص وليس رد بالمنطق على الكلام
بما أنك بتتهمني باني بحول الكلام الى فرعيات ولا أعلم فين ده ولكن احب اوضح لك مين اللي بيتكلم في فرعيات
حضرتك نفسك اعترفت ان النسب اللي بتقول نعم في المدن اكتر من اللي بيقول لأ
طيب
المفروض بقه من كلامك ان القرى والأرياف دول أقل فهما او ثقافة من المدن .......... صح
طيب
ازاي بقه بتتكلم على القرى والأرياف أكن المفروض تبقى نسبة لمن يقول لأ والمفروض ان لو مكنش حد أثر على عقلهم واستخف بعقولهم مكنشوش قالو لأ
في حين ان المدن واللي بيفهموا نسبة الأغلبية كانت لنعم برضه
يعني بالله عليك حاول تفكر شويه بدل العصبية لرأي بالشكل ده
وياريت تبطل تهاجم اسلوب شخص بعينه ورد على الكلام بدون تحويل الكلام الى شخصه
عندك وجهة نظر صحيحه اعرضها واللي عنده عقل هيعرف مين اللي بيتكلم في فرعايات ومين اللي بيتكلم ويلف ويدور في حلقة مفرغه وخلاص
ملخص الكلام
لو اللي في المدينة مثقفين ومش زي الهبل اللي بيتضحك عليهم في الأرياف
اذا برضه النتيجة كانت هتبقى نعم للأغلبية في الأرياف لو بيفهموا قياسا باللي في المدينة برضه
هيا الناس مش عاوزه تصدق كده ولا ايه
حاجه غريبه فعلا في المبررات المعلبة دي بجد
يا اخي الــ 1425 شخص دول خلاص مفيش واحد فيهم بيفهم ومش اهبل ومش بيتضحك عليه
بجد اسلوب غريب جدا في التبرير وده ان دل بدل على حاجه واحده بس وهيا التعصب لفكر
رابط المشاركة
http://www.nilemotors.net/Nile/Arabi...t-top-left.gifاقتباسhttp://www.nilemotors.net/Nile/Arabi...-top-right.gifhttp://www.nilemotors.net/Nile/Arabi...ot-by-left.gifالمشاركة الأصلية كتبت بواسطة karim_monirhttp://www.nilemotors.net/Nile/Arabi...t-by-right.gifhttp://www.nilemotors.net/Nile/Arabi...p-right-10.gifنسبة متوقعة وبشدة
كفاية قوي العوام واصحاب مبدأ خللي البلد تمشي
يرجحو اي كفة
حاسس انهم لو قالو نعم الشرطة هاتنزل والاقتصاد هايمشي والبورصة هاتنتعش والاراض البور هاترجع وتتهد من وفوقها المباني والبلطجية هايتلمو ووووووووو
يا رب حال البلد ينصلح سواء بايوة او لاء http://www.nilemotors.net/Nile/Arabi...t-bot-left.gifhttp://www.nilemotors.net/Nile/Arabi...-bot-right.gif
طب انا اعرف ناس كتير قالوا نعم و ليسوا من العوام وليسوا من أصحاب خللى البلد تمشى (ولو ان مبدا خللى البلد تمشى ده مش عيب)
لكن الناس دى قالت نعم لان المجلس العسكرى وضح اكثر من مرة قبل الاستفتاء ان لو النتيجة نعم سيتم عمل اعلان دستورى بالتعديلات للفترة المؤقتة اللى جايه ---- ولو النتيجة لأ برضه حيعمل اعلان دستورى بأحكام عامة للفترة الانتقالية اللى جايه
يبقى الغرض من الاستفتاء ده كان حاجة واحدة فقط التعديلات دى عجباك ولا لأ !!!!!!!!!!!!
وحدش جاب سيرة الدستور الجديد الا فى مرحلة ما بعد انتخاب الرئيس ومجلس الشعب اللى كلنا المفروض نركز فى الفترة الجاية ازاى يكون مجلس شعب محترم
بالظبط كده ولكن الأخوة المسلمين مستغربين ان فيه 1425 واحد كلهم قالو نعم علشان هبل وعبط وهو اللي بيفهم وحكر على كلهم انهم اغبيه ومفيش واحد فيهم عنده اي فكر
يخربيت الديمقراطية اللي بينادو بها
بالظبط كده
والناس اللي اكنت بتخوف الناس وتقولهم قولوا لأ علشان مش عاوزين ترقيع للدستور القديم
ونرد عليهم ونقول يا جدعان مفيش دستور قديم هيرجع المجلس الاعلى للقوات المسلحة قال مليون مره هيبقى فيه اعلان دستوري مؤقت في الحالتين سواء بنعم او لا ودول برضه مفيش فايده يقول لا لترقيع الدستور
طيب ده مش تضليل بالكذب العلني
محدش منا هاجم اللي بيقول كده وقال عليه بيستغفل الناس ليه
طيب بلتوموا على اللي فهم وعرف ورجح للأفضل بنعم
حاجه عجيبه بجد
انا وجهت الكلام الى شخص من تدافع عنه وهم الاخوان والسلفيين(وانا مش بكرههم بس هما غلطوا فى الى عملوه) لكن حضرتك عايز توجه كلام لشخصى وانا لا امثل اى جماعه ولا بتبنى تفكير اى طرف.. عموما براحتك وبرضه حضرتك مردتش على الكلام الى قلته بانهم ضللوا الناس واغتالوا حريتهم ودلوقتى بتقولوا نحترم الحريه..ما علينا ..
ثانيا
هو انا طالبت ان القرى والارياف تبقى نسبه لمن يقولوا لا... انا قلت نعم اكتر فى المدن والارياف لكن لما تشوف المدن لجنه زى بتاع المنصوره 41 الف نعم و35 الف لا ... يبقى معقول الكلام ولا اعتراض ... لكن الارياف لما تلاقى قرى كامله نعم .... ثم بدون ارقام ولا يحزنون دا انا بقولك شفت بعينى كلام الخطيب والمنشورات الى بتتوزع كلها اكاذيب وسمعت كلام الناس الى هتقول نعم هناك و الكلام الاهبل دا رشق فى دماغهم والكلام دا مش سر ولا بقوله لوحدى نفس الكلام حصل فى كل حته ... لانكم بتبرروا التضلليل دا بأى شكل ومقتنعين بأفكار معينه فالنقاش مش هيبقى له قيمه صدقنى ... معلش انا مش هكمل نقاش هنا تانى عشان منلفش فى حلقه مفرغه زى ما بتقول واتعب حضرتك.. وشكرا لتفهمك