يا جماعة انا معايا لانوس 1 موديل 2000 أوتوماتيك
مروحة التكييف كانت شغالة جميع السرعات 1 و 2 و 3 و 4
إمبارح بجرب أعلى التكييف على 3 كان شغال بعلى أكتر لحد 4 لاقيتة مش شغال و المروحة بتفصل
برجعة تانى على 3 أو 2 أو 1 شغال عادى جدا لكن السرعة رقم 4 تفصل وبسمع صوت تكتكة
فى التلبوة من ناحية العدادات لكن مع السرعات 3 و 2 و 1 مافيش صوت تكتكتة
مش عارف أعمل اية ولا العيب منين ؟؟؟
الموضوع بسيط روح كهربائى كويس يشوف ال relay
السرعه رقم 4 فى مروحة التكييف ليها كتاوت لوحدها فى علبة الفيوزات الي بره تحت الكبوت هتلاقيها جنب قربة المياه فى علبه سوداء مكتوب عليه مكان كل فيوز ووظيفته
بتاع السرعة الرابعة مكانو فى صف فيوزات لونها روز او برتقالى
غالبا هو الرابع من تحت ....
دا شكل الفيوز Slow Blow Fuse
http://img245.imageshack.us/img245/7245/81014698oy3.jpg
شكرا يا أخ روميو على ردك بس ياريت تقولى اية اللى relay دة ؟؟؟اقتباس:
المشاركة الأصلية كتبت بواسطة romeeoo
جزاك الله كل خير
شكرا يا أخ تامر على شرحك الرائعاقتباس:
المشاركة الأصلية كتبت بواسطة tamermadi
انا فعلا فتحت الكتالوج ولاقيت رقمة اللى هوة F8 مكتوب جمبية موتور المروحة 4 سرعات
و ان شاء الله هاغيرة .... بس مش عارف أجيبة منين ولا بكام ؟؟
ممكن بعد أذنك تبقى تقولى........... جزاك الله كل خير
اقتباس:
المشاركة الأصلية كتبت بواسطة islamkhidr
حضرتك ممكن تجرب الاول تبدله مع الي تحته بتاع الازاز الكهرباء لو اشتغل تمام يبقى العيب منو
هو موجود عند بتوع قطع الغيار وتقريبا الواحد ب 10 جنيه
وانا تحت امرك
انا عملت فعلا اللى قولت علية ولاقيتة أشتغل :)اقتباس:
المشاركة الأصلية كتبت بواسطة tamermadi
إن شاء الله هانزل اجيب اتنين أخليهم عندى إحتياطى
شكرا ليك جدا
جزاك الله كل خير
انا فى الخدمه يا باشا
الله يكرمكاقتباس:
المشاركة الأصلية كتبت بواسطة tamermadi
شكرا ليك