اشتري بطارية جديدة ايه وكام

**sayed911** · 20-03-2011 01:59 PM

بسم الله الرحمن الرحيم

السلام عليكم ورحمة الله وبركاته

معلش يا اخواني دي اول مرة اتعرض لموقف زي ده بصراحة ولكن العملية بقت في النملية خالص .........
انا نازل النهاردة لقيت قريبتي بتقولي الحقني العربية مش بتدور لقيت العربية بقالها يومين كانت واقفة فبطاريتها تعيشوا نامت العربية بقالها 3 ايام متحركتش قولت هيا عشان كده غالبا قلت بعقلها :D :D :D
البطارية اللي فيها بقالها 3 سنين الحقيقة ملحقتش اشوف نوعها حتى ولا سعتها كام .. بس هية سائلة ..
عشان كده بس ياريت انا بكرة ها اروح اغيرها وها اجيبلها جافة acedelco هل ده نوع كويس ؟ واجيب سعة كام لأني مش عارف وها يبقى سعرها كام ؟؟؟؟
ومتشكر جدا يا جماعة

**Ali_mehrem** · 20-03-2011 02:43 PM

هى العربية ايه اساسا ؟ والبطارية البايظة كام امبير

**sayed911** · 20-03-2011 02:59 PM

هههههه تصدق انا قولت كل حاجة ونسيت فعلا !!!!!!!!!!!!!!اقول العربية ايه :d :d
العربية ميتسوبيشي ex لانسر اعلى فئة ولكم مفيش اي استهلاك كهربائي في العربية يعني ولا سنسور ولا شاشات ولا الهوا هية زي ما هية بالزبط والحقيقة مش عارف اللي باظت كام امبير للأسف !! بس هوة انا اعرف منين انها باظت مش يمكن تكون ميتها قلت بس ؟ ولا هيا كده الله يرحمها !!! هيا بتدي مارش ولكن مارش تقيل جدا ..

**Ali_mehrem** · 20-03-2011 03:15 PM

هى كده كده البطارية عمرها الافتراضى من سنتين لتلاته و من كلام حضرتك هو ده معاد تغيرها فانت هتضطر تشترى واحده جديده و هتكون فى رينج 400 الى 450 و هتبقى جافة و هتديلو بطاريتك القديمة هينزلك 50 جنية فى الجديده و و بالنسبة للماركة انا لسه شارى الهانكوك 62 امبير ب400 جنية و عملت اللى قولتلك عليه و هى كورى و ماركة محترمة

**sayed911** · 20-03-2011 03:36 PM

يعني اروح عامل حسابي في مثلا بتاع 500 جنيه وهية وظروفها ..
ولكن انا نزلت بصت على القديمة لا لقيت عليها ربع ضارب ولا اي حاجة عشان كده شاكك فيها ولكن كده كده هيا فعلا انا عارف انها جابت اخرها بس هيا بتجيب اخرها كده مرة واحدة من غير انذار سابق ولا اي حاجة ؟؟
ولا هيا ادت والبنت مأخدتش بالها ؟؟
وعلى العموم انا ها اسئل على اللي حضرتك قولتلي عليها اولا وها اسئل على الأكيديلكو لأنها جاية مع عربيتي انا وعجباني جدا بصراحة :d :d :d
ولكن مدام حضرتك فاهم يبقى اللي حضرتك قولتلي عليها الهانكوك اكيد افضل ومتشكر جدا لرد حضرتك عليها وعاجز فعلا عن الشكر على المساعدة ..

**mmwwaassffyy** · 27-03-2011 12:22 AM

الاخ الفاضل انا العربية فيرنا والبطارية جافة وفجاة بدون سابق انذار انتهت \\\ البطارية الموجودة 55 امبير \\\وعايز اغيرها الكلورايد والنسر منها جافة ولا مفيش ---- الهانكوك كورى وسعر 55 امبير منها كام وبتتباع فين فى مدينة نصر وشكرا

**titozizo** · 27-03-2011 01:07 AM

السلام عليكم
اخى الفاضل
دور العربيه زق وامشى بيها الاول شويه وجرب تانى تدورها مارش لو دارت تبقى البطاريه مش محتاجه الا شحن
او اخلع البطاريه واشحنها على التونجر عند اى كهربائى وخليه يزود لك ميه البطاريه لو ناقصه

**sayed911** · 27-03-2011 08:16 AM

للإفادة يا اخوان البطارية انا غيرتها وجبت الأكي ديلكو مكانها وداديتله القديمة ودفعت فرق 440 جنيه :d :d
والعربية مكنش ينفع تتزق لأنها اوتو يا اخي ...

**tiger45** · 27-03-2011 10:03 AM

حاول تدور علي فارتا الالماني الجافه لو عيز تريح دماغك

**MEDO84EG** · 05-04-2011 11:12 AM

طب فارتا سعرها ايه
و ايه الفرق بين السائله و الجافه
انا عربيتي بيجو 305

الموضوع: اشتري بطارية جديدة ايه وكام

LinkBack

أدوات الموضوع

عرض

اشتري بطارية جديدة ايه وكام - انشر الموضوع فى :

-

-

-

المواضيع المتشابهه

اسعار اون لاين كل واحد يشترى حاجة جديدة يكتب سعرها وكام وات وجبها منين

بطارية جديدة للبيع

بطارية جديدة

عايز اشتري بطارية

عايز اشتري بطارية تستحمل ؟؟؟

الكلمات الدلالية لهذا الموضوع

المفضلات

المفضلات

ضوابط المشاركة