بركولى يا جماعة على الالنترا بس فى كام حاجة قلقان منها

**aymanshebl** · 20-03-2011 02:10 PM

بسم الله الرحمن الرحيم

الحمد لله ربنا وفقنى و اشتريت الالنترا فى اوائل شهر مارس هى الالنترا 2011 مانيوال المهم و انا راجع بيعها الواد اللى كان سايقها (نظرا لانى كنت لسه ماطلعتش رخصة ساعتها) مشى بيها قرب 120 و ار بى ام 4000 فى بعض اللحظات ( على فترات قصيرة كل فترة حوالى 5 دقائق ) هل ده غلط على العربية و لا عادى المهم تانى يوم و واحد تانى جه علشان الترخيص بتاع العربية و هو لسه طالع من المكان كحت الجانب اليمين فى عمود كهرباء قشر اجزاء بسيطة من البوية مع انها لسه بشوكها و الحقيقة الموضوع ده مزعلنى قوى و بعد مدة لقيت صدا خفيف اعمل ايه اجيب قلم بوية بلون العربية على ما سمعت قبل ده و لا فى حاجة زى اسبرى او معجون لعمل طبقة عازلة علشان الصدا , المهم نسيت اقول لكم ان السنتر مع الانذار علق من تانى يوم و بعديها بكذا بوم اشتغل لوحده و ياريت سوال اخيرا ايه رايكم فى خدمة اليت من غبور و شكرا لكم .

و السلام عليكم و رحمة الله و بركاته

**aymanshebl** · 20-03-2011 07:40 PM

ايه يا جماعة 23 مشاهدة و ما فيش و لا رد طب ماحدش عايز يبارك طيب !!!!!!!!!!!!!!!!!!!!!!!!!!

**osama_ruan** · 20-03-2011 10:04 PM

الف مبروك لحضرتك ربنا يديك خيرها ويكيفيك شرها بس هوة حد ساكن جمبك بيحبك اوي ولا اية

**wisenada** · 20-03-2011 10:43 PM

أولاً ألف مبروك وإذا كانت متأخرة شوية
ثانياً: 120 و 4000 آر بى إم والعربية لسه جاية ده كلام مش كويس والراجل اللى كان معاك مش مهتم بمصلحة العربية .. عفواً إذا كان يهمك بس دى الحقيقة .. وهتعرفها لما تقرا الكتالوج بتاع العربية.

وياريت تمسك الكتالوج تقراه كله بتأنى .. حتى لو على كذا يوم لأنك هتلاقى فيه حاجات كتير قوى مهمة ومفيدة ..

بالنسبة لقلم البوية .. هو حل مؤقت كويس .. بس قبل ما تستخدمة خلى واحد بتاع دوكر يسنفر الحتة المصدية.

بالنسبة للسنتر .. راجع التوكيل عند أول صيانة

دامت لك بالخير

تحياتى
محمد
....

**osama.m** · 20-03-2011 10:51 PM

الف الف مبروك يا باشا وربنا يديك خيرها ويكفيك شرها
بالنسبة للخدش لو فية صدا خلي سمكري يكون نضيف يشيلة و اعملة بقلم بوية و متزعلش يا باشا كويس انها جات في حاجة صغيرة
السنتر اعملة في صيانة ال 1000
في اول 3000 كيلو بلاش سرعات عالية يعني من 70 ل 90

**Mzeid** · 20-03-2011 10:58 PM

الف مبروك على العربية و ربنا يبارك لك فيها
و الاخوة ردوا بشكل كافي فمش هقول حاجة زيادة

**tiger45** · 20-03-2011 11:18 PM

1000 مبروك
ومتزعلش نفسك
قضاء اخف من قضاء

**aymanshebl** · 21-03-2011 05:13 AM

المشاركة الأصلية كتبت بواسطة osama_ruan

الف مبروك لحضرتك ربنا يديك خيرها ويكيفيك شرها بس هوة حد ساكن جمبك بيحبك اوي ولا اية

الله يبارك فى حضرتك و الظاهر انها عين فعلا

المشاركة الأصلية كتبت بواسطة wisenada

أولاً ألف مبروك وإذا كانت متأخرة شوية
ثانياً: 120 و 4000 آر بى إم والعربية لسه جاية ده كلام مش كويس والراجل اللى كان معاك مش مهتم بمصلحة العربية .. عفواً إذا كان يهمك بس دى الحقيقة .. وهتعرفها لما تقرا الكتالوج بتاع العربية.

وياريت تمسك الكتالوج تقراه كله بتأنى .. حتى لو على كذا يوم لأنك هتلاقى فيه حاجات كتير قوى مهمة ومفيدة ..

بالنسبة لقلم البوية .. هو حل مؤقت كويس .. بس قبل ما تستخدمة خلى واحد بتاع دوكر يسنفر الحتة المصدية.

بالنسبة للسنتر .. راجع التوكيل عند أول صيانة

دامت لك بالخير

تحياتى
محمد
....

الله يبارك فى حضرتك و هو الراجل معرفوش بس اللى اتعمل اقصد السير على السرعة ديه يبوظ حاجة و لا ما حصلش حاجة علما بانى لم اتجاوز السرعة دى تانى و شكرا على نصيحة الدهان

المشاركة الأصلية كتبت بواسطة osama.m

الف الف مبروك يا باشا وربنا يديك خيرها ويكفيك شرها
بالنسبة للخدش لو فية صدا خلي سمكري يكون نضيف يشيلة و اعملة بقلم بوية و متزعلش يا باشا كويس انها جات في حاجة صغيرة
السنتر اعملة في صيانة ال 1000
في اول 3000 كيلو بلاش سرعات عالية يعني من 70 ل 90

الله يبارك فى حضرتك و شكرا علي النصائح

المشاركة الأصلية كتبت بواسطة mzeid

الف مبروك على العربية و ربنا يبارك لك فيها
و الاخوة ردوا بشكل كافي فمش هقول حاجة زيادة

الله يبارك فى حضرتك و شكرا

المشاركة الأصلية كتبت بواسطة tiger45

1000 مبروك
ومتزعلش نفسك
قضاء اخف من قضاء

الله يبارك فى حضرتك و الحمدلله على قد كده