ديمقراطية و حرية اه بس مش للدرجة دي

السلام عليكم
من اول ما بدأت الدراسة و لاحظت ان الحركة السلفية ظهرت بوضوح في الكلية بجانب الاخوان ... يعني الاول كنت عارف ان فلان دا اخوان بس السلفيين مكنوش بيبقوا ظاهرين قوي .. كل اسبوع مثلا تشوف واحد .. من بعد الثورة و هما اخدوا راحتهم جدا .. عملوا مكاتب ليهم .. بدأوا يعملوا ورق كدا زي منشورات .. يعلقوا يافتاط .. كل دا تمام و من حقهم و حاجة محترمة
النهاردة و انا على البوابة سمعت صوت حد بيتكلم في ميكروفون .. قلت كلية حقوق عاملة مظاهرات
لما دخلت و سمعت الصوت كويس لقيتة صوت الدكتور حازم شومان ... و اللي لفت نظري عدد السبيكرات اللي في الكلية .. و بعدين عرفت اية اللي بيحصل بالظبط
ندوة للدكتور حازم .. عاملينله منصة عالية كدا و الطلبة واقفة على الارض .. يعني مش في مدرج .. بس المجمع النظري كلة مليان سماعات و عالية جدا .. يكفي اقولك اي مكان هتروحة هتسمع صوت الشيخ عالي جدا .. من اول كلية حقوق لحد اداب
طيب يا جماعة هو كدا ينفع .. طيب الناس اللي عندها محاضرات تعمل اية .. طيب لو حد مش بيحب الدكتور حازم يعمل اية ... طيب اخواننا الاقباط يعملوا
مع اني مش بحب الدكتور حازم ولا بكرهة بس اتضايقت من الموقف نفسة .. انت حر تقفل مكان كامل و تجيب اللي انت عايزة بس متغصبنيش استمع لفكر معين مهما كان الفكر دا اية

انا لا اعرف الدكتور حازم شومان لاذي تحدثت عنه
واختلف معك في ان من حق الجميع العمل السياسي داخل الجامعة ايا كان ما دام لا يخرج عن النظام العام والاداب

واتفق معك تماما في انه ليس من حق احد وضع ميكروفونات تجعل الصوت عالى لدرجة تؤثر على المحاضرات
والله لما بدخل الجامعة بالعربية لا استعمل الكلاكس نهائي حتي لا اشوش على اي محاضرة وافضل ماشي ورا طالب ولا طالبة رخمين معندهمش دم مصممين يمشوا امام العربية وليس على الجانب او على الرصيف اكتر من 50 متر لكن لا استعمل الكلاكس نهائي
يببقي من باب اولي عدم القيام بالتصرف الذي وصفته انت
هناك شعرة بين الحرية والفوضي وما تحدثت عنه ان كان كله صحيحا وكما وصفته تماما يدخل في اطار الفوضي

فتحت على نفسك فتحة

حتلاقى واحد داخل يقولك دلوقتى : مش لو كانت اغانى كنت حتبقى مبسوط

اقتباس:

---

المشاركة الأصلية كتبت بواسطة dr-mohamed

انا لا اعرف الدكتور حازم شومان لاذي تحدثت عنه
واختلف معك في ان من حق الجميع العمل السياسي داخل الجامعة ايا كان ما دام لا يخرج عن النظام العام والاداب

واتفق معك تماما في انه ليس من حق احد وضع ميكروفونات تجعل الصوت عالى لدرجة تؤثر على المحاضرات
والله لما بدخل الجامعة بالعربية لا استعمل الكلاكس نهائي حتي لا اشوش على اي محاضرة وافضل ماشي ورا طالب ولا طالبة رخمين معندهمش دم مصممين يمشوا امام العربية وليس على الجانب او على الرصيف اكتر من 50 متر لكن لا استعمل الكلاكس نهائي
يببقي من باب اولي عدم القيام بالتصرف الذي وصفته انت
هناك شعرة بين الحرية والفوضي وما تحدثت عنه ان كان كله صحيحا وكما وصفته تماما يدخل في اطار الفوضي

---

الدكتور حازم شومان داعية ديني بيظهر على قناة الرحمة و الناس تقريبا
اكيد كل واحد داخل الحرم الجامعي من حقة الاشتراك في الحياة السياسية و دي حاجة متدايقش حد انما اللي دايقني فعلا زي ما حضرتك قلت الفوضى .. حضرتك متتخيلش الازعاج كان عامل ازاي ... المكان اللي قدام القسم بتاعي كان فية 3 ميكروفونات و اصلا ميزيدش عن 100 متر .. ودا كان الحال في المجمع كلة تقريبا

اقتباس:

---

المشاركة الأصلية كتبت بواسطة ahmed4000

فتحت على نفسك فتحة

حتلاقى واحد داخل يقولك دلوقتى : مش لو كانت اغانى كنت حتبقى مبسوط

---

ههههههههههههههه

ممكن و الله

اقتباس:

---

المشاركة الأصلية كتبت بواسطة ahmed4000

فتحت على نفسك فتحة

حتلاقى واحد داخل يقولك دلوقتى : مش لو كانت اغانى كنت حتبقى مبسوط

---

اكيد لا مكنتش هبقى مبسوط طبعا .. على فكرة كانوا بيشغلوا اغاني دينية بس عند ملعب الكورة بس
تخيل كدة حضرتك في قاعة افراح و قاعد جمب السماعات هتبقى عامل ازاي :majd(4):

انا رايي ان الجامعه مكان علم مش ساحه سياسيه

يا احمد يا ام عثمان
اغاني ولا دعاية سيايسة ولا خطبة دينية كل واحد حر لكن لابد من مراعاة ان اسمه الحرم الجامعي
يعني ممنوع الازعاج
ممنوع الصوت العالي
ممنوع الدوشة
لابد من توفير قدر من الهدوء وعدم احداث صخي حتي يمكن استمرار العملية التعليمية بشكل جيد
ولا نقول عايزين نصلح التعليم واحنا بنساهم في تخريب ما تبقي منه ؟؟؟؟؟؟؟؟

طبعا الفوضي شئ سئ جدا
و تصرف مش صح
معلش يا ريت حضرتك تغفرها لهم
و في هذه الفترة الكل مستمد شرعيته من الثورة
و الثورة كانت تغلق الميادين في الكثير من الاوقات
و طبعا كان معهم العذر لانهم كانو بيقاومو النظام
و لكن بعد رحيل النظام ايضا اغلقو الميدان للاحتفال
و اتوقع ان الثورة اعطت شكل للحياة القادمة
فتري الان حضرتك طلبة كتير اوي في كذا جامعة عاملين اضراب و اعتصامات لكي يسقطو العميد مثلا
و ظهر عمال مصانع كذلك بيوقفو العمل للمطالبه بحقوقهم
و هكذا سنظل فترة في نظري بها شوية عشوائية حتي تنتظم مرة اخري العملية
فأرجو ان نغفر لكل الناس زي ما غفرنا سلبيات الثورة حتي و صلنا و الحمد لله لما نحن فيه
و ارجو ان يكون الموضوع لبيان الشئ السلبي فقط

م.حاتم السباعي

يا باشمهندس حاتم احيلك الي حديث الشيخ الشعراوي رحمه الله
نحن الان في مرحلة البناء وليس الثورة
واي فوضي سيكون لها اثار ضارة جدا في المستقبل
وكما فهمت فمن قام بذلك داعية يفترض فيه حسن الفطنة اكثر من ذلك

اقتباس:

---

المشاركة الأصلية كتبت بواسطة tiger45

انا رايي ان الجامعه مكان علم مش ساحه سياسيه

---

++++11111111111111111111 :majd(4):

اقتباس:

---

المشاركة الأصلية كتبت بواسطة dr-mohamed

يا باشمهندس حاتم احيلك الي حديث الشيخ الشعراوي رحمه الله
نحن الان في مرحلة البناء وليس الثورة
واي فوضي سيكون لها اثار ضارة جدا في المستقبل
وكما فهمت فمن قام بذلك داعية يفترض فيه حسن الفطنة اكثر من ذلك

---

لا أعتقد ان الداعية هو الذي يقوم بتركيب وتوزيع السماعات .. وانما تتم دعوته فقط..
هي مسئولية القائمين بالتنظيم ..