دلوقت المجلس العسكري لازم يترك الحكم فورا!!!!!!!!!!!

**mohamed_selim** · 20-03-2011 08:43 PM

سيدى الفاضل بلاش بلبلة افكار علشان كلنا عندنا مخاوف و كانت كتير قوى و من ضمنها اللى حضرتك كاتبه و المخاوف دى كانت قبل الاستفتاء لحد ما اللوا شاهين قال ان فى كلا الحالتين فى اعلان دستورى جديد ... الفرق ان فى حالة نعم المواد المعدله هتكون نواة الاعلام الدستورى بينما ل هتتطلب اعلان جديد (و كان واضح ان معندوش فكره هيبقى عامل ازاى)
دلوقتى بعد نعم منتظرين الاعلان الدستورى فى خلال ايام ان شاء الله مع تعديل قوانين الاحزاب و الانتخابات و قانون مجلسى الشعب و الشورى

راجع الفيديو و الرابط فى الموضوع ده:
http://www.nilemotors.net/Nile/207489-a.html

**م. حاتم السباعي** · 20-03-2011 08:45 PM

رأيي الخاص
ان نكتفي بهذا القدر من التعليقات
لانه تم ايضاح اللبس لصاحب الموضوع
و هوه مع الاسف لم يلتفت للردود التي تريد ان توضح له
ثم هنكمل الردود و نخش من حاجة لحاجة و عنوان الموضوع
لا علاقة له بالمضمون و لا يفيد في شئ
و كل الاحترام و التقدير

م.حاتم السباعي

**tiger45** · 20-03-2011 08:58 PM

المشاركة الأصلية كتبت بواسطة medo_2060

كلنا كنا بنقول ان دستور 71 هيرجع تانى بس لواء من المجلس العسكرى قال هيكون فى اعلان دستورى سواء النتيجه نعم او لا...
بانتظار الخطوه الجايه منهم عشان نعرف ايه الى هيحصل

+11111111111111111111111111
سبونا نفرح ونحتفل بنعم

**aly_hosny** · 20-03-2011 09:32 PM

فعلا لسه قاري من شوية انهم مستنين نتيجة الاستفتاء عشان الاعلان الدستوري هيقف عليها
و في الحالتين الدستور ليس له وجود و دا ال خلاني ابقى متقبل بصدر رحب نتيجة الاستفتاء ايا كانت

**jisso82** · 20-03-2011 09:39 PM

نتمنى يكون الإعلان الدستورى فعلا تفعيل للمواد المعدلة فقط كمبادىء دستورية تحكم الفترة القادمة لأن إعلان تفعيل دستور 71 و عدم تخلى المجلس العسكرى عن الحكم سيبطل الاستفتاء فى المحكمة الدستورية أو سيبطل المواد المعدلة و الدستور ( الله أعلم)

**ecybrarian** · 20-03-2011 10:10 PM

المشاركة الأصلية كتبت بواسطة jisso82

نتمنى يكون الإعلان الدستورى فعلا تفعيل للمواد المعدلة فقط كمبادىء دستورية تحكم الفترة القادمة لأن إعلان تفعيل دستور 71 و عدم تخلى المجلس العسكرى عن الحكم سيبطل الاستفتاء فى المحكمة الدستورية أو سيبطل المواد المعدلة و الدستور ( الله أعلم)

يا رب

**Nistelrooy** · 20-03-2011 10:35 PM

اكيد هما عامليين حسابهم لحاجة زي دي ..

**gebreel** · 20-03-2011 10:48 PM

بص يا هشام باشا

اولا ازي حضرتك و اتمنى تكون لسة فاكرني =)

ثانيا انا في صديق ليا في مجلس الدولة و كان له الشرف في الاشراف على الاستفتاء و سألته ايه اللي هيحصل لو قلنا لأ - الكلام ده قبل الاستفتاء بيوم - قالي هيتم عمل اعلان دستوري من القوات المسلحة قلتله طيب ليه ماتعملش من الاول و الاستفتاء كان عليه قالي

"علشان الاعلان الدستوري لا يتم الاستفتاء عليه" هما كانوا عاوزين بكل بساطة يخلونا نشارك في مستقبل بلدنا لأن في كل الاحوال كان هيتم عمل اعلان دستوري بس الاختلاف كان هيبقى في المواد بتاعة الاعلان ده لأن تخيل حضرتك لو قلنا لأ و قبل الاستفتاء و مش عاوزين المواد دي و جه الجيش حطها في الاعلان الدستوري بالرغم من عدم اعتراضنا على المواد كمواد لكن على اعادة احياء دستور 71 - واللي مش هتقوم ليه قومة تاني ان شاء الله - لكن كانت هتقوم مظاهرات و كلام من ده و ان الجيش بيمارس ديكتاتورية جديدة و قابل الكلام اللي هيتقال

طيب لو الشعب قال نعم و المواد اتحطت في الاستفتاء هتبقى النتيجة ان كل مصر هتلتزم بالاعلان ده و محدش هيقدر يخالف و زي ما كنا بنعلم اللي عاوز يتخطى الطابور الادب هنعلم اي حد عاوز يكسر القانون الادب و بالادب

بس مش اكثر