مش عالنتيجة
لكن
على عدم الذهاب لتقرير مصير بلدك
يعني لو كان الحضور 80 أو 90% كان ممكن
لكن الحضور 18.5 مليون
من أصل 45 مليون ناخب
41.2% حضور
أو بالادق 58.8% غياب..أكتر من النص بشوية
26.5 مليون كسلوا أو انشغلوا يوميها
عرض للطباعة
مش عالنتيجة
لكن
على عدم الذهاب لتقرير مصير بلدك
يعني لو كان الحضور 80 أو 90% كان ممكن
لكن الحضور 18.5 مليون
من أصل 45 مليون ناخب
41.2% حضور
أو بالادق 58.8% غياب..أكتر من النص بشوية
26.5 مليون كسلوا أو انشغلوا يوميها
دى تعتبر نتيجة ممتازة فى اول مرة ديمقراطية
اللى اعرفه ان انتخابات الرئاسة الامريكية الاخيرة لم يتعدى الحضور فيها الـ 60%
اكتر حضور سابق فى اى انتخابات مصريه ان لم تخنى الذاكره موصلش 20% فانت كده عندك زياده عن 100% من السابق ... و لسه ...
كمان خلى بالك ان فى ناس معرفتش تصوت من الزحام و ده يخلينا ننبه ان فى اى انتخابات قادمه لازم تكون على ملراحل علشان الناس كلها تقدر تصوت و الاشراف ميحصلوش انهاك ...
او تصويت الكترونى ان شاء الله
ماشي بس أصْل دي بلد كانت واقفة على استفتاء
امريكا أو أي دولة بتنتخب البلد شغالة عادي
يمكن ده بس عشان أنا كان رحت حسيت إن شعب مصر كله موجود معايا
ولما قريت عدد الحضور النهاردة حسيت إن في حاجة غلط
دي نتيجه ممتازه
الناس اللي مرحوش الاستفتاء اكيد دلوقتي نادمنين انهم مكنوش واقفين في الطوابير اللي كانت في مصر كلها وان شاء الله هيروحوا بعد كده وهيشاركوا بعد اللي شافوه بجد الوجوه اللي كانت واقفة بالاربع ساعات في طابور عشان يقولوا رأيهم عمري مكنت اتخيل اني اشوفها ابدأ بالاصرار ده وكمان ده استفتاء امال في الانتخابات هيحصل ايه احنا كل يوم هنشوف ايجابيات كتيرة تغطي علي السلبيات اللي عشنا فيها سنين .
ماننساش أن فيه ناس كتيرة عايشة بره مصر وأنا منهم
أنا يمكن تصورت إن النسبة قليلة على أول استفتاء -أظن - نعمله في تاريخ مصر
كمان لسة الناس مشحونة بقوة فـتصورت إن عدد أكبر حينزل عشان يدلي بصوته
طب تصدقوا انا هتم 18 لسه فى شهر سبعه اللى جاى
بس انا كنت زعلان انى منزلتش الاستفتاء
اصحابى كانو بيسالونى اذا كنت نزلت ولا لا كنت محرج وانا بقول لا
بس كل شىء نصيب والجايات اكتر
خلي بالك إن ناس كتير بره مصر الشارع بتاعنا لوحده فيه أكتر من ٢٠٪ بره مصر!!!
غير نسبه كبيرة من طلبه ٣ ثانوي الي ليهم صوت كانوا في دروس غير كبار السن الي مقدروش ينزلوا
هو فعلا دي اول مرة لسه يعني كويس انهم نزلو
و ان شاء الله توقعو اكتر من كده بكتيييييييير في الرئاسية و اكتر و اكتر في البرلمانية كمان
و يا رب بلدنا تكون احسن بلد في الدنيا
و تحيا مصر
ياباشا سنة سنة
العربية ما بتطلعش على الخامس
الف مبروك للمصريين و مش مهم مين اللى النسبة بتاعتة اللى كانت اكتر
المهم الكل بيحب البلد
و الكل وقف فى الطابور و هو مبسوط
و الكل ابتدا يحس ان صوتة جاى بفايدة
و الكل يتمنى من الله العبور من عنق الزجاجة بهذه البلد الامنة الامينة
احمد ربنا انها جت لغاية كدة
انت عارف لو النسبة كانت 80% مثلا زي ما كنا بنحلم
كانت بقت فضيحة على الهوا
البطاقات مش كفاية
الحبر مش كفاية
القضاة مش كفاية
الوقت مش كفاية
يعني كان ممكن الاستفتاء يفشل
اعتقد ان الاستفتاء القادم يجب ان يكون على اكتر من يوم
دي ضرورة علشان عدد القضاة يكفي
وكمان علشان النسبة مرشحة للزيادة مع مرور الوقت
41.2 % نسبة كويسة جدا
ايام حسني كانت النسبة الفعلية لا تتجاوز 5% ... وهما كانو بيكملو من عندهم لغاية 15 او 20%
اخر استفتاء كانت نسبة الحضور 5% طبعا الفارق كبير
كمات فيه ناس كتير مقدرتش تنزل علشان ظروف خاصة مثل المرض والسفر خارج البلاد واعتقد دي نسبة مش صغيرة
وفيه تاس كتيرة ذهبت ولكن لم تستطيع التصويت لان مكانش عندهم صبر للانتظار
معلش بكرة اللي جي احلي
انا اعتقد ان كل من استطاع التصويت في الناس اللي اعرفهم ذهب بالفعل وصوت
اما زمان فالنسبة كانت بتتفبرك و لو كانت فعلا 20% فهي من حاملي بطاقات الانتخاب مش من كل من يحقلهم التصويت زي الاستفتاء
انا برضة كان نفسي نكون اكتر . بس تعالي نبص للنص المليان من الكوب
دي سنة اولي حرية .
والمرة الجاية هانكون اكتر
كده تمام قوي ...فيه ناس كتيير مارحتش بسبب الطابور الطويل ..
لو الموضوع كان اسهل شويه ومنظم اكتر .. كان هيبقي عددنا اكتر
بس انا برده عندي احساس ان مصر كلها نزلت :)
حاسس ان احنا مش 80 مليون وديه اشتغاله من النظام السابق علشان يداري علي الكوارث بتاعته :)
بالفعل مطلوب زيادة ايام الاستفتاء و الانتخابات ايضا حتي تستوعب الاعداد الضخمة - انا روحت انا و زوجتي الساعة 8.20 و كان زيادة عن نص الصندوق مليان و نسبة الحضور عالية جدا و توقعت حدوث ازمات في الصناديق و الاستمارات - بس بصراحة كانت مفخرة و انا سعيد جدا بالرغم من اني صوت بلا عشان نفسي في دستور جديد نمشي بيه في اسرع وقت
أنا برضه من كتر الحماس قبل الانتخابات كنت فاكر ان 80% من الناس مثلا هاتنزل يعني حوالي 40 مليون من ال 45 مليون
و لما طلعت 41% نسبة مشاركة حسيت انها قليلة قوي و ماكنتش متخيل من هايقعد في بيته و ما ينزلش في يوم زي ده (خصوصا مع استخدام الدين لحشد الاصوات في الجانبين) و شفت في اللجنة اللي كنت فيها ناس عواجيز جايين من البيت متشالين علي كراسي و كان منظر مؤثر جدا
بس بعد كده لما عرفت ان نسبة المشاركة في الانتخابات الرئاسية الامريكية 60% يبقي احنا نطينا نطة جامدة قوي في اول استفتاء (مش انتخابات) ...حلو قوي 40% و فعلا الشعب المصري يتحسد و اتوقع 80% نسبة مشاركة في الانتخابات الرئاسية لأن اللي ماكانش فارق معاه الدستور أكيد هاينزل يختار رئيسه
و مبروك علينا كلنا
بس عندي استفسار عن النتيجة
يعني ايه الأصوات الباطلة 170 ألف؟
يعني مزورة؟ مش هما قالوا اللي هاينتخب مرتين هايتحاكم محاكمة عسكرية؟ مش معقول تكون في 177 الف محاولة تزوير
في حاجة مش فاهمها...حد يفهمني
حاجة تحزن
انا سعيد بالمشاركة لان دى اول مرة اروح انتخابات و الناس كانت قمة فى التحضر و اللى يوزع زجاجات ميه ع الناس و اللى يوزع بونبونى للاطفال.... كانت حاجة تفرح و مؤكد النتائج القادمة افضل
لما كنت واقف في الطابور ناس وزعت علينا مية و أنا بعد ما خلصت اشتريت مية وزعتها علي الناس..كان في روح جميلة جدا
و كان في ناس عندنا في 6 أكتوبر لازقين علي عربياتهم ورق مكتوب عليه التوصيل للجان الانتخابية مجانا
الناس بعد كده هاتستني الانتخابات كأنها عيد :b4_388:
فى ملايين بره مصر و فى ناس كبيرة فى السن و فى ناس صغيرة و فى ناس فى المستشفى مثلا او عيانة او عندها ظروف او راحت متاخر او او او
و فى طبعا ناس منزلتش , فى ناس فى جهل شديد جدا يعنى مش فاهمين اى حاجة اساسا ممكن ميعرفوش مين مبارك و ليه اتشال
فى حاجات كتييير اوى , النسبة معقولة اوى
انا روحت انا و الحاج مره الساعه 2 ظهرا و لقيت طوااااابير كتير جدااااااااااا و استحاله كان ينفع الحاج يقف الوقت ده كله في الشمس
و مكنتش اعرف انه ممكن يدخل على طول لكن انا مشيت من مجرد المنظر
المره التانيه روح برضو انا و الحاجه الساعه 6 تقريبا و نفس هي هي الطوابير متغيرتش قمت مشيت ببقي و على فكره كنت بلف على 3 لجان في كل مره
------------
بس في الاخر بقي عرفت بعد ما اليوم خلص ان الطوابير دي كانت ناس جايبه كراسي و قاعده عليها دول تبع الناس اللي بتنظم الطوابير و اللي بتوزع مياه و كانوا جايبين كراسي و قاعدين ... وطبعا اللي يجي هيشوف ان الطوابير واقفه و ممتده و طويله و يمشي زي بالظبط
حضرتك احسب ملاين المصرين بلخارج لهم حق التصويت ولكنهم خارج مصر واغلبيتهم الساحقة في عمر التصويت . . . نسبة المشاركة الفعلية اظن تصل ل 80% بعد حذف عدد المصرين بلخارج الي لهم حق التصوين - سنيا - و المصرين بلداخل الي عندة مشاكل صحية او ميقدرش يشارك لاسباب مختلفة وعددهم يصل ايضا لكام مليون
اظن ان المشاركة من العدد الفعلي تصل ل80%