من أحد مؤيدى لا (من قلبى 1000 مبروك لأنصار نعم) و أتمنى تصح رؤيتكم و تخطىء رؤيتنا

**jisso82** · 20-03-2011 09:30 PM

بجد و من قلبى 1000 مبروك لأنصار نعم الذين قالوا نعم بناءا على فكرهم و تحليلهم و قناعاتهم بالتعديلات و تأثيرها المستقبلى و اعذرونى أنى أستثنى من هؤلاء فقط من تلاعب بمشاعر الشعب باسم الدين و الاستقرار و لم يكن منافس شريف فى هذه اللعبة.
1000 مبروك لكل صاحب فكرة أربكتنى و حيرت تفكيرى و جعلتنى أتردد فى قولة لا.
1000 مبروك لأصحاب المنطق القوى الذى كان لا يقل حصافة و تميزا عن منطقنا و قد اعترفت بهذا حتى أثناء اختلافنا.
1000 مبروك و أتمنى من كل قلبى أن تصح رؤيتكم و تخطى رؤيتنا و مخاوفنا لأننا فى النهاية لسنا فريقين بالمعنى و لكننا أبناء هذا الوطن و نيتنا واحدة و هى أن نصل به إلى بر الأمان و كما ذكرت من قبل فى إحدى مشاركاتى لا نريد أن نثبت صحة وجهة نظرنا و لا نتمنى إطلاقا أن تكون صحيحة الآن بل نتمنى بكل صدق أن نكون مخطئين حتى نصل كلنا بسفينة هذا الوطن إلى ما كنا نصبو إليه بهذا الاستفتاء لأننا كلنا على متن نفس السفينة فإما أن تغرق بنا جميعا أو أن تصل بنا جميعا و فى النهاية أنا متقبل النتيجة و أدعو كل أنصار لا أن يتقبلوها و أن يدعو مثلى أن تكون نعم هى الاختيار الأصوب

**Ahmed Sharaf** · 20-03-2011 09:55 PM

فعلاً هي دي الديموقراطية , إننا نحترم رأي الأغلبية ...
ويا رب يكون إن شاء الله الرأي الصواب ويكون فية الخير لمصر ولينا كلنا.
أحيي حضرتك بشدة.

**aly_hosny** · 20-03-2011 10:00 PM

انا شايف انك متباركش للقال نعم بس
مبروك لينا كلنا التجربة ال عشناها
و مبروك لكل واحد قال رايه ايا كان بناءا على افكاره و تحليله مش عشان عمو قالي اقول
و لكل واحد قال اي حاجة و هو "أمعة" اتمنى انه يبدا يفكر تاني و الا هندخل كلناااااااا طريق مسدود

**Dojuar** · 20-03-2011 10:13 PM

انا قلت نعم

بس مش مستسيغ فكرة المباركة

كلنا واحد والموضوع مش ماتش اهلي وزمالك

مكنش في تنافس بيننا اصلا

**bmw3m007** · 20-03-2011 10:18 PM

ربنا يوفقنا و يهدينا للي فيه الخير للبلد ان شاء الله
و يا رب كل الناس تكون زيك تحترم الرأي الآخر و تتقبله انا زعلت جدا لما شفت ناس بتشتم البرادعي رغم اني مش مؤيد ليه بس طبعا بحترم رأيه و في الانتخابات الرئاسية هحترم رأي الاغلبيه و يا ربنا يوفقنا جميعا و نشوف مصر جميلة

**حماده عزو** · 20-03-2011 10:22 PM

أنا مش حابب الكلام بصيغه أحنا وأنتم
يعنى انا قولت لأ
ولكن الأغلبيه قالت نعم يبقا انا مع الأغلبيه وبس
ويارب ده يكون طريق الخير
لكن فى النهايه أجمل حاجه أحساس الواحد بالحريه والديمقراطيه وأن صوتو ليه قيمه
وعقبال كل المرات الجايه