ارجو المساعدة .....في شراء ماروتي 2008

**maak333** · 11-04-2008 09:59 AM

السلام عليكم جميعا...
انا نويت انشاء الله اشتري عربية ماروتي 2008-تقسيط.. وده بعد الكثير من البحث فكنت عاوز بس اعرف المفروض وانا بعاين العربية اتاكد من ايه مثلا او ايه ممكن يبين ان فيها اي عيوب وايه الاوراق اللي المفروض اخدها من المعرض عشان الترخيص وهل بيكون معاها مانويل واستبن وشنطة عده عشان في المعرض اكون عارف ايه اللي المفروض استلمه مع العربية....وشكرا لكم جميعا
أبو مريم......

**SEATLOVER** · 11-04-2008 04:55 PM

راجع اللينك دة يا ابو مريم
http://www.nilemotors.net/Nile/showthread.php?t=19258

وبدام انت يتشترى عربية زيرو مش معقدة و من موزع معتمد ..مافيش داعى تقلق و توكل على الله الماروتى عربية حلوة اوى ..والف مبروك مقدماً

**maak333** · 12-04-2008 01:11 AM

الله يبارك فيك ياباشا وشكرا غلي الردبس انا كنت عاوز اعرف هل في اي اوراق معينة اتاكد منها عشان في المرور ميتحججوش علي اي حاجة انت عارف المرور الايام دي بقي حاجة وحشة اوي.....

**SEATLOVER** · 12-04-2008 01:32 AM

بص يا ابو مريم ...
اهم حاجة جواب المرور .. ودة اللى هاتروح ترخص بية إن شاء الله
وفى مستند الملكية اللى بيقول ان المعرض الفولانى باع لفولان العربية كذا ..
وبيبقى فى افراج جمركى للعربيات المستوردة

بس انا الحقيقة بحاول اساعدك ...لغاية ماحد يكون استلم الماروتى يرد عليك لآن كل عربية ليها حاجات معينة
يعنى الماروتى ساعات بيشيلوا الدواسات منها و يقولك تستلما من التوكيل بعد كدة ومش عارف الضمان بيبقى بعد اد اية و من الوكيل برضو ولا لآ

فياريت يا جماعة اللى استلم الماروتى قريب يقولنا اية اخر حاجة فى المواضيع دى
ربنا يوفقك يا ابو مريم

**mohamed ibiza** · 12-04-2008 02:38 AM

اتوكل علي الله بس مترزعهاش في المطبات خلي بالك من العفشة.................

Ibiiiiiiiiiiiiiiiiiiiiiiiiiiiiiiiiiiiizzzzzzzzzzzz zzzzzzzzzzzzzaaaaaaaaaaaaaaaaa For Ever

**maak333** · 13-04-2008 12:06 PM

شكرا ليكو يا جماعة جدا ومتقلقش يا محمد إن شاء الله هاخد بالي بالنسبة للمطبات وربنا يخليكو لينا بعد ما اجيبها عشان اخوكو ضعيف اوي بالنسبة للميكانيكا....
أبو مريم....