السلام عليكم
لوسمحتوا يا جماعة معروض عليه
عربية ابيزا موديل 1997
1000 سى سى
حالتها كويسة
ممكن اعرف سعرها فى حدود كام
وعايز اعرف هل يوجد عيوب بالموديل ده
وايه اللى اخد بالى منه وانا بتفرج عليها
ارجو سرعة الرد
عرض للطباعة
السلام عليكم
لوسمحتوا يا جماعة معروض عليه
عربية ابيزا موديل 1997
1000 سى سى
حالتها كويسة
ممكن اعرف سعرها فى حدود كام
وعايز اعرف هل يوجد عيوب بالموديل ده
وايه اللى اخد بالى منه وانا بتفرج عليها
ارجو سرعة الرد
ايه يا جماعة محدش رد عليا ليه هوة السؤال صعب للدرجة دى
طيب انا هسهل الموضوع شوية هههههههه
هى معروضة ب 32 الف هل كدة كتير عليها ولا السعر محتاج ينزل
يا ريت يا جماعة الرد علشان رايح اشوفها النهاردة
لو حاله العربيه من جوه تمام يعنى الفرش كويس والتابلوه سليم ومظرها من جوه تمام ومن بره مفيهاش خبطات
واطلع جرب العربيه وشوف سحبها واكشف على الماتور
جرب التكييف شوف العربيه بتسخن ولا
شيك على كل حاجه
وربنا يوفقك فى الشراء
ايه الكماليات بتاعتها
انا عربيتى كنت شاريها من سنه خليجى 1400 مكيفه باور وسنتر
كانت لسه مرشوشه نظافه والفرش مكسى جلد كانت حالتها ممتاز
انا كنت هبعها بس السوق مريح دلوقتى
32 كويس لو العربيه مش محتاجه مصاريف خالص وحالتها من بره ومن جوه ممتازه ويكون الماتور حالته كويسه
هبعتلك رقمى على الخاص
وربنا يوفقك فى الشراء
انا بجد شاكر ليك جدا
وربنا يبارك لحضرتك فى العربية ويحميها من كل سوء
والنهاردة هشوفها واكيد هطمن حضرتك
بس معلش سؤال اخير انا عارف انى تقلت على حضرتك
هل فى حاجة مشهورة فى الابيزا زى عيب
او حاجة خطيرة ومهمة ابص علبها اول حاجة ولا ابص عادى زى اى عربية
وبجد متشكر لذوق حضرتك واهتمامك
جرب العربيه وشغل التكييف لو مكيفه واتاكد انها مبتسخنش
اشهر حاجه الكونصول اللى بيبقى فيه التسجيل ده ضعيف فبيتكسر يبقى بص على التابلوه كله كويس وفرش الباب واتاكد ان مفيش برومه فى الباب من جوه
ولو فى حاجه انا فى الخدمه