بعد "نـعم" للتعديلات الدستوريه... هل عاد دستور 71 مره اخرى ؟؟

اسئله عديده تطرح نفسها بعد اعلان نتيجة الاستفتاء على التعديلات الدستوريه بنتيجه حاااااسمه
و أغلبية الأصوات بالموافقه على التعديلات الدستوريه التي تم ادخالها على دستور 71

- هل عاد دستور 71 ( بالكامل ) للعمل بيه مع التعديلات التي تم ادخالها عليه ؟؟؟

- هل يجوز العمل بالمواد التي تم تعديلها على الدستور, بدون العمل بالدستور كله ؟؟؟

- على أي اساس سوف يتم اختيار الرئيس القادم ؟ بشروط دستور 71, ام بشروط جديده ؟ و كيف ؟

- ما هي صلاحيات الرئيس القادم في ظل الدستور الحالي لحين تشريع و اقرار دستور جديد للبلاد ؟

- في حالة العمل بدستور 71 مره اخرى... ما هو موقف المادتين (المتناقضتين) 77 المعدله و 190 من الدستور ؟

لحيين تعيين مجلسي شعب و شورى جديدين, و تكوين جمعيه تأسيسيه لوضع دستور جديد للبلاد,
و اقرار مواده, و الاستفتاء عليه, و موافقة الشعب المصري عليه, و بدأ العمل به............

- ما هو الدستور الذي يحكم البلاد لحين بدأ العمل بالدستور الجديد ؟؟؟؟؟؟

يا ريت يتم النقاش حول هذا الموضوع بشكل هادئ و ودي بين الاعضاء, لان ده اللي هيحدد ما سيحدث...

اليوم السابع | "الأعلى للقوات المسلحة": الإعلان عن دستور مؤقت خلال 48 ساعة
هيتم عمل دستور مؤقت لحين انشاء دستور جديد

ازيك يا باشمهندس

اللى انا فاهمه هأ اقوله
نعم سيتم العمل بدستور 71 المعطل او الساقط اى كانت التسميه وسيتم أختيار بعد المواد بواسطه المجلس العسكرى من هذا الدستور لا تتعارض مع التعديل الذى تم أقراره و ستكون بمثابه أعلان دستورى
السؤال

1. لماذا لانقوم كشعب بأستكمال اختيار المواد التى ستضاف من دستور 71 لعمل أعلان دستورى؟
2. لماذا لم يتم اختيار هذه المواد مسبقا قبل التعديلات و طرحها على الشعب للأستفتاء ؟
3. لماذا يكون من حق المجلس العسكرى اختيار بعض المواد من دستور 71 الفاقد للشرعيه بدون تدخل مدنى ؟
4. هل هذا حقه كحاكم عسكرى وهل أكتسب هذا الحق بعد التعديلات ؟

اقتباس:

---

المشاركة الأصلية كتبت بواسطة saif3s

ازيك يا باشمهندس

اللى انا فاهمه هأ اقوله
نعم سيتم العمل بدستور 71 المعطل او الساقط اى كانت التسميه وسيتم أختيار بعد المواد بواسطه المجلس العسكرى من هذا الدستور لا تتعارض مع التعديل الذى تم أقراره و ستكون بمثابه أعلان دستورى
السؤال

1. لماذا لانقوم كشعب بأستكمال اختيار المواد التى ستضاف من دستور 71 لعمل أعلان دستورى؟
2. لماذا لم يتم اختيار هذه المواد مسبقا قبل التعديلات و طرحها على الشعب للأستفتاء ؟
3. لماذا يكون من حق المجلس العسكرى اختيار بعض المواد من دستور 71 الفاقد للشرعيه بدون تدخل مدنى ؟
4. هل هذا حقه كحاكم عسكرى وهل أكتسب هذا الحق بعد التعديلات ؟

---

لان كده كده الدستور هيتغير ...والاستفتاء كان على المواد اللى هتشكل المؤسسات الفترة القادمة

انا فعلا الصورة مبقتشي واضحة بالنسبة ليا خاااااااااااالص

أولا اللجنة التأسيسية للدستور القادم ، هتتشكل من داخل مجلسي الشعب والشورى ولا من الخارج ؟؟؟؟

وبخصوص هل هو تعديل أو أعلان دستوري وهيتعطل ولا هيتشغل ، فللأسف ده شئ غير واضح بالمرة ، لأنهم فى البداية كانوا عاملين حسابهم يشغلوة (بدليل حذف المادة 179) وبعد كده لقوا إعتراض فقالوا هنعملة إعلان دستوري

عموما ربنا يستر فى القادم

اقتباس:

---

المشاركة الأصلية كتبت بواسطة م/مصطفى محمود

انا فعلا الصورة مبقتشي واضحة بالنسبة ليا خاااااااااااالص

أولا اللجنة التأسيسية للدستور القادم ، هتتشكل من داخل مجلسي الشعب والشورى ولا من الخارج ؟؟؟؟

وبخصوص هل هو تعديل أو أعلان دستوري وهيتعطل ولا هيتشغل ، فللأسف ده شئ غير واضح بالمرة ، لأنهم فى البداية كانوا عاملين حسابهم يشغلوة (بدليل حذف المادة 179) وبعد كده لقوا إعتراض فقالوا هنعملة إعلان دستوري

عموما ربنا يستر فى القادم

---

يا ريت نعرف خطه واضحة وخطوات محددة للمستقبل خاصة وانه اعلن من قبل انه يوجد خطه لـ (نعم) وخطه لـ (لا)
الأن يجب ان يعلن عن خطة (نعم) ولا نترك نهبا للتخمينات والتوقعات والخيالات والتى ستنتج الكثير من الصراعات مع المزيد من اضاعة الوقت.

1- نعم
2- اعلان دستوري مؤقت "مش العودة لدستور 71"
3-تعديل قوانين الاحزاب والمشاركة السياسة
4-انتخابات برلمانية
5-ترشيح واختيار الجمعيه التاسيسية من قبل مجلس الشعب "مش تعيينها من الجيش"
6- انتخاب رئيس جمهورية
7- الاستفتاء علي الدستور الجديد

----------------
في حالة عدم توافق حالة وشروط مجلس الشعب والشوري والرئيس بعد اعلان الدستور الجديد سيتم حلهم وعمل انتخابات برلمانية ثم رئاسية علي القواعد الجديدة فقط لا غير

عك * عك = عك

اقتباس:

---

المشاركة الأصلية كتبت بواسطة kono

اليوم السابع | "الأعلى للقوات المسلحة": الإعلان عن دستور مؤقت خلال 48 ساعة
هيتم عمل دستور مؤقت لحين انشاء دستور جديد

---

و لو اني مش بثق و لا بطيق اليوم السابع دي.. بس اكيد الخبر ده مافيهوش فبركه او كذب او اي تهريج...

شكراا على الخبر يا باشا...

اقتباس:

---

المشاركة الأصلية كتبت بواسطة saif3s

ازيك يا باشمهندس

اللى انا فاهمه هأ اقوله
نعم سيتم العمل بدستور 71 المعطل او الساقط اى كانت التسميه وسيتم أختيار بعد المواد بواسطه المجلس العسكرى من هذا الدستور لا تتعارض مع التعديل الذى تم أقراره و ستكون بمثابه أعلان دستورى
السؤال

1. لماذا لانقوم كشعب بأستكمال اختيار المواد التى ستضاف من دستور 71 لعمل أعلان دستورى؟
2. لماذا لم يتم اختيار هذه المواد مسبقا قبل التعديلات و طرحها على الشعب للأستفتاء ؟
3. لماذا يكون من حق المجلس العسكرى اختيار بعض المواد من دستور 71 الفاقد للشرعيه بدون تدخل مدنى ؟
4. هل هذا حقه كحاكم عسكرى وهل أكتسب هذا الحق بعد التعديلات ؟

---

ازيك يا استاذ عصام..؟؟ يا رب حضرتك تكون بخير

اسئلتك فعلاً مهمه و لازم يكون قصادنا اجابات وافيه و واضحه عن الخطوات القادمه بالكامل...

هحاول اجاوب على حد معلوماتي المتواضعه...

1- المجلس العسكري هو اللي هيختار باقي المواد اللي هيتم العمل بيها مع التعديلات لعمل دستور مؤقت
حسب ما فهمت من امبارح للنهارده من بعض ما قرأت...

2- المفروض ان ده يحصل فعلاً... بس مش عارف هل هيتم عمل استفتاء على مواد الدستور المؤقت فعلا؟؟

3- والله هو ده اللي كنا بنقوله يا استاذ عصام... بس اظن المفروض تكون مواد جديده خاصه بالدستور المؤقت
لان غير كده يبقى احنا كده بنهزر

4- حسب ما قيل قبل الاستفتاء ان المجلس هيكون بدون استفتاء آخر جمعيه تأسيسيه لعمل دستور جديد
في حالة التصويت بـ(لا)... فلو هو بردو اللي هيحط المواد بتاعة الدستور المؤقت بدون استفتاء دلوقتي
يبقى بصراحه انا شايف ان هي هي, و مافيش اي فرق من اللي كان بيتقال ده خالص

انا شخصياً مقتنع ان مافيش فرق حقيقي بين (نعم) و (لا) غير بعض الاجراءات في حالة نعم و كلها
في مصلحة القوه الموجوده حاليا على الساحه و هي الاخوان... يعني الموضوع مش دين ولا ماده تانيه
لكن هو سياااااسي بحت و الاخوان ليهم اهداف سياسيه من وراء التصويت بنعم, و ده حقهم لان دي سياسه
و هما ماعملوش غير انهم قالوا للناس قولوا نعم, زي ما غيرهم بردو قال للناس قولوا لا... الاثنين سواء

و رأي ان مصلحة الجيش, و الاخوان, و السلفيين, و الحزب الوطني, و آخرين في نفس الاتجاه

ده رأي الشخصي المتواضع من تحليلي للامور...

تقبل تحياتي يا استاذ عصام...

اقتباس:

---

المشاركة الأصلية كتبت بواسطة م/مصطفى محمود

انا فعلا الصورة مبقتشي واضحة بالنسبة ليا خاااااااااااالص

أولا اللجنة التأسيسية للدستور القادم ، هتتشكل من داخل مجلسي الشعب والشورى ولا من الخارج ؟؟؟؟

وبخصوص هل هو تعديل أو أعلان دستوري وهيتعطل ولا هيتشغل ، فللأسف ده شئ غير واضح بالمرة ، لأنهم فى البداية كانوا عاملين حسابهم يشغلوة (بدليل حذف المادة 179) وبعد كده لقوا إعتراض فقالوا هنعملة إعلان دستوري

عموما ربنا يستر فى القادم

---

اللجنه التأسيسيه هتتشكل فعلاً من مجلس الشعب و الشورى بعد الانتخابات القادمه ليهم ان شاء الله

المفروض ان دستور 71 يرجع لان المواد اللي اتعدلت دي كانت جزء منه, و ماغينفعش ناخد من الدستور
دجزء و نسيب التاني... لكن لو هيعملوا اعلان دستوري و دستور مؤقت, يبقى اصلا ايييه لزمة كل
ده من الأول بقى..!!!!!!!! ليه نستفتي على تعديل المواد, و احنا مش هنشتغل بيها, و هنعمل دستور مؤقت..!!!!

مش لاقي اي تفسير اطلاقاً...

اقتباس:

---

المشاركة الأصلية كتبت بواسطة mmolazem

يا ريت نعرف خطه واضحة وخطوات محددة للمستقبل خاصة وانه اعلن من قبل انه يوجد خطه لـ (نعم) وخطه لـ (لا)
الأن يجب ان يعلن عن خطة (نعم) ولا نترك نهبا للتخمينات والتوقعات والخيالات والتى ستنتج الكثير من الصراعات مع المزيد من اضاعة الوقت.

---

فعلاً... عندك حق تماماً... لازم يتم الاعلان عن الخطه الجاهزه في حالة اجماع الأغلبيه على نعم
علشان تكون الامور واضحه للجميع, و نبقى عارفين احنا رايحين على فين بالظبط

اقتباس:

---

المشاركة الأصلية كتبت بواسطة tamatemo

1- نعم
2- اعلان دستوري مؤقت "مش العودة لدستور 71"
3-تعديل قوانين الاحزاب والمشاركة السياسة
4-انتخابات برلمانية
5-ترشيح واختيار الجمعيه التاسيسية من قبل مجلس الشعب "مش تعيينها من الجيش"
6- انتخاب رئيس جمهورية
7- الاستفتاء علي الدستور الجديد

----------------
في حالة عدم توافق حالة وشروط مجلس الشعب والشوري والرئيس بعد اعلان الدستور الجديد سيتم حلهم وعمل انتخابات برلمانية ثم رئاسية علي القواعد الجديدة فقط لا غير

---

جميل جدااااا.... ايه لازمة الاستفتاء الي حصل ده بقى..؟؟؟؟؟؟؟؟؟

طالما هيتعمل دستور مؤقت, يبقى ممكن تكتب فيه المواد اللي انت عايزها,
يعني التعديلات مالهاش اي لازمه فعليه و كل ده اي كلام طبعاً..

ماهو لو قلنا لا... كان هيتعمل بردو دستور مؤقت يحكم البلد, و بعدين هيشكلوا لجنة تأسيسيه
لوضع دستور جديد, و يعدين نستفتي على الدستور و تيجي المجالس النيابيه و الرئيس على نظافه
و دستور جديد محترم و مره واحده و خلاص...

المشكله الوحيده كلنت هتبقى ان الجيش هو اللي هيشكل اللجنه من 100 شخص لوضع الدستور
بدون استفتاء, و ده كان هيدخل الجيش في احتمال عدم قبول الناس لاختيار الجيش, و بالتالي الجيش
احسن ليه ان الناس تقول نعم, علشان تشكيل اللجنه يبقى قانوني من مهام مجلس الشعب و يخلع هو و شكراً

ده تصوري للموقف... بس بردو ده مش مبرر لان كان ممكن جداا يكون في اي مخرج لموضوع تشكيل اللجنه ده...

اقتباس:

---

المشاركة الأصلية كتبت بواسطة misoalex

عك * عك = عك

---

:w6266d

الجمل: إعلان دستوري قريبا يضم المواد المعدلة وأخرى لتغطية متطلبات المرحلة المقبلة
صرح نائب رئيس الوزراء الدكتور يحى الجمل بأنه سيتم قريبا اعداد إعلان دستورى يضم المواد المعدلة ومواد أخرى تغطى متطلبات المرحلة القادمة والمتغيرات التى تعيشها مصر حاليا.
جاء ذلك فى تصريح للدكتور يحى الجمل خلال لقائه بمقر مشيحة الأزهر "الاثنين" مع الامام الاكبر شيخ الازهر الدكتور احمد الطيب.
كما أعرب نائب رئيس الوزراء عن بالغ سعادته للقاء شيخ الأزهر.. وقال: شرفت بلقاء فضيلة الامام الأكبر باعتباره رمزا من رموز الاستنارة الاسلامية في العالمين العربى والاسلامى وان احاديثه فى وسائل الاعلام تفيض بالاستنارة والرأي السديد.
وأشار إلى أنه تم استعراض العديد من القضايا التى تهم مصر فى ظل الظروف الراهنة.
من جانبه أكد الدكتور احمد الطيب ان مشيخة الازهر شرفت كثيرا بهذه الزيارة وان اللقاء كان حول تطورات المرحلة المقبلة ، ومابعد التعديلات الدستورية.. مشيرا الى انه استفاد كثيرا من ذلك اللقاء..وأعرب عن سعادته بتولى الدكتور الجمل منصبا متقدما مثل نائب رئيس الوزراء .

ط§ظ„ط¬ظ…ظ„: ط¥ط¹ظ„ط§ظ† ط¯ط³طھظˆط±ظٹ ظ‚ط±ظٹط¨ط§ ظٹط¶ظ… ط§ظ„ظ…ظˆط§ط¯ ط§ظ„ظ…ط¹ط¯ظ„ط© ظˆط£ط®ط±ظ‰ ظ„طھط؛ط·ظٹط© ظ…طھط·ظ„ط¨ط§طھ ط§ظ„ظ…ط±ط.ظ„ط© ط§ظ„ظ…ظ‚ط¨ظ„ط©