الحمد لله ربنا نجانى ...خمسة كانوا هيثبتونى ..الحمد لله
انا بحكى الموقف والله بدون اى مبالغة ...وقصدى ان الكل يخلى باله قبل مايركب اى ميكروباص
كنت بوقف ميكروباص من ناحية مساكن الزلزال بالمقطم وركبت انا لوحدى وطلع ورايا خمسة ...واحد قعد جنبى وثلاثة ورا وواحد جنب السواق ...وبعدها جه سواق ميكروباص تانى قعد يتخانق مع سواق الميكروباص اللى انا كنت ركبه ...اتارى كان عايز يحذره بطريقة غير مباشرة ...والمهم السواق اتحرك بالعربية ولقيت للى جنبى بيزقنى بطريقة مستفزة ...وفجأة لقيته بيطلع حاجة بتلمع من جيبه مش عارف ايه هيا
بس انا لقيت باب الميكروباص مفتوح وانا جوه مش ناحية الباب ..الحمد لله الحمد لله ربنا الهمنى شوط رجله ونطيت من العربية كنت هقع على وشى ..بس الحمد لله جت سليمة لقيت بعدها سواق الميكروباص اللى كان بيحذرنا بيقولى دول كل يوم يثبتوا عربية شكل ...وبيقولى انا كنت بحاول احذركم ..بس انتم ماكنتوش واخدين بالكم
انا بلغت الشرطة العسكرية بالتليفون وبكرة هعمل محضر ان شاء الله