عندى مشكله فى ميتسوبيشى لانسر 2007 وارجو الرد عليا جزاكم الله خيرا

انا عندى عربيه ميتسوبيشى لانسر 2007 مكنه 1600 عامله 63000 كيلو بقالى كام يوم بحس وانا ماشى ان العربيه حد بيشدها لور مرتين ورا بعض لازم يكونوا شدتين ورا بعض الموضوع دا حصل كذا مره وعلى سرعات متفاوته بمعنى مره وانا على سرعه 20 كيلو ومره تانيه على سرعه 45 كيلو ومره على 80 كيلو والنهارده كنت مسافر وعملتها معايا كذا مره على سرعه 120 و 140 كيلو وبصراحه انا مش عارف ايه دا مع العلم انا بحط بنزين 92 دايما من بنزينه نضيفه وانا كمان مغير البوجيهات بقالها تقريبا اسبوعين واحد صديقى قالى المبينه بس انا بصراحه مش عارف يعنى ايه هى المبينه لان انا ضعيف شويه فى العربيات

العربية مافيهاش مبينه اصلا شوف ايه اخبار فلتر البنزين احتمال منه

موبينه او فيلتر بنزين

الموبينه موجوده ىفوق البوجه و طالع منها سلك للبوجيه التانى يبقى كده شغلت عدد 2 بوجيبه و العدد ال2 بوجيه الاخرين بنفس النظام

ممكن يكون فلتر البنزين لو ما كنتش غيرته حاول تغيره وشوف العيب راح ولا لأ.

السلام عليكم , أنا عربيتى نفس موديل عربيتك وكنت بعانى من نفس المشكلة وغيرت فلتر البنزين وطلمبة البنزين وكشفت عليها فى التوكيل لأن الحظ صادف والعيب مظهرش خالص وأنا هناك لذلك معرفوش المشكلة من ايه لحد ما كنت مسافر والعربية بطلت فجأة وأنا ماشى وحلفت ما تدور تانى نقلتها بالونش على التوكيل وطلع العيب فى حساس الكرنك وغيرته والحمد لله العربية بقت زى الفل .

بكام سعر فلتر البنزين و طلمبة البنزين من فضلك

اقتباس:

---

المشاركة الأصلية كتبت بواسطة moh.fahmy

بكام سعر فلتر البنزين و طلمبة البنزين من فضلك

---

الفلتر الاصلى بحوالى 500 والطلمبة انا غيرتها بواحده يابانى ب260