الحق الحق فضايح اجبار الناس تقول -لا-
طبعا انا كتبت العنوان دة تعبيرا عن مدي سخافة ما يحدث من الجرائد الصفراء والاعلام العجيب المصري لمحاولت فاشلة وغبية للغاية . . . لتشوية اي شئ يرتبط بلاسلام والمسلمين
اولا نصيحتي لكل الاخوة المسلمين الي صوتوا نعم او لا . . . الاعلام المصري خاص وحكومي اغلبة عبارة عن ابواب خلفية لتدمير مصر . . .
ثانيا عيب الي بيحصل كل شوية كلام كذب وتضليل واشاعات و كلام عجيب
الحق السلفين بيكفروا الي بيقولوا لا ( ( ( ( الشيخ الحويني بلمناسبة وهو اكبر واحد العالمنين بيكرهوه قال انا منصحش حد يقول نعم ولا لا وقال انة مش نازل الاستفتاء لان مكونش رؤية كاملة . . . الشيخ محمد حسان قال انا سأقول نعم وأنصح الناس بقول نعم واضاف كل الاحترام للاخوة الي قالوا لا . . . و البيان الرسمي للدعوة السلفية نصحت فية الجميع بقول نعم وقالت انها تحترم اصحاب الرأي لا وانه اختلاف اراء لا اكثر . . مفيش ام اي فيديو ولا دليل واحد مادي علي اي حد قال نعم = جنة ولا لا = كافر . . . وتحددددددددددي . . . حدثت تجاوزات ان في ناس قالك قول نعم دة حلال ولا حرام . . دة تجاوز وحدثت في مسجد اتنين تلاتة لا خليهم 10 من 300 الف مسجد او اكثر !! اية المشكلة !! ))))))
قالك الححححححق الاخوان والسلفين بيوزعوا ورق ويافطات بتقول قول نعم !!! واية المشكلة يا اصحاب العقول ما ورق كتير اتوزع بيقول قول لا بل ان الورق واليافطات الي بتقول قول لا متجاوزة للغاية
1- حاططلك هلال وصليب !! وكئنك قول لا عشان الوحدة
2-كاتب لن نخون الشهداء وعشان دم الشهداء !! وكئن نعم دول رايحين يضيعوا دمهم !!
قالك الحققققققققققققق الاخوان والسلفين بيقلك المسيحين والعالمنين والملحدين بيقولوا لا . . طيب وهما كدبوا مثلا !! الغالبية العظمي من التيارات دية قالت لا !! وزي ما النت و اليفط وناس كتير اساسا من الي قالوا لا راحوا الاستفتاء يقولوا لا عشان مجرد ان الاخوان والتيار الاسلامي بيقول نعم !! وكلنا شفنا ورق و النت مليان الحزب الواطي والتيار الاسلامي بيقول نعم و شوية الاحزاب الكرتون الي ضد فكر الشعب واحلامة وطلباتة بتقول لا !! وفاكرين ان الناس كدة خافت ان التيار الاسلامي والحزب الواطي بكفة رغم ان كتييييييييير من الي قالوا لا اتأثروا بدة
قالللللللك الححححححححححححححححححححححق انصار السنة المحمدية اعلان في الصفحة الاولي صغير مسكين بيقول قول نعم . . . ما ام الجرانين كلها وصفحات كاملة باعلانات من الي فيها صور ممثلين والهجص دة ومتكلفة ملاين بتقول قول لا لا لا وكل يوم وفي كل الجرايد !!!!!!
قاللللللللللك الحققققققققققققققق الاخوان والسلفين بيوزعوا زيت وسكر وشوية فلوس وشوية الي بيقول لا بيعتقلوة وشوية يقلك الي بيقول لا بحاولوا معاة يقول نعم ( طبعا بيحاولوا دية معنها بيناقشوة بكل تحضر وسلمية ) طيب ما عادي ما دي حرية الرأي والتعبير والحاجات الكتير الي كنا بنادي بيها ولا هي حلال للكل وبتيجي عن التيار الاسلامي وبتبقي وحشة !!
قالك طيب لية الشيوخ يقولوا قولوا نعم !! والله الشيخ حر يقول الي عايزة زي ما ساويرس قال قولوا لا وبعت رسايل في موبنيل وزي ما البرادعي قال قولوا لا وعمرو موسي واحمد حلمي وهلما جر . . . الشيوخ ممنوعين مثلا من الكلام !! حرية الرأي والتعبير والدعوة لشئ حلال للجميع وعند الشيخ المسلم خلاص الدنيا وقفت !!!
لا والالعن ان الكنيسة فيديوهات انتشرت في كل حتة بتقول قولوا لا لا لا لا كهنة داخل كنايس بس اية ولا اعلام بتاعنا المنافق اتكلم ولا كئن حاجة بتحصل خالص !!! وعادي والحياة لذيذة !!!
وجالك ناس وشوية جماعات كدة كل واحد يقلك احنا ائتلاف الثورة وانا متحدث رسمي عن الثورة !! وبقول لا والثورة وميدان التحرير بيقولوا لا !! والي قالوا نعم دول خلاص كفروا من الثورة منزلوش الشارع مستشهدش ناس اهلهم من جريانهم من صحابهم !! شغل ديكتاتورية بشعة
ارجوا من كل مصري . . ان لا يترك عقلة للاعلام بتاعنا بكافة انواعة . . . اعلامنا دة هدفة واحد فقط هدم مصر والمصرين
كل الاشعات دية وكمية الكلام الفاضي الخرافي دة . . . الي تجاوز الكلام علي الحزب الواطي وعمايلة . . كان كفيل يطلع مية شكوي و مية فيديو مثبت ومية صورة لكن لا شكاوي لا فيديو ولا صور ولا شئ مجرد كلام كلام كلام كلام !!!! ويوم ما يطلع فيديو ولا اتنين يطلع كذب وتضليل زي واحد مسكين واقف بيفطة مكتوب عليها مين قال نعم اسماء ناس ومين قال لا اسماء ناس موقع تنصيري متطرف قالك بص شوف بيقلك نعم هيدخل الجنة !!! ( ( ( مع ان اعلانات اتعملت عشان تقول لا كلفت مئات الملاين في التلفزيون والجرايد وغيرة والاعلان الشهير بتاع هات خمسة معاك !!! ) ) ) ملاين مصر اولي بيها من السخافة الي حصل بيها كل الاعلانات السخيفة دية عااااااااااااااادي مش مهم !! وواحد واقف بورقة بريئة بكل تحضر مشتمش فيها حد الحوار خلاص اتقلب !!!
اخيرا دة فيديو . . . للمقارنة بين عينة الفيديوهات والتعليقات عليها الي بينشرها مواقع تنصيرية متطرفة وكلها طلعت كاذبة بل وغبية جدا وحتي عنونها استفزازي غير محترم حتي لو كانت حقيقة لأن ببساطة مصر 80 مليون بلطبيعي حصل تجاوز من كل الاطراف وان كنت اري ان طرف لا تجاوز جدا اخلاقيا . .
ودة تعامل السلفين الي ظهروا في الفيديوا مع المتجاوزين لا خطفوهم ولا قتلوهم ولا جلدوهم 800 جلدة رغم انة تجاوز بشع وينم عن اخلاق سيئة للي بيتبعوا هذا الاسلوب
YouTube - ‫ظ…ط.ط§ظˆظ„ط© ظ…ظ†ط¹ ط§ظ„طھط£ط«ظٹط± ط¹ظ„ظ‰ ط§ط±ط§ط، ط§ظ„ظ…طµظˆطھظٹظ†‬‎
المهم قارن الفيديو دة الي حقيقي وعنوانة مهذب متهمش مجموعة معينة مطلعش قال العالمنين الكفرة الملحدين شوف بيعملوا اية والعنواين السخيفة الي بيكتبها البعض وبص ردود الناس علية في قمة الاحترام مش سب وشتيمة وتأليف قصص لا والفيديو في النهاية يطلع غبي ومضلل ومكذوب
في المنتديات الاسلامية انتشرت فيدوهات وصور علي نفس الشاكلة . . . محدش سئل نفسة الناس دية مش عاملة فرح لية ومبتنشرش في كل حتة لية ومش نازلين شتيمة وقلة ادب لية . . ولا الاعلام بيتكلم علي الفضايح دية لية ؟ ؟ ؟ لان ببساطة دية اخلاق الاسلام عندما تظهر علي افعالة
اقسم برب الكعبة في لجنتي في البيطاش الشارع الرئيسي المدرسة الابتدائية كان في واحد منعرفش انتمائة عمال الي يعدي يقول قول نعم قول نعم . . بتوع الدعوة السلفية رحولة وقلولة طريقتك مش كويسة . . واقسم برب الكعبة ان التجاوز الوحيد الي حصل من واحد بيقول للناس تقول لا والناس كرشتة ( ( لانة مرة واحدة بيزعق بصوت عالي الشيوخ مبيفهموش اية فهمهم في السياسة لية يقولنا نقول نعم والناس كرشتة ومحدش اعتدي علية وكمل شغلتة ورا ) ) ) والتجاوز التاني من محل بتاع شبكات عمل يفطة الي يقول نعم خصم 50% ودة لا اخوان ولا سلف ولا اي حزب دة ببساطة واحد بيسلك امورة ولقة اغلب الناس بتقول نعم قال لما اظبط كام بيعة . . .
وكنا علي اول شارع البيطاش قبليها بيوم بليل واقف بكلم ناس الي يقول لا بنتناقش مع بعض وكان واقف اغلب الي واقفين سلفين ومرة واحدة هب واحد مسيحي (محترم جدا رغم ان ريحتة كانت خمور دياقتني شخصيا ) لكنة قعد يتناقش معانا والسلفين بكل احترام بتاع نص ساعة بعدين جاب ورق بتاع لا وقعد يوزع جمبينا علي نفس اول الشارع وعادي خالص وكان الساعة 11 بليل لو حد ساكن هناك ولاحظ علي اول شارع البيطاش
في النهاية . . اقسم بلله انا ما اخوان لأني مبحبش فيهم اشياء زي ساعات بينافقوا علي حساب مبادئهم . . وكذلك شايفهم الفصيل الاكثر خبرة وحنكة سياسية في مصر . . .
وعملت الموضوع دة مش عشان افتح جدل جديد . . بس فقط عشان اقفل جدل قديم . . اوحط تركيز علي حجم السخافة الي الاعلام بيعملها وللأسف احنا بننساق وراها
في النهاية كان هناك تجاوزات من الجميع بلا شك . . ولكنها تجاوزات لا ترقي ابدا الي حد هذا الجدال . . ومن يسوقون هذا الجدال قبل وبعد الاستفتاء في الاعلام . . . وان بعد كدة مننسقش ورا الاعلام الفاسد دة بكل انواعة لأنة ببساطة ولأي حد فاحص للأمور مفيش ولا قناة حكومة او خاصة الا وهي بتسفة عقولنا كا مصرين مفيش ولا قناة بتفتح مشاكل مصرية تخص الامن القومي و تضغط عليها ولو فتحها يفتحها علي حياء لمجرد اضفاء شئ من المصادقية وبدون اي ضغط . . وكل مشاكلة في جرايم وحاجات هبلة والفقر والجوع والمشاكل التي هي نتيجة لمشاكل الامن القومي الداخلية والخارجية . . . وطبعا سب الاسلام والمسلمين بطريقة مباشرة او ملتوية
ارجو ان يكون هذا الموضوع فقط . . حتي ننهي الجدال وان نتعلم ونري الموقف باكملة من نظرة اعمق واشمل !! تفيد في تقدم مصر وتوحيد الصفوف
