محتار بين أوبل فكترا 1998 و أوبل أسترا 2001

**shehabsemary** · 21-03-2011 07:36 AM

انا بجد في حيرة شديدة...في البداية الناس بتخوفني من الأوبل بشكل عام مش بس قطع الغيار بس في إعادة بيع العربية في السوق و قلة الطلب عليها خاصة الأسترا. ثانيا الفكترا عاجباني في قوتها و فخامتها و موتورها بس مشكلتها إن الموديل قديم(في التسعينات) و بعد 10 سنين ممكن أي واحد يشتري فكترا هيلاقيها قديمة في الوقت ده و كمان الموتور هيكون مستهلك. الأسترا هتوفر معايا البنزين و الشكل يعتبر حديث بس ناس قالولي الأسترا فيها سينسورز كتيرة هتكلفك و الفكترا أوسع و مطلوبة أكتر من الأسترا...الإثنين في حدود47 ألف. و شكراااااا

**hazem_salem** · 21-03-2011 09:53 AM

انا معايا أسترا 2001
الحمد لله العربية مريحاني جدا و أعطالها قليلة جدا جدا
أهم حاجة ربنا يكرمك في واحدة حالتها نضيفة

**ashrafnoby** · 21-03-2011 10:19 AM

أهم حاجة ربنا يكرمك في واحدة حالتها نضيفة
بس انا بحب الفيكترا جدا جدا لان معايا 95 وهى كويسه جدا فخمه وقويه

**فادى محمد** · 21-03-2011 11:14 AM

الفيكترا بالنسبه لشركه اوبل موديل اسطوري ويكفي ان انتاجه وقف لان موديلاته موقفه باقي موديلات الشركه ,عربيه قيمتها اعلي من تمنها وليها متعه خاصه في القياده وخاصه في السفر..وعلي فكره كل الالماني سوقه وحش في اعاده البيع ,ربنا يوفقك بس اهم حاجه الحاله العامه علشان ماتكرهش العربيات بشكل عام.

**shehabsemary** · 21-03-2011 08:25 PM

شكرا بجد يا hazem_salem و hellboy و abdoghanm و ashrafnoby على ردودكم الجميلة و ليا الشرف إني أكون واحد منكم و من المالكين للأوبل أكان فكترا أو أسترا حتى لو الناس كلها بتقول بلاش تجيبها ,و على رأي واحد من الأعضاء قال مرة ( اللي يركب الأوبل ...لازم يكون قد الأوبل) بس أنا ليا أستفسارين:
1) اسعار قطع غيار الفكترا 98 و الأسترا 2001
2) موضوع إرتفاع درجة الحرارة و التكييف في الفكترا, سمعت ناس بتشتكي منه في المنتدى.... و ألف ألف شكر

**alnmr79** · 21-03-2011 09:35 PM

[QUOTE=shehabsemary;3873367789]شكرا بجد يا hazem_salem و hellboy و abdoghanm و ashrafnoby على ردودكم الجميلة و ليا الشرف إني أكون واحد منكم و من المالكين للأوبل أكان فكترا أو أسترا حتى لو الناس كلها بتقول بلاش تجيبها ,و على رأي واحد من الأعضاء قال مرة ( اللي يركب الأوبل ...لازم يكون قد الأوبل) بس أنا ليا أستفسارين:
1) اسعار قطع غيار الفكترا 98 و الأسترا 2001
2) موضوع إرتفاع درجة الحرارة و التكييف في الفكترا, سمعت ناس بتشتكي منه في المنتدى.... و ألف ألف
اهلا بيك يا باشا معانا
الاوبل عربية محترمة جدا لانى جبت موديلاتها كورسا هاتش باك وفيكترا ايه وبى واسترا.
من حيث اسعار قطع الغيار هتكون لصالح الفيكترا لو الماتور ال1600 بتاع منصور.
الاسترا ماتورها 1200 سى سى ضعيف عليها جدا وماتورها ايكو تك يمتاز بالهدوء والعزم بس يعيبة غلو قطع غيارة وكثرة حساساتة.يعنى ممكن تجيب جوان يعمله اربع اضعاف ماتور الفيكترا.
ثانيا من حيث درجة الحرارة=ماتور ال1600 للفيكترامفيهوش مشاكل بس ال2000 مشكلة الحرارة مشكلة فعلا_بس بالنسبة للاسترا مفيهاش مشكلات فى الحرارة اطلاقا".
نصيحتى ليك الفيكترا لو عربية صاحبها مش مخليها نقصة حاجة ومش متهانة هتكون افضل من حيث القوة والشكل والوسع وقطع الغيار وربنا يوفقك.

**shehabsemary** · 21-03-2011 09:57 PM

بجد ... الله ينور يا alnmr79 كلام عشرة على عشرة...بس في ناس بتقولي أشتري عربية موديل 2000 مثلا و إنت طالع علشان أعرف أبيعها بعد كده و يفضل البعد عن التسعينات الكلام ده صح و لا لأ... مع العلم إنها مش فارقة معايا بس ممكن تفرق مع الناس