متأسف بس فين المرور ولاد الــ...!!!

النهاردة علي الطريق الدائري و انا رايح شغلي في المعادي و من قبل كارفور لحد مخرج المعادي عربيتين نقل بيجروا مع بعض وسط العربيات الملاكي اللي عاملة زي لعب الاطفال وسطيهم.. ايه رأيكوا ان انا في اول الطريق كنت قدام واحدة فيهم.. علي اخر الطريق ماكنتش ملاحق اوصل وراهم حتي... و المرور و لا هناااااا!!!! نايمين و مستعبطين... اقسم بالله الطريق كان بيهدي و بيقف كل شوية و الاقي عربية نقل فيهم بتكبس فرامل قبل الملاكي بستة متر مثلا!! عربية منهم كملت معايا علي الاوتوستراد و الله لازق في اللي قدامه... العربية دي تبع شركة الاسكندرية للانشاءات - للزفت هشام طلعت مصطفي... انا صورت العربيتين.. قلت يمكن حد يساعد هنا....

ف ق ب 519
مقطورة الاسكندرية 18284

http://i52.tinypic.com/dq1ydl.jpg
http://i54.tinypic.com/wtvxhu.jpg

http://i51.tinypic.com/2193mok.jpg

شكرا لايجابيتك .. بس كمل للاخر و خليك مصري و متحضر و متسبش حد ... و كاامك صح لسه في استعباط من بعض الظباط و هما مكبرين و متنساش اني في العادي و قبل الثوره و الظروف الحاليه موضوع خدمه الطرق و الدوريات مكنشي متفعل اساسا ... ان شاء الله اللوا العسوي يظبطلنا الحاجات دي كلها

حسبى الله ونعم الوكيل

اقتباس:

---

المشاركة الأصلية كتبت بواسطة macdiv

شكرا لايجابيتك .. بس كمل للاخر و خليك مصري و متحضر و متسبش حد ... و كاامك صح لسه في استعباط من بعض الظباط و هما مكبرين و متنساش اني في العادي و قبل الثوره و الظروف الحاليه موضوع خدمه الطرق و الدوريات مكنشي متفعل اساسا ... ان شاء الله اللوا العسوي يظبطلنا الحاجات دي كلها

---

لو انت كنت سايق و اختك او زوجتك ماشيين معاك علي الطريق و النقل بيلاعبهم كده.. كنت ممكن تقف بعرض الطريق و تقتل السواق باللي معاه... باعتذر عن العصبية بس المرور في الطراوة بقالهم شهرين...

مش المرور بس يا احمد الناس كمان همج جدا امبارح بعد طلعه المحور ب 50 متر او اكتر اتوبيس سياحه كبير بيرجع عكسى على الصحراوى علشان يطلع المحور رغم انه لو كمل وعمل يوترن هايطلع من الناحيه التانيه و امين المرور بيحاول يخليه يكمل عالطول والناس بتزعقله وهو منتهى البرود وبيرجع عكسى برده وبيضحك كمان وطبعا الصحراوى واقف من قبل سوليدير بسبب البيه فى الاخر كل اللى الامين عمله هو مخالفه سير عكسى ,لان المشكله فى الناس يعنى لوانت ظابط مرور هاتعمل ايه ماهو لما قالوا يحبسوا السير عكس الاتجاه "رغم ان ده متطبق بره فى قطع الاشارات كمان" الناس قفشت وقالت ايه الهبل ده يبقى اخرك هاتسجل المخالفه وشكرا مش هاتوجع دماغك لانك هاتلاقى ميت واحد يقوللك يابيه كبر دماغك ,اصل بيجرى عالى عياله وامه وعشرين اخ واخت وشغل الشحاته ده ومش بعيد اليومين دول الناس تتلم عليك وتضربك لان مش كل الناس زيك وزينا بتفكر بعقلها وتميز الصح من الغلط

ربنا يهديهم اكتر فئة بخاف منهم على الطريق

ربنا ينتقم منهم هما السبب فى اكتر الحوادث

بلغ الجيش او المرور بنمر السيارات دي والوقت عشان يتربوا في السعوديه بيحصل ده وتلاقي النقل والاتوبيس بيترعب من الملاكي لانه عارف انه بيبلغ عنه

تحياتي وكن ايجابي وبطلنا خلاص سلبيه