الموضوع: العدد الحقيقي للأقباط في مصر

مساء الخير عليكم جميعكم (السلام عليكم جميعا)
انتم فتحتوا الموضوع ده وأنا بصفتى قبطى ممكن اقول رأيي

أولا مصطلح قبطى ده غير صحيح (طبعا انتم عارفين ان قبطى بتعنى مصرى) وكلامكم بيعنى ان المسيحيين هما فقط المصريين وده طبعا كلام غير صحيح

الكنيسة كل فترة من الزمن بتعمل حاجة اسمها افتقاد (يعنى زيارة الاسر المسيحية وتفقد احوالهم وكمان معرفة افراد الاسرة السن الوظيفة ، الدراسة الخ...) حاجة زى التعداد اللى بيعملة الجهاز المركزى

من فترة سألو البابا (وهو طبعا رأس الكنيسة) عن تعداد المسيحيين فى مصر
كانت الاجابة حوالى 12 مليون

طبعا لما تيجى تتكلم عن الرقم ده : اسأل نفسك سؤال
ايهما اصدق البابا ام الحكومة ، خصوصا ان كل فرد من افراد الشعب عنده بطاقة رقم قومى أو شهادة ميلاد مميكنة
والحصول على الرقم الفعلى (خصوصا بوجود خانة الديانة) غاية السهولة والحكومة ترفض الرد

أذن الرقم الفعلى حوالى 12 مليون قد يزيد 10 % او ينقص 10 %

ارجو ان اكون قد امطت بعض اللثام


يسرى جرجس

المشاركة الأصلية كتبت بواسطة atefadel

الموضوع مفيهوش اي حساسية ولا التهابات
يعني لو انا المسيحي الوحيد في مصر
فأنا مصري ومصر علي ان اكون مصري

+111111111111
الحمد لله ان حضرتك رديت عشان انا كنت حاسس ان ممكن أكون اخطأت بفتح الموضوع ده

و انا سعيد ان الاخوة المسيحين مشاركين و بالتالي الموضوع مافيهوش حساسية

و علي فكرة لازم نتكلم شوية بشفافية و صدق في الفترة القادمة و نحاول نزيل الحواجز النفسية بين كل الطوائف و التيارات في مصر

و أي مسيحي طبعا مصري حتي النخاع ده مش مجال للنقاش خالص

المشاركة الأصلية كتبت بواسطة yousryguirguis

انتم فتحتوا الموضوع ده وأنا بصفتى قبطى ممكن اقول رأيي

أهلا وسهلا و أنا سعيد جدا ان الموضوع ما فيهوش حساسية للاخوة الأقباط...و الحاجة الجميلة ان اللي خافوا ان الموضوع يكون حساس كلهم مسلمين و ده بيوضح ازاي ان في احترام من المسلم للمسيحي

المشاركة الأصلية كتبت بواسطة yousryguirguis

أولا مصطلح قبطى ده غير صحيح (طبعا انتم عارفين ان قبطى بتعنى مصرى) وكلامكم بيعنى ان المسيحيين هما فقط المصريين وده طبعا كلام غير صحيح

انا مقتنع جدا بالحكاية دي ان فعلا قبطي تعني مصري و بالتالي انا قبطي مسلم بس الفكرة انها مجرد عادة اتعودنا عليها ان قبطي = مسيحي...زي كده لما نقول علي القاهرة مصر مع ان مصر مش القاهرة بس...بس عمرك ما هاتخلي الناس تبطل تقول انا نازل مصر لما تكون رايحة القاهرة

المشاركة الأصلية كتبت بواسطة yousryguirguis

الكنيسة كل فترة من الزمن بتعمل حاجة اسمها افتقاد (يعنى زيارة الاسر المسيحية وتفقد احوالهم وكمان معرفة افراد الاسرة السن الوظيفة ، الدراسة الخ...) حاجة زى التعداد اللى بيعملة الجهاز المركزى

من فترة سألو البابا (وهو طبعا رأس الكنيسة) عن تعداد المسيحيين فى مصر
كانت الاجابة حوالى 12 مليون

طبعا لما تيجى تتكلم عن الرقم ده : اسأل نفسك سؤال
ايهما اصدق البابا ام الحكومة ، خصوصا ان كل فرد من افراد الشعب عنده بطاقة رقم قومى أو شهادة ميلاد مميكنة
والحصول على الرقم الفعلى (خصوصا بوجود خانة الديانة) غاية السهولة والحكومة ترفض الرد

أذن الرقم الفعلى حوالى 12 مليون قد يزيد 10 % او ينقص 10 %

ارجو ان اكون قد امطت بعض اللثام

بالنسبة للنظام السابق فأنا لا أثق في اي حاجة يقولها و بالتالي لما يقول ان الاقباط 5% او 10% ممكن يكون بيكذب و ده سبب اني ساعات لما كنت اسمع ناس تقول ان المسيحين 15 او 20 مليون أقول لنفسي ممكن يكونوا فعلا بالحجم ده و الحكومة بتشتغلنا عشان كده كان نفسي أعرف العدد الحقيقي

بالنسبة للرقم اللي أعلنته الكنيسة فهو قريب من الحد الأقصي الذي ذكرته بس ممكن الاليه التي يتم بها عمل التعداد من خلال الكنيسة تكون غير دقيقة لانها عملية معقدة جدا و الحكومة بس هي اللي عندها الرقم الصحيح من خلال قاعدة البيانات اللي عندها و ده غير متاح للكنيسة و بالتالي الخطأ وارد