أنا معايا إتش بي بافيليون دي في 6 ..... جهاز رائع وقوي وشغل 24 ساعة لا يتم إغلاقه نهائيا إلا عندما يوضع في حقيبته للتنقل
ولكن عيبه الذي سائني كثيرا وقررت ألا أقوم بشراء إتش بي مرة أخرى كان البطارية ... إبتدت تجيب آخرها بعد أقل من 6 أشهر من الشراء وتم تغييرها في الضمان والجديدة برضه إبتدت تجيب آخرها برضه قبل مرور 6 أشهر أخرى ... وحاليا شغال بيها كده على طول على الشاحن ومجرد ما اشيل الشاحن ممكن ماتقعدش 5 دقايق على بعض وسعرها في التوكيل 900 جنيه ... وسألت بعض زملائي اللى جايبين نفس الجهاز أو الموديل الأعلى منه ولاقيتهم كلهم برضه غيروا البطارية مرة على الأقل في الضمان والجديدة عند بعضهم برضه إبتدت تبوظ
كمان من مميزات الإتش بي معايا إن صوته جبار بصراحة ومعاه ريموت كونترول للتحكم في الميديا سنتر أو برامج الملتي ميديا عموما وده مش موجود في الموديلات الجديدة من إتش بي
بالمقارنة مع الديل الفوسترو .. وهو مع قريب لي ... هو ممتاز ونقاء شاشته أحلى من الإتش بي اللى معايا وإضائته أنصع وأخف في الوزن عنه ولكن يعيبه صوته ضعيف جدا جدا
اقتباس:
المشاركة الأصلية كتبت بواسطة eslam_nagy
انا معايا hp ممتاز مزعلنيش ولا مرة
البطارية اول ما جبته كانت بايظة اتغيرت فى الضمان بدون اى مشكلة ولا زعيق ولا اى حاجة.
عموما الاتنين كويسين مش حتندم فى اختيارك
توكل على الله
طيب غيرت البطارية من إمتى ياباشا وهل الجديدة كويسة ولا برضه أدائها مش جيد