الحل الوحيد امام الحزب الوطني

**mailo** · 21-03-2011 11:00 AM

طبعا كلنا عارفين الوطني "حبايبنا كلنا"
بعد اللي حصل وال ثورة والفضايح بتاعتهم دي
ماقدامهمش إلا حل واحد بس عشان يرجعوا للساحة وبقوة يضمنلوهم الفوز باكتساح ساحق

الحل الوحيد امام الحزب الوطني هو إعلان "محمد حسني مبارك" كمرشح الحزب في الانتخابات الرئاسية القادمة

لإن كل في اللحظة دي هتكون كل أفراد الشعب جاتلها ازمة قلبية وساكتة دماغية أو ارتفاع مفاجئ فالضغط ادي إلى الوفاه وباقي الشعب هيكون فالمقابر ياإما تحت الأرض أو فوقها بيدفين أهله وطبعا احنا عارفين اصوات الميتيين بتروح لمين اخلاصا ووفاء منهم

مش هيفضل إلى نوعين بس من الناس الاولانيين اللي هم بواقي الحزب الوطني والباقيين مجموعة من الناس اصابتها حالة من البلاده والتنباله ودول هيكونوا فالاشارات مسكين العالم وبيقولوا "أنا حسحس وحسحس انا.. أنا اللي مدوخ ال....."

وبكده الحزب الوطني يرجع تاني ويعود الاستقرار وال أمن والأمان لمصر ويتم تحويل ميدان التحرير لنصب تذكاري وتتحط فيه اجندا كبيرة قوي وحولها شوية ناس ماكيت للقلة المندسة

---------------------------------------------
أنا نفسي لما تخيلت كده إن ده ممكن يحصل واللهِ تعبت ودماغي ابتديت تلف شويتين غير تنميل بسيط في اطراف الجسم ومغص غريب وزغلله فالعين وشوية اعراض تانية كده

ومش عارف بقى أكتب إيه تاني فتوكو بعافية

**Medo.Malek** · 21-03-2011 11:34 AM

انا كنت قرأت امبارح خبر على الفيس بوك ان الحزب الوطنى هايرشح علاء مبارك للرئاسة عشان جمال صورته بقت وحشة قدام الشعب المصرى !!
مش متأكد من صحة الخبر طبعا ولا مصدره

**mailo** · 21-03-2011 11:40 AM

المشاركة الأصلية كتبت بواسطة medo.malek

انا كنت قرأت امبارح خبر على الفيس بوك ان الحزب الوطنى هايرشح علاء مبارك للرئاسة عشان جمال صورته بقت وحشة قدام الشعب المصرى !!
مش متأكد من صحة الخبر طبعا ولا مصدره

أنا بقى شفت الجروب ده وعملت موضوع بيه هنا فالمنتدى والموضوع اتقفل للمخالفات اللي فيه
ومن كتر الناس اللي راحت أوضة الفران بسببه