الموضوع: الإخوان ممكن يعملوا إيه تاني علشان الناس تطمن؟؟؟

بغض النظر عن خبر حضرتك
للاسف الشديد بعد ما ظهر علينا ناس من اللى بيقولوا على نفسهم مثقفين ومدعى الديمقراطية وقالوا مش عايزين ديمقراطية لأن البرلمان القادم سوق يتكون من الاخوان وفلول الحزب الوطنى تبعهم الكثير بدون تفكير فالحزب الوطنى لم يكن حزبا بل مؤسسة حكومية لحشد التاييد للحكومة فى مقابل الحصول على منفعة خاصة وهذه المعادلة انهارت بعد ان كانت قائمة منذ الاتحاد الاشتراكى، وبعد رجوع مقرات الحزب للدولة كما اتمنى لن يجد القائمين على هذا الكيان اى ارث قابل للتقسيم.

وللاسف الشديد أيضا الاخوان هم القوة الوحيدة الفاعلة على الأرض حتى الآن، والباقيين اكتفوا بالتنظير والظهور فى البرامج واطلاق لفظ مثقفين على انفسهم، فلم نسمع حزب مدنى سعى إلى مبادرة للحوار مع الشباب المسيحى حتى الآن.
الأحزاب القديمة ايه حجتها مستنيين ايه علشان يشتغلوا
الاحزاب الجديدة سوف يتم تكوينها بالاخطار طيب عايزين نشزفكوا بتتحركوا فى الشارع مش مكتفيين بالفضائيات وتصريحات على الانترنت
انا اتمنى ان الانتخابات تبقى فى سبتمبر علشان الاحزاب تشتغل فعلا لو فضلوا قافلين على نفسهم وعايزين ياجلوا الانتخابات هنروح فى داهية، لازم ينزلوا انتخابات ويتنافسوا علشان يكبروا ويتعلموا سياسة وكل حزب يعرف وزنه الحقيقي

لو عايزين ينجحوا لازم يشوفوا الناس متخوفين من ايه منهم ويحاولوا يغيروها فعلا وميعملوش زى الحزب الوطنى ويبصوا من فوق ويفضلوا يدافعوا وخلاص كل من يهاجمهم

- مطلوب يبينوا انهم مع الديمقراطية حتى داخلهم -يعنى ايه مينفعش حد من الجماعة ينضم لاى حزب تانى!!!!!!-

-محتاجين يثبتوا على راى علشان الناس تثق فى كلامهم وووعدهم (مش حنعمل حزب....حنعمل حزب - الموافقة واجب شرعى...لا مقلناش كده - المعترضون يتلقون تمويل امريكى ....لا مقلناش كده - لن نرشح الا ثلث مجلس الشعب...الجماعة جتجتمع وتحدد عدد المرشحين!!! - واخيرا لن نرشح حد للرئاسة والله اعلم بعد شوية حنسمع مين مرشح الجماعة للرئاسة)


- محتاجين يفصلوا صراحة ووضوح بينهم وبين الاسلام فهم ليسوا ممثلين (وحيدين) له ومن لا ينتمى اليهم ليس كافر ولا اقل وطنية لان ده اكتر حاجة بتنفر الناس منهم

-يقتنعوا انهم بمرشدهم وبرموزهم كلهم اشخاص عاديين وبالتالى يمكن نقدهم بكل سهولة من غير منلاقى هجوم عدائى يمتلئ بكمية لا باس بها من السباب على من جرؤ وانتقدهم)

- واخيرا فان ابسط قواعد الديمقراطية انك تفهم ان غير ايضا يريد مصلحة الوطن ولست وحدك علشان جملة المرشد ان الاخوان يملكون الماء الطهور لتطهير البلد!!!!!!!

لو فكروا فى بعض هذه المخاوف وتعاملوا معها بقليل من الايجابية ساعتها الناس حتبدا تطمن فعلا

المشاركة الأصلية كتبت بواسطة fepsceasar

بغض النظر عن خبر حضرتك
للاسف الشديد بعد ما ظهر علينا ناس من اللى بيقولوا على نفسهم مثقفين ومدعى الديمقراطية وقالوا مش عايزين ديمقراطية لأن البرلمان القادم سوق يتكون من الاخوان وفلول الحزب الوطنى تبعهم الكثير بدون تفكير فالحزب الوطنى لم يكن حزبا بل مؤسسة حكومية لحشد التاييد للحكومة فى مقابل الحصول على منفعة خاصة وهذه المعادلة انهارت بعد ان كانت قائمة منذ الاتحاد الاشتراكى، وبعد رجوع مقرات الحزب للدولة كما اتمنى لن يجد القائمين على هذا الكيان اى ارث قابل للتقسيم.

وللاسف الشديد أيضا الاخوان هم القوة الوحيدة الفاعلة على الأرض حتى الآن، والباقيين اكتفوا بالتنظير والظهور فى البرامج واطلاق لفظ مثقفين على انفسهم، فلم نسمع حزب مدنى سعى إلى مبادرة للحوار مع الشباب المسيحى حتى الآن.
الأحزاب القديمة ايه حجتها مستنيين ايه علشان يشتغلوا
الاحزاب الجديدة سوف يتم تكوينها بالاخطار طيب عايزين نشزفكوا بتتحركوا فى الشارع مش مكتفيين بالفضائيات وتصريحات على الانترنت
انا اتمنى ان الانتخابات تبقى فى سبتمبر علشان الاحزاب تشتغل فعلا لو فضلوا قافلين على نفسهم وعايزين ياجلوا الانتخابات هنروح فى داهية، لازم ينزلوا انتخابات ويتنافسوا علشان يكبروا ويتعلموا سياسة وكل حزب يعرف وزنه الحقيقي

الله يفتح عليك
مايتحركو بقه ماحدش ماسكهم ونفسنا يظهر منافسين حقيقين على أرض الواقع في الشارع السياسي فعلا وليس قول وهجوم بالسلب على الأخوان(منافسة شريفة) هاتكون في مصلحة مصر.

قبل الاستفتاء بكام يوم طلع الاخوان بمبادرة

مفادها الحوار مع بقية الاحزاب و التيارات , وعلى اساس نجاحها يمكن الوصول لاتفاق على قائمة موحدة لجميع التيارات ومن ثم تدعيمها في الانتخابات المقبلة.

طبعا معظمهم رحب بالمبادرة