مشكلة في الجيتز .. برجاء المساعدة

**mada_76** · 21-03-2011 11:50 AM

العربية وانا ماشي بتبطل فجاة كانها قطعت بنزين . وبحاول اقعد ادور فيها مش عايزة تدور .
بتدور مارش لكن الموتور مش عايز يدور . والبوجيهات لسة مغيرها والعربية مش متلتة ولا حاجة وكل حاجة سليمة والزيت متغير .
بفضل احاول حوالى 10 دقايق وبعدين الاقي العربية دارت ورجعت تاني زي الفل . عملتها معايا مرتين على الطريق الدائري وبصراحة خايف تعملها معايا بليل خصوصا في الايام اللى احنا فيها دي .
روحت اكشف عليها بس المشكلة اني لما بروح مركز الخدمة بتكون العربية كويسة وبيحطوها على الجهاز بس الجهاز مش بيطلع اي مشكلة .
هما شاكين في طرمبة البنزين . يا ترى الكلام ده صح ولا ايه ؟
شكرا للاهتمام

**HeMa_LanCeR** · 21-03-2011 11:54 AM

صح مليون في الميه :))

**mada_76** · 21-03-2011 12:15 PM

المشاركة الأصلية كتبت بواسطة hema_lancer

صح مليون في الميه :))

يعني اتكل على الله وانزل اجيبها واخليهم يغيروها وماستناش شوية لما اتاكد ولا ايه ؟

**EslaM_NagY** · 21-03-2011 12:28 PM

اظن انها طرمبة بنزين
بس مش عارف ممكن تتاكد منها ازاى !

**mada_76** · 21-03-2011 12:33 PM

المشاركة الأصلية كتبت بواسطة eslam_nagy

اظن انها طرمبة بنزين
بس مش عارف ممكن تتاكد منها ازاى !

هي دي المشكلة
اتاكد منها ازاي ؟
لما روحت المركز وصلوها بجهاز كده بيقيس الضغط وكانت القراءة زي الفل.
لازم يكونوا موصلين الجهاز ساعة لما العربية تبطل وتكون الطرمبة مهنجة . ساعتها هايقدر يعرف
يعني لازم افضل مقعد الميكانيكي ورا على الكنبة ويكون موصل الجهاز ومستعد لاي ظرف
يعني ممكن استضيفه في العربية بتاع اسبوع كده
مشكلة والله

**HeMa_LanCeR** · 21-03-2011 12:34 PM

ماهي دي بقي العيوب اللي مش بتتعرف بسهوله
يعني انت ممكن تجيبها وتغيرها ويطلع العيب مش منها
بس لازم تتغير علشان تتأكد
يا اما بقي لما العربيه تعملها معاك تنزل تفك الخرطوم بتاع البنزين اللي رايح للموتور وبتدور
لو طلع بنزين يبقي شغاله

**exact** · 21-03-2011 09:03 PM

حصل عندي فالسويفت نفس الموضوع
كنت امشي بالعربية فل واول ما اعوز اقرص تروح مبطلة
والطرمبة سليمة زي الفل
طلع العيب منين بقى
طلع العيب من الفيشه اللي تحت الشلتة بتاع الكنبة الورانية...قصيتها ووصلت السلك وشيكارتون
بقت زي الفل...
ياريت تعرفني عملت ايه

**mada_76** · 21-03-2011 11:35 PM

المشاركة الأصلية كتبت بواسطة exact

حصل عندي فالسويفت نفس الموضوع
كنت امشي بالعربية فل واول ما اعوز اقرص تروح مبطلة
والطرمبة سليمة زي الفل
طلع العيب منين بقى
طلع العيب من الفيشه اللي تحت الشلتة بتاع الكنبة الورانية...قصيتها ووصلت السلك وشيكارتون
بقت زي الفل...
ياريت تعرفني عملت ايه

اشكرك لاهتمامك اولا
بس انا عندي الموضوع مختلف . يعني مالوش توقيت معين ولما بقرص على العربية عادي برضه مافيش مشكلة .
في واحد ميكانيكي قالي على فكرة كويسة انه اجرب امشي والتنك تحت الربع يعني تكون قربت تشطب بنزين لان في الحالة دي بتكون الطرمبة في اقصى قوة سحب ليها ولو الطرمبة ضعيفة هايظهر العيب بوضوح فانا حاليا محافظ على التانك مليان علطول لغاية اخر الاسبوع بس كده وهابدأ افضيه واجرب بقى وربنا يسهل واكيد هابلغ الجميع بالحل .

**exact** · 22-03-2011 10:19 PM

المشاركة الأصلية كتبت بواسطة mada_76

اشكرك لاهتمامك اولا
بس انا عندي الموضوع مختلف . يعني مالوش توقيت معين ولما بقرص على العربية عادي برضه مافيش مشكلة .
في واحد ميكانيكي قالي على فكرة كويسة انه اجرب امشي والتنك تحت الربع يعني تكون قربت تشطب بنزين لان في الحالة دي بتكون الطرمبة في اقصى قوة سحب ليها ولو الطرمبة ضعيفة هايظهر العيب بوضوح فانا حاليا محافظ على التانك مليان علطول لغاية اخر الاسبوع بس كده وهابدأ افضيه واجرب بقى وربنا يسهل واكيد هابلغ الجميع بالحل .

مع احترامي للميكانيكي اللي قال لك الكلام ده انا ليا تحفظات جامده جدا...لأن الطرمبة ملهاش دعوة بملو التانك او فراغهوهي كده كده بتسحب من التانك من تحت...جرب كلامي وراجع الفيش بتاعها والفيوز والريلاي(الكتاوت) وغالبا هتلاقي مشكلة فيهم

**mada_76** · 24-03-2011 10:11 AM

المشاركة الأصلية كتبت بواسطة exact

مع احترامي للميكانيكي اللي قال لك الكلام ده انا ليا تحفظات جامده جدا...لأن الطرمبة ملهاش دعوة بملو التانك او فراغهوهي كده كده بتسحب من التانك من تحت...جرب كلامي وراجع الفيش بتاعها والفيوز والريلاي(الكتاوت) وغالبا هتلاقي مشكلة فيهم

فعلا كلامك صح لانه لما فكيت الطرمبة اكتشفت انها بتكون واصله لغاية قعر التانك فإذن ملهاش علاقة بملو التانك ولا يكون فاضي .
انا الحمد لله غيرت الطرمبة وجبت واحدة اصلي بـ 800 جنيه وركبتها والحمد لله العربية ماشية كويس لغاية دلوقتي وماظهرش اي عيب من العيوب اللى كانت بتظهر قبل كده . ربنا يسهل ان شاء الله ويكون العيب اختفى كده .

الموضوع: مشكلة في الجيتز .. برجاء المساعدة

LinkBack

أدوات الموضوع

عرض

مشكلة في الجيتز .. برجاء المساعدة - انشر الموضوع فى :

-

-

-

-

-

-

-

-

-

المواضيع المتشابهه

مشكلة في الجي ام, و برجاء المساعدة

عندي مشكلة ( برجاء المساعدة )

مشكلة فى الافيو..برجاء المساعدة

عندى مشكلة فى عداد rpm برجاء المساعدة

عندي مشكلة في صني برجاء المساعدة

الكلمات الدلالية لهذا الموضوع

المفضلات

المفضلات

ضوابط المشاركة