السلام عليكم ورحمة الله وبركاته
كنت عايز اسالكم عن غسالة اطباق كويسة اشتريه ل 8 افراد ايه احسن نوع فى السوق فى شارع عبد العزيز و بكام علشان ما ينضحكش عليا و افاصل فى قد ايه ؟و حاجه تانيه هى وزنها تقيل؟ وشكرا
عرض للطباعة
السلام عليكم ورحمة الله وبركاته
كنت عايز اسالكم عن غسالة اطباق كويسة اشتريه ل 8 افراد ايه احسن نوع فى السوق فى شارع عبد العزيز و بكام علشان ما ينضحكش عليا و افاصل فى قد ايه ؟و حاجه تانيه هى وزنها تقيل؟ وشكرا
انا جبت وايت ويل المتوسطة اللي هية مقاس 45 سم ب 1850 السلفر و بتاخد دورين حلل و اطباق و كل حاجة بس بصراحة حلوة جدا و بتشيل اي دهون. في الحجم الكبير بس معرفش بكام الصراحة
مش فاكر صناعتها اية بالظبط عشان مفتيش اول ما اروح هاشوفها و ارد عليك. بالنسبة للصيانة لسل مكملتش شهر
فى انواع كتيرة فى السوق ومعظمها كويس أنا عندى هوفر صناعة ايطالية وهى و الحمد لله كويسة جدا بس خلى بالك انه لا يتم غسيل الومنيوم فى كل غسالات الاطباق كما ان بعض الاوانى بيتكتب عليها انها لا تصلح للغسل فى غسالة او جلاية الصحون. كمان تعتمد جودة غسيل الصحون على مدى وكمية ودرجة جفاف الدهون و ايضا نوع المسحوق هام جدا. وبعد اللى انا كتبته ده حاسس ان انا عضو و بكتب فى منتدى فتكات
العفو لا شكر ولا حاجة. أنا جبتها من كارفور ب 3800 جنيه - جنيه ينطح جنيه :_Alshmokh08[1]:- وفيه حاجات ارخص وفى حاجات أغلى. طبعا مش هقدر اقول على قطع الغيار لأنى والحمد لله لم أحتاجها الى الأن بس أنا أعرف ان هوفر ليهم مراكز كتير فى الصيانة كمان الغسالة تبع العبد.
ايه توارد الافكار ده
انا داخلة بعمل سيرش لقيت الموضوع بتاريخ اليوم
ياريت لو حد عنده اقتراحات تاني عشان عايزة اجيبها في اسرع وقت
عندى الفريش من 2007 جميله وشغلها كويس
لكن هبا بتعتمد على كذ ا حاجه
1- كميه الأطباق الى هتتغسل (يعنى غساله الأطباق مش أقتصاديه مع العرسان تصلح لأسره أكثر )
2- نوع المسحوق و الزيت المستخدم (تكلفه فى حدود 30 جنيه لعيوات متوسطه الحجم تكفى شهر تقريبا )+ الميه والكهرياء
3- سرعه تنظبف الأطباق من اليواقى ووضعها سريعا فى الغساله ( الفتره من أنتهاء الطهام والغسيل )
رأى شخصى والله ستات البيوت بيتعبو ربنا يخليهوم لنا (كل سنه وكل أم طيبه وكل بنت ستكون أما فى يوم من الأيام )
أحنا عندنا فى البيت فريش بصراحة شغالة بقالها 3 سنوات بشكل ممتاز
خدمة العملاء ممتازة ما اتصلتش بيهم الا علشان تركيب الغسالة غير كدة ما اتصلتش بيهم
قطع الغيار متوفرة و بسعر مناسب
دة تقيمات الغسالة
cleaning performance ---- B
drying performance ---- B
energy consumption kwh/cycle ---- 1.05
لو عايز حاجة تقيماتها A هات INDESIT بس طبعآ هيكون فى فرق كبير فى السعر لو عايز حاجة سعر مناسب و اداء جيد توكل على الله فى فريش
و رائى أنك تشترى الغسالة العائلية لأنها بتسعف فى الحلل و العزومات
و أن شاء الله تتوفق فى الاختيار
تحياتى
سمعت ان ايديال زانوسى العبد فيها مشكله فى قطعه غيار بتبوز و مش بيستوردوها حسال عن الوايت ويل الكورى
والله واحدة قريبتي قعدت تقولي زمان مش عملية وشوية كلام من العينة دي فمجربتش
لقيت ناس كتير بتشكر فيها حتى الشغالة :majd(4): وخصوصا الكبيرة قلت اجيبها بقى انا مش ملاحقة على المواعين
في ناس شكروا في فريش بردو
انا هحاول اعدي على بي تك النهاردة واشوف عندهم ايه واقولك
انا بفضل المحلات الكبيرة زي كارفور عن عبد العزيز
الف شكر يا باشا بس واضح ان INDESIT جامده الموقع بتاعهم جامد جدا
http://www.indesit.asia/indesit/entryPoint.do بس تلاقيها غاليه جدا
انا من حوالى 6 شهور كنت فى نفس موقفك وبعد السؤوال والاستفسار عن كل كبيرة وصغيره جبت ارستون كلها ايطالى 12 او 14 فرد مش فاكر بحوالى 3600 جنيه من بى تك انا جبت لك من الاخر علشان المصرى او التقفيل المصرى حذرونى منه وكمان الغساله الاقل من 12 فرد غير عمليه وخصوصا مع وجود الحلل ودى كانت نصيحة الناس ليه اللى كان عندها غسالات 8 افراد وهذا ما تاكدت منه بعدما اشتريتها وشغالة معايا كويس جدا منذ 6 شهور وصيانة ارستون وقطع غيارها متوفره فى جميع المحافظات
السلام عليكم و رحمة الله و بركاتة
كونت بتصفح النت فلقيت العرض دة على غسالة أطباق فأفتكرت المنتدى و الموضوع
اللينك القادم فية العرض و مزايا الغسالة و السعر يمكن حد من الأعضاء يستفاد بية
http://www.nefsak.com/Dish-Washer-DW-M600F-Sanyo.html
تحياتى للجميع
الف شكر لكل واحد رد على الموضوع
نزلت عبد العزيز امبارح حاجات كتير لاقتها و اسعار متفاوته
جبت ماركه ايت بونت تركى تبع شركه العبد 12 شخص ب 2550 جنيه و المهنس ركبها النهارده بس لسه مجربتهاش
طيب آخر كلام أيه أحسن ماركة موجودة من حيث الأعتمادية والتوكيل وسعر في حدود 4 ألاف أو أربعة ونص عشان شكلي بقى وحش ولسة ماجبتش هدية عيد الأم :shyy:
بصراحه انا لفيت كتير فى شارع عبد العزيز اشكال و انواع بس من الاخر انا لو كان معايا المبلغ ده كنت جبت ارستون على طول زى ما اخ فاضل كاتب مشاركه فى الموضوع ده هى تحفه عند اخويا من 10سنين ما شاء الله توكل على الله و هاتها من -b tec
ب 3800 و وايت بوينت كويسه برضه علشان انا ما حبتش اجيب حاجه صينى و توكيل العبد محترم بس لسه حجبلها حاجتها و حجرب:36_1_34[1]:
حضرتك لو دخلت فى الأثمان دة فكرة فى
electrolux كأختيار أول مش هتوجد ليها منافس بس هتكون فوق5000 http://www.electroluxappliances.com/kitchen-appliances/dishwashers
ثم INDESIT كأختيار ثانى