انا كنت من المويدين لكلمة لا فى التعديلات الدستوريه بسبب واحد فقط هو
المواصفات المصريه لعضو مجلس الشعب كانت ومازالت فى الدستور هباب اسود
عشان كدة كنت اتمنى بناء دستور جديد
انا اويد بقوة ان ترشيح اى انسان فى رئاسه الجمهوريه لكن عضو مجلس الشعب هو الرهان الحقيقى للبلد
نفسى فى دستور جديد يقوم بعمل التالى
1- الغاء كوته المراة
موافق لأن من حقها ترشح نفسها زيها زي الرجل
2- الغاء 50% عمال وفلاحين
موافق
3- الغاء الانتخاب الفردى
مش موافق، لأن الاحزاب تمثل نسبة من أطياف المجتمع المصري وليس كل الاطياف مشتركة في أحزاب أو لها حزب يعبر عنها.
4- التفريق بين عضو مجلس الشعب وعضو المجلس المحلى
بالغاء ومسح فكرة ابن الدايرة عضو مجلس الشعب هو عضو للشعب وليس للدائرة
وينسى خالص هو واهل الدايرة ان الراجل دة بتاعهم دة بتاع الشعب
غير موافق، لأن عضو مجلس الشعب هو ليس الا ممثل لدائرته لينقل نبض الشارع في هذه الدائرة، و مجموع الاعضاء يمثل جميع الشعب
5-وضع شرط التخرج من الجامعة للترشيح
موافق، ولو قولت ماجستير ودكتوراه حوافق أكتر، وهذا ليس تقليلا من شأن غير المتعلمين، ولكن التعليم يوسع الافق ويصقل العقل، ويجعل العضو قادر على استيعاب جميع اراء المحيطين به في دائرته حتى يمثلهم بالشكل الامثل.
6- اختيازة اختبار icdl فى الكمبيوتر (جديدة منى دى)
مش شرط،
7- تخليه عن اى منصب خاص او عام اثناء الفترة البرلمانيه
مش ممكن، كده انت بتقول له اسرق عشان تعرف تعيش بعد المجلس.
8-لكل عضو فترتين فقط مدى حياته منفصلين او متلازمين
(نفسى تطبق ايضا على رائسه الحمهوريه لانها تمنعه فى الفترة الثالثه ولكنها تسمح فى الرابعة راجع التعديلات الدستوريه)
موافق
بالنسبه للمجلس عامة
1- نقل مكان المجلس من وسط البلد الى ارض الله الواسعة
نقل المجلس وحده مفيش منه فايده، انما نقل جميع الوزارات والهيئات هو ده اللي تمام.
2- التصويت فى القاعة تصويت الكترونى
موافق
3- جلسات مجلس الشعب علانيه امام التليفزيون
موافق
4- موقع الكترونى محترم على النت يقوم فيه المواطنين بمراجعة كافة الجلسات فى اى وقت
موافق
4- نظام حضور وانصراف الكترونى لكل الاعضاء يمكن متابعته عن طريق الموقع الالكترونى للشعب (عشان الى بيزوغ ومبيحضرش)
موافق
5- اقرار ذمة ماليه واضح لكل الاعضاء على النت لكل اعضاء المجلس
موافق
المفضلات